أخي الفاضل الزكاة السنوية ياخذونها مافيه مشكلة وباقي المبلغ بإذن الله راح يجيب أرض وكمان تقدرتبتدي منها في أساس البيت تقدر تبني منه التأسيس لأن أتوقع إن هناك مخططات قطع الأراضي تتراوح مابين 300000مئة ألف إلى ثلاث مئة وخمسين ألف أنت بس أختار المخطط الطيب لأن فيه مخططات مبالغين في أسعارها بشكل خيالي حنا عندنا في منطقة تبوك أفخم مخطط تلاقي قطعة الأرض فيه بحدود 400000 مئة ألف وفيه على ثلاث مئة ألف وفيه على حدود 200000 ألف في بعض المخططات ومد لحافك على قد رجولك الإنسان على حسب إمكاناته يقدر يختار إللي يناسبه موضروري أسكن في حي كله من سكان الطبقة العليا أهم شئ ألاقي بيت يضفني أنا وعيالي مع الطبقة الوسطى هاذا الأهم أحيانا الواحد فينا يحلم في بيت كبير فيه حديقة وحوش ومواقف سيارات داخل البيت ويحلم بعدد كبير من الغرف في البيت ويبغى لكل فرد من الأسرة غرفة خاصة فيه بملحقها ولاكن هاذا مجرد حلم لأكثر سكان السعودية وأنا أشوف إن الواحد لو أستطاع أن يبني له بيت مكون من ثلاث غرف نوم بملحقاتها واحدة للأم والأب وواحدة للأولاد وواحدة للبنات ومجلسين واحد نساء وواحد رجال وصالة ومقلط للضيوف ومطبخ ويحمد ربه ويبوس إيده وجه وقفى لاكن أنا أعرف واحد عمره فوق 60 سنة هو وزوجته وماخلفوا إلا بنت واحدة وزوجها وتسكن البنت في منطقة ثانية أبوها ساكن في بيته هو وزوجته فيه 8 غرف وصالة و6 دورات مياه ومطبخ
وكلفه بناء البيت حدود مليون وعليها شوي وتقاعد الشايب ومازال مديون للبنوك ورجع يشتغل بشركات حراسات الأمن على كبر سن ومريض بالضغط والسكر ومازال يدفع أقساط هالبيت إللي يسكن فيه وحمل نفسه فوق طاقته .

وأشوف إن الإنسان إذا كان عنده إرادة وعزيمة ويحط أمامه هدف ضروري كأمتلاك منزل ويتخلى عن الكماليات والسفرات الخارجية وينظم أموره المادية ويضغط على نفسه ويقتصد في كل شئ لتحقيق هدفه بإذن الله إن ربنا يعينه ويوفقه في مايسعى إليه
مافيه مشكله أحرم نفسي من اشياء كماليات علشان أحضى بشئ أساسي ومهم مثل إمتلاك المنزل سبحان الله بكرة لو قدر الله على رب هاذي الأسرة تطفي عينه وهو ماعنده بيت ملك عياله وأسرته وين ترو ح والله إنها راح تتبهذل بهذله بالذات في هاذا الزمن أحس إن البيت مهم وضروري جدا ولابد إن يكون من أولويتنا نحن نساء ورجال إمتلاك منزل للأسرة أول شئ رب الأسرة لمايكون على راس عمله راتبه يكون كامل بجميع بدلاته وبعد التقاعد يهبط لنص وأحيانا أقل من النص وهو على راس العمل بإمكانه إنه يوفر قدر مايستطيع من راتبه لإمتلاك منزل لاكن عقب التقاعد ماراح يمديه يوفر شئ وراح يقضي باقي حياته كلها في الإيجارات ولو قدر الله وحصل له شئ ومات راتبه التقاعدي راح ينقص مبلغ وقدره وبعدها أسرته راح تتبهذل لابيت ولا راتب مثل الناس والواحد لازم يفكر في أسرته وراحتهم قبل كل شئ سوى في حياته أو بعد مماته .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله