منتدى عالم الأسرة والمجتمع - عرض مشاركة واحدة

15-04-2011, 01:11 AM

روح الطير

كبار شخصيات المنتدى

تاريخ التسجيل: May 2005

المشاركات: 12,052

اقتباس:

المشاركة الأصلية كتبت بواسطة أم داليا

سوي له قهوة و حلى ..
أو شاهي و فطاير ياخذها معه الدوام ..
و طبقي أفكار لمني بشوق ..

بأدور عن مواضيعها إن شاء الله و أبدأ أطبقها .. قريت موواضيعها بس اللي فيها مساج و كذا ..
كنت أستصعب أطبقها ، مثل ما قلت .. زوجي ما يحبها و لا يحب الفطور ..

راح تحسي بالمتعة و تروح الكآبة بإذن الله ..
إش بك أحس كأنك عروس جديدة .. نعلمها كيف تعيش حياتها في بيت الزوجية ..

قلت لك بالرد اللي قبل عن السبب ..

ترى هذه وحدة من أسباب تأجيلي لدراستي كمان ..

ما أحس إني عشت حياتي الزوجية كأي زوجين .. و حابة أعيشها دحين ..
و لاحقين عالدراسة و الغربة من جديد ..

إطلعوا بشكل إسبوعي منتزة مطعم كوفي سوق بر حديقة مكتبة خذو لفة على المدينة إذا فيه فعاليات في المدنية إحضروها ..

كنا أول كل ما طفشنا ، ناخذ لفة بالسيارة و مع الوحام صرت أدوخ بالسيارة و بديت أمل ..
حفظنا الشوارع و ما عندنا للأسف أماكن كثيرة للتمشية .. : (
و زوجي يكره زحمة السيارات و باله يكون مع السواقة ، ما يقدر يركز في شيئين أبدا ..

تصدقي ؟ ما عرفت إيش أرد على زوجي يوم قال لي الأسبوع الجاي أختاري المكان اللي تبغينا نروح
له .. طبعا لإني قلت له ( الأسبوع الجاي .. فين راح تخرجني و توديني ؟؟؟ )

من جد ،، ماني لاقية أماكن تنفع نروح لها ..؟؟؟

كوفي .. زوجي ما يشرب القهوة و لا الشاي ..
مطعم .. مع الوحام ما أكل شئ من أكل المطاعم و هو المكان الوحيد اللي نروح له ..
منتزه .. قليل مرة عندنا ..
مكتبة و سوق .. زوجي ما يحبها و لا أحب أتسوق مع زوجي ..
مدن قريبة ؟؟؟ ما عندنا شئ قريب .. و يستثقل زوجي السفر للمدن البعيدة ..

شوفي زوجك تعبان لانه من زمان عن العمل و كمان أثاث الشقة يهد الحيل .. و حطي في بالك إن زوجك كسول فعلى شان كذا طفشان من الدوام و تعبان من النظام الجديد ..

معاك حق في اللي قلتيه .. خاصة إنه أول مرة في حياته يأثث شقة لوحده ..
بداية زواجنا قلت لك كيف كانت ، و في الخارج كنا نستأجر شقق و بيوت مؤثثة و ندفع تأمين لهم ..
و كنت أنا اللي اشتري أي شئ ينقص للبيت ، زي المكنسة و المكواة و أدوات المطبخ و كذا ..

عشان كذاا يوم أقول له إنت ما تحبني زي قبل و زهقان مني .. لإنه تاركني عند أهلي

يقول ( شوفيني كيف جبت شقة عشانك .. و شريت هذا عشانك .. و جبت هذا عشانك ) ..
أنا أقصد بالإهتمام .. و هو يقصد شئ اخر و كل واحد ينظر من منظوره الأنثوي أو الذكوري ..

بس إنت هدي شوي و لا تقلقي كثير .. إنتظري لحد ما تترتب أوضاعكم و تمشي في الحمل كمان شوي و يهدى الوحم ..
راح تشعري بروعة حياة ربة المنزل .. و إن وقتها كله فري ترتبه على راحتها ..
موفقة يالغالية ؛

مو عشان كذا يا أم داليا حبيبتي ..

أبغى أستغل وقت فراغي دحييييييين .. و أعمل شئ ( جديد ) ..
لإنه مجرد ما يصدر قرار بمباشرتي بالعمل ،، فراح أنشغل من جديد و ما حأفضى ..
أبغاه من زمان يجهز المطبخ قبل غرفة النوم ، عشان أتفنن له في الطبخ ..
بس هو يحب النوم ، فجهز أول شئ غرفة النوم

ما أنسى أقول لك ،، إنه نصيحتك السابقة استفدت كثير منها و كان لها أثر كبير

يوم قلتي لي بما معناه ، إنه خلاص ( الماضي و قال و وعد .. إلخ ) و أنسيييي يا روح ..

زوجي أحسه ما يحب إني أكون ربة منزل ..
يزداد إعجابه فيا يوم يشوفني منشغلة بالحياة الإجتماعية مع الناس و الصحبات و الخرجات ..
عكس أغلب الرجال ..
يمكن لإنه مفتقد الشئ هذا في عيلته ؟ لإنه عندهم ( ممنوع الخروج و الزيارات )

و أنا أحب أخلي بيتي و زوجي و ولدي على رأس أولوياتي .. لإني تربيت تحت يد أمي
( أمي ربة منزل درجة أولى ) .. كان عندها راحة أبوي أهم شئ في البيت و احترامه ..
حتى عماتي و خالاتي و جداتي نفس الشئ ، ربات بيوت و طباخات درجة أولى .،

أنا اللي طلعت شاذة عنهم

عشان كذا نويت إذا جبت بنت إن شاء الله ، أعلمها كيف تكون ربة بيت و أعلمها كل شئ من صغرها ..

التعديل الأخير تم بواسطة روح الطير ; 15-04-2011 الساعة 01:19 AM