|
|
14-04-2011, 11:16 PM
15-04-2011, 01:11 AM
|
المشاركة الأصلية كتبت بواسطة أم داليا
سوي له قهوة و حلى ..
أو شاهي و فطاير ياخذها معه الدوام .. و طبقي أفكار لمني بشوق .. بأدور عن مواضيعها إن شاء الله و أبدأ أطبقها .. قريت موواضيعها بس اللي فيها مساج و كذا .. كنت أستصعب أطبقها ، مثل ما قلت .. زوجي ما يحبها و لا يحب الفطور .. راح تحسي بالمتعة و تروح الكآبة بإذن الله .. إش بك أحس كأنك عروس جديدة .. نعلمها كيف تعيش حياتها في بيت الزوجية .. قلت لك بالرد اللي قبل عن السبب ..  ترى هذه وحدة من أسباب تأجيلي لدراستي كمان .. ما أحس إني عشت حياتي الزوجية كأي زوجين .. و حابة أعيشها دحين .. و لاحقين عالدراسة و الغربة من جديد .. إطلعوا بشكل إسبوعي منتزة مطعم كوفي سوق بر حديقة مكتبة خذو لفة على المدينة إذا فيه فعاليات في المدنية إحضروها .. كنا أول كل ما طفشنا ، ناخذ لفة بالسيارة و مع الوحام صرت أدوخ بالسيارة و بديت أمل .. حفظنا الشوارع و ما عندنا للأسف أماكن كثيرة للتمشية .. : ( و زوجي يكره زحمة السيارات و باله يكون مع السواقة ، ما يقدر يركز في شيئين أبدا .. تصدقي ؟ ما عرفت إيش أرد على زوجي يوم قال لي الأسبوع الجاي أختاري المكان اللي تبغينا نروح له .. طبعا لإني قلت له ( الأسبوع الجاي .. فين راح تخرجني و توديني ؟؟؟ ) من جد ،، ماني لاقية أماكن تنفع نروح لها ..؟؟؟ كوفي .. زوجي ما يشرب القهوة و لا الشاي .. مطعم .. مع الوحام ما أكل شئ من أكل المطاعم و هو المكان الوحيد اللي نروح له .. منتزه .. قليل مرة عندنا .. مكتبة و سوق .. زوجي ما يحبها و لا أحب أتسوق مع زوجي .. مدن قريبة ؟؟؟ ما عندنا شئ قريب .. و يستثقل زوجي السفر للمدن البعيدة .. شوفي زوجك تعبان لانه من زمان عن العمل و كمان أثاث الشقة يهد الحيل .. و حطي في بالك إن زوجك كسول فعلى شان كذا طفشان من الدوام و تعبان من النظام الجديد .. معاك حق في اللي قلتيه .. خاصة إنه أول مرة في حياته يأثث شقة لوحده .. بداية زواجنا قلت لك كيف كانت ، و في الخارج كنا نستأجر شقق و بيوت مؤثثة و ندفع تأمين لهم .. و كنت أنا اللي اشتري أي شئ ينقص للبيت ، زي المكنسة و المكواة و أدوات المطبخ و كذا .. عشان كذاا يوم أقول له إنت ما تحبني زي قبل و زهقان مني .. لإنه تاركني عند أهلي  يقول ( شوفيني كيف جبت شقة عشانك .. و شريت هذا عشانك .. و جبت هذا عشانك ) .. أنا أقصد بالإهتمام .. و هو يقصد شئ اخر و كل واحد ينظر من منظوره الأنثوي أو الذكوري .. بس إنت هدي شوي و لا تقلقي كثير .. إنتظري لحد ما تترتب أوضاعكم و تمشي في الحمل كمان شوي و يهدى الوحم .. راح تشعري بروعة حياة ربة المنزل .. و إن وقتها كله فري ترتبه على راحتها .. موفقة يالغالية ؛ |
15-04-2011, 01:47 AM
15-04-2011, 11:08 PM
|
المشاركة الأصلية كتبت بواسطة أم داليا
روح بقولك شيء بس ما تزعلي مني ..
في خاطري دايم ودي أقولك هالكلمة .. خذي راحتك يا قلبي .. بس بشويش علي ، تريني حساسة . . و بما إننا من نفس الفئة البوصلية فأكيد نفهم بعض كثير و ماراح تزعلي مني .. بالعكس راح تتقبلي و تغيري .. أكييييييد .. و أول مرة أدري إنك من نفس الفئة .. صرنا 4 أنا و إنت و مهرة و الماضي . . شوفي إنت صايرة مثل الحماة اللي تدور لكل حل مشكلة .. إييييييييش ضحكت على جملتك ؟؟؟؟ أول مرة أدري إنه هذه طريقة تفكير الحموات .. بالعكسسسس .. مرة بأستفيد من ملاحظتك و أتعلم منها .. إيش راح أستفيد إذا ماحد نور لي طريقي ؟ . . يا قلبو ناظري دايم لنصف الكاس المليانة .. و انظري لحياتك دايم بمنظور أبيض و جميل و إيجابي .. تأكدي إن الحاصل الان شي طبيعي جدا .. وما يحتاج تبرري لنا أو لنفسك .. يعني الحياة ماتمشي على وتيرة وحدة دايم أو على مزاجنا أو ما نهواه .. تدري ؟؟؟ في الشئ هذا أغبط زوجي ماشاء الله ، لإنه هو كذا بالضبططط نظرته لحياتنا و حياته دايما .. عشان كذا أحس دايما باله مرتاح ماشاء الله تبارك الله .. عكسي ، أفكر كثير و أدور عن أي شئ يحتاج لتعديل أو أفكر باللي فات و كيف أتعلم من اللي حصل و في المستقبل و كيف أخطط له .. إلخ بس إن شاء الله بأحاول ( أوعدك ) .. لإنه هذه النصيحة ثاني مرة أسمعها ، قبل كذا سمعتها من 3 سنوات من صديقة مقربة جدا و كنت أحسب إني خلاص تعلمت و تعدلت .. و بما إنك عروس جديدة .. راح أقولك إنك تحتاجين من زوجك دايما إنه يثبت لك حبه (لفظيا) و الرجل كطبيعة في الغالب يعبر عن حبه فعليا .. لاحظي يوم يقول لك انا إستأجرت الشفة على شانك .. و أثثتها على شانك .. يعني حب فيك .. و بما إنكما عرسان جدد إطلبي منه يسمعك كلمة أحبك دايم .. كان يرجني فيها في فترة الملكة .. لدرجة إنه ما كان يتكلم و يقول غيرها يعني مثلا كنت أسأله : إيش تحب تاكل ؟ كان يرد : أنا أحبك إنت أسأله : طيب إيش تحب تشرب ؟ يرد : أنا أحبك إنت أسأله : طيب إيش الصفة اللي ما تحبها ؟ يرد : أنا أحبك إنت حتى أفتكر أمي وقتها قالت لي : الرجال في بداية الزواج .. دايم يقول كلام الحب .. و بعد كذا بيصير العكس و الحرمة تستنى منه و دحين أبداً ما يقولها .. بس بطرق ثانية يقولها ..  إنه يجيب لي عشاء ، و لا غداء و لا يوديني السوق و لا يشتري لي عصير .. إلخ صار هذا هو مفهوم الحب عنده و أأكد لك زوجك مش من النوع اللي إذا تغيرت روح علي شكلا و لا تعامل راح تتغير معاملتي و شعوري تجاهها .. لا .. زوجك يقول روح زوجتي وقفت معي و خلتني و حياتي أجمل .. و راح أقدر لها كل ظروفها و مشاعرها في كل الاحوال .. تأكدي من هالنقطة .. بيني و بينك .. من كثر ما أقرا الحكايات اللي هنا .. أخاف على حياتنا إنه يتسرب فيها أي شئ و من غير ما نحس .. و خاصة إنه زوجي كتوم و كلامه قليل .. فما أعرف بإيش يفكر و إيش يتمنى و إيش في نفسه ؟ و هو بالضبط قال لي مرة نفس جملتك اللي قلتيها ، بس من زماااااااااااااان كان يقولها .. كان دايما يقول ( نفسي أعوضك و أرد لك كل جمايلك علي ... إلخ ) بس دحين أبدا أبدا أبدااااااا ما يقول زي هذه العبارات .. فأقول بداخلي ، شكلي خلاص ( صرت كخخخخة عنده ) .. لازمك إنت تتمتعي بشيء من الهدوء و الطمأنينة و بإذن الله إن هالنقطة راح تستمدينها من عشرتك مع زوجك ... |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور