المشاركة الأصلية كتبت بواسطة بنت الحكمي

أنا أؤيد إخفاء الراتب عن الزو ج إذا كان إستغلالي وعينه على راتب زوجته .
وأؤيد إخفاء الراتب عن الزوجة
إذا كانت من النو عية المسرفه والمبذرة و ماتقدر قيمة الريال وتجري ورى المظاهر والموضات وبإمكانك تعطيها مصروف خاص لها شهري والباقي تخفيه عنها وكمان المصروف اللي تعطيها إياه تحاول إنك تزيده لها في أوقات المناسبات والأعياد علشان تاخذ
كل إحتياجاتها بالذات إن كل شئ صار غالي في هاذا الزمن والإنسان إذا الله رزقه وأعطاه هو كمان يوسع على أهل بيته بقدر مايستطيع ويحاول يحط كل أموره المادية بجدول وينظمها بشكل صحيح والصراحة أنا أشوف إن الشعب السعودي ككل همهم إمتلاك السكن وإذا كل مواطن إمتلك منزل بإذن الله إن كل أمور حياته بتصير حلوة والله إن حتى لو راتبه 5000 آلاف إنها كافيه له بس أهم شئ البيت الملك
إذا توفر هاذا الأهم الحين أغلب الناس توفر من رواتبها علشان تمتلك بيت العمر وفي الحقيقه أنا أشوف إن العقارات والأراضي ومواد البناء صارت نار في نار والناس أكلتها البنوك وحتى إذا وفرت من راتبك لابد من إنك تقوم للبنك بزياره للإقتراض منه لأن كل إللي وفرته ماراح يكفي قيمة بيت
فيضطر الإنسان للإستدانه علشان يحقق حلم حياته ويمتلك منزل .
وأحسن طريقة لتوفير هي إنك تستقطع جزء من راتبك وتدخل فيه جمعية مثلا إستقطعت من راتبك مبلغ 5000 آلاف ريال ودخلت جمعية مع أصحابك لمدة سنة وتجمعها بتحصل تقريبا على مبلغ 60000 ألف ريال ولماتستلمها تودعها في حساب التوفير وبعد ماتخلص الجمعية تبدأ الدخول في جمعية أخرى وتودعها على إللي قبلها وهاكذا دواليك في خلال 5 سنوات بإمكانك إنك تجمع مبلغ 300000 مئة ألف ريال وخمس سنوات ثانية بتجمع مثلها وبإمكانك إنك تشتري بيت في خلال 10 سنوات
بدل ماتنتظر20 أو 25 سنة قرض البنك العقاري وبدون ماتدخل نفسك في قروض البنوك والديون الجمعيات أحسن حل بس أهم شئ إنك تشترك فيها مع ناس أهل ثقه وأمانة .