السلام عليكم

مبسووطة ومو قادرة اخبي فرحتي الله يتمها علي على خير اخيراااااااا بإذن الله بيكون لي وملكي وحلمي البسيط بإذن الله بيتحقق

ادعوولي

ومن كثر ماأنا متحمسة افكر بأشياء كثير يمكن لسه موقتها وإذا اتكلمت مع حد فيها بيقولي لسه بدري بس انا طبعي انشغل بسرعه واحب اخطط بكل شي وطبعاً كل شي بيد رب العالمين بس مافي مانع الواحد يفكر

طولت كثير اسموووحلي بس حاسه اني اتكلم مع نفسي ... خلاص ببدا بالموضوع

الموضوع ياخواتي واخواتي انو انا وخطيبي بنجهز لكل شي بإذن الله مع بعض لأني ادرى بحالتو وبوضعو
بس اريد اعرف كام ممكن يكلفنا تجهيز البيت ( طبعاً بيكون غرفة وصاله.. يادوب على قدنا)

حفل الزواج ( مع اني والله مستخسرة ندفع مبلغ وقدره عشان كام ساعه )
غير تأجير البيت ( والله يعينه عليه )
وإذا حبينا نسافر كم ممكن يكلفنا الموضوع

فأريدكم اخواتي وخواني تنصحوني شو احسن طريقه نوفر فيها عشان نقدر نوفر هالإحتياجات
بمعنى كم نوفر كالشهر وإذا في طريقة ثانية ... ماأعرف انتو قولولي وانصحوني وكم ممكن يكلفنا هالموضوع وشو الاشياء الي ممكن نختصرها وكيف نضبط الميزانية
علماُ بأننا من سكان الإمارات والدخل والحمد والشكر لله مستور بس محدود هو وانا علينا ديون وإلتزامات يعني مانقدر نوفر كثير ...

ساعدوني بأفكاركم وإبداعكم ... الله يسعدكم ويهنيكم

ما شاء الله عليك ياليت كل البنات بتفكيرك
الله يوفقك
وخليه هو اللي يحسب ترا الرجال ما يحب يسولف في الفلوس والتكلفه
بيني له أنك ماودك يضغط على نفسه كثير وبس
الله يجعل حياتك مع زوجك كلها حب وفرح وسرور وهنا الله يوفقكم

__________________

تسلم اخوي الله يجزيك الخير على ردك
بصراحه احنا دايما نحسب مع بعض كل شي ..
وبما أنه بإذن الله بنتشارك بكل شي حابه ارتب الأمور واجيبله افكار مو حابه اضغط عليه .. هو بصراحه صعب يتزوج بظروفه وانا مو حابه اتقل عليه
الحمدلله هو يتحمل المسؤولية و واقف معايا بكل شي الصغيره قبل الكبيرة وانا كمان لازم اوقف معاه
ونساعد بعض على الحلال
حتى حفل الزواج اقوله مافي داعي بس هو يقول مستحيل احرمك من هالفرحه وتكوني اقل من غيرك

الله يحفظك ويوفقك ومشكور مره ثانية

__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي

الله يوفقكم ويسعدكم وتبقون كل العمر مع بعض بسعاده وفرح
ودي أفيدك لكن كل منطقه لها عاداتهم في الزواج واسعار قاعات الحفلات وايضا الرحله حسب اللي تبغون داخل خارج يعني أنا عندي روحها لماليزيا بعد العرس مباشره حوالي اسبوع كلفتني 13 ألف
والله يوفقكم ودي أفيدك أكثر الأعضاء فيهم الخير والبركه

__________________

أخي الكريم الله يباركلك ويفوقك ويسعدك دنيا وأخره
ويجيزك ألف خير على دعائك الله يسمع منك اميين

__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي

ماشاء الله


الله يوفقك يارب


يا أختي طيب كم راتب زوجك عشان نقدر نحدد لك الميزانيه!!!!!!

طيب أهم شي يوفر قيمة الآجار ويكون له حساب خاص يعني للإيجار حساب خاص

وضروري يا أختي بعد الزواج تتعودي على عدم الإسراف يعني تشتري أغراضك بحدود المعقول


عشان توفرو لتسديد الديون

وغذا حابه أول ما يستلم الراتب يحول بحساب الإيجار500 ريال وينساها بالمره


بهذه الطريقه تقدري توفري إن شاء الله

الله يجزيك الف خير ويحققلك كل أحلامك

__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي

ماشاءالله تبارك الله فيه بنات زي كذا ؟؟!!
وانا أقرى كلامك وردودك انبسطت واقول بنفسي ياليت كل بنت تدخل الموضوع بدال ماتقرالها مشكله مالها حل او حلولها أفترضيه تدخل الموضوع وتتعلم كيف تتعامل مع وضع زوجها المالي ناهيك ان الأمور الماليه في الآونه الأخير صعبه جداً وأرتفاع الأسعار بشكل رهيب .. عموماً دعواتي لكم بالتوفيق والله يتمم عليكم بخيررر يارب

__________________
يارب ترحم أبيي وتشافي اميمتي

أخي الكريم جزاك الله الف خير على ردك
برأي المسأله ابسط من أن تعقد الهدف هو الإستقرار وطلب الحلال .. ولاتوجد مشكلة في الدنيا ليس لها حل وإذا كانت اقصى مشكلاتنا الوضع المادي فالحمد والشكر لله على هذا لأن الماده تأتي وتذهب وبقليل من التدبير والتوفير نستطيع ان نبدأ حيتنا وننشأ عشنا ,,,

فالعبد في التفكير والرب في التدبير

كنت افكر بأن نوفر خلال سنة مانستطيع توفيره وأن نشارك في جمعيه قبل الزواج بشهر تقريبا ونجمع المبلغين لكني لم أعرف بعد كم سنحتاج .. لذا طرحت موضوعي بهدف الإستفادة من الخبرات وتبادل الأفكار ولكن للأسف الزيارات كثيرة .. والردود لاتتعدى اصابع اليد ...
دعواتكم تعني لي الكثير .. ألف شكر مره أخرى

__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي

مين يفهم ومع مين تحاكين إذا صارت الوحده همها الأول والأخير صديقاتها وكيف تبسط صديقاتها بالزواج رغم انها او الأكيد انها ماراح تشوفهم وتلاقيها تتكلف بالزواج وقبل الزواج بأمور والله أحسها وبوجهة نظري ابداً ابداً مالها أي داعي , حتى بعد الزواج ماراح تسلم بيقولون وع موب زين ,,, وإلا شفتي فلانه زواجها يحوم التسبد وهي هالضعيفه متكلفه و ومتنازله عن كثير من مهرها في سبيل أن تجعل الزواج في أبهى فله ولكن طبع الحريم ومن يغيره !!!

__________________
يارب ترحم أبيي وتشافي اميمتي