رحمتك يارب ... والدته لاتريدني
مواضيعي السابقة
http://www.66n.com/forums/showthread.php?t=224358
http://www.66n.com/forums/showthread.php?t=224399
والموضوع الأهم
http://www.66n.com/forums/showthread.php?t=224652
جديدي مع الأسف
أمه رفضتني بشده وبقوووه وبإصرار ... وارتفع ضغطها ودخلت المستشفى والدكتور قال زين انهم لحقوها ولا كان بيصير فيها شي .. كل هاذا لأنها انغصبت تيجي تشوفني - اجبرها والد خطيبي- بعد إصرار خطيبي وظلت اكثر من يوم لاتاكل ولاتنام وتعصر على حالها لين مانفجرت بيوم الشوفه
.
.
.
.
هذا الكلام من اكثر من اسبوع بس انا كنت منهاره وحاسه اني مخنوقه وروحي بتطلع مني .. خصوصا انو خطيبي انضغط من كل اهلو لأنهم خايفين على أمو .. وأمو ماطلعت من الستشفى وصارت احسن إلا لما قالها إلي تريديه يصير ...
وبلحظة صار مافي احسن منها رجع صوتها طبيعي وتتكلم وتضحك لدرجة انها بعد يومين اتصلت عليه وقالتو تعال أخذتلك موعد مع عرووسة عشان تشوفها .. في الأول قالها إن شاءالله ولما اجى اليوم المحدد قالها ماحروح اشوف حد وماافكر اتزوج
.
.
.
وعلى أساس بيرجع يحاول معاها للمعلومية صارلو اكثر من سنتين يحاول .. والحين رجعنا لنقطة البداية وانا ماأعرف شو اسويه .. اتركو صعب .. ماأتخيل يكون لوحده غيري ممكن اجن .. مو ممكن أكييد بجن أنا عن نفسي أعرف شو اريد ومتأكده منو بعقلي قبل قلبي.. بس هوا موقفو صعب .
.
.
بعد أول كام يوووم قررت اني ارجع اصلي استخاره عشان لو مافيه نصيب ربي يقنعي بالخير ويحسسني بالسكينة وبالفعل بديت اصلي استخاره بعد كل صلاه .. بس كل ماأصلي كل مااتعلق فيه أكثر .. واحس انو فيه نصيب.
.
.
.
رحمتك يارب والله حلمي بسيط ومو متمنية بالدنيا غيرو .. يارب
__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي 