السلام عليكم ورحمة الله وبركاته
ادري لجيتكم بمشاكلي والله يعينكم علي وعلى مشاكلي
ارجوكم .. كل انسان يمر هنا حتى لو ما راح يرد بس يدعي لي ان ربي يبارك لي في وقتي وجهدي ويعينني على شغلي
بعطيك بداية بسيطه عن شخصيتي اللي تتعلق بالمشكله هذي
انا كنت انسانه منظمه لأقصى درجة
أمشي يومي بجداول اسويها مثلا اكتب الصبح بسوي كذا بساعتين والعصر اسوي كذا بثلاث ساعات
وهذا النظام معتمدته من أيام الثانويه والحمدلله كل اموري ماشيه تمام وما احس بضيق الوقت لان كل شي مرتب ومنظم
وغير كذا كنت انام بدري واصحى بدري حتى ايام الجامعه واقدر اكمل كل اشغالي حسب ترتيبي لها
وابدا ما عندي مشكله لو كنت تعبانه انام ساعتين واحط لي منبه يصحيني واصحى بنفسس الوقت ما اصكه وانام
بس اللي صاير معي الحين
خصوصا اني بآخر ترم لي بالجامعه
ابببددد صااايره كسوووله لأقصى درجة
وما عدت انظم وقتي وارتب جدولي وكل وقتي صاير يضايقني
ما عاد عندي وقت اكمل اي شغله في اليوم بسبب تعبي وارهااقي
مثل ما ذكرت .. ايام قبل انام واحط منبه واصحى عاااادي وحتى أصحي صديقاتي واخواني لو يحتاجون
الحين المنبه يظل يرن ويرن ويرن وما اصحى الا بعد ساعتين !!!!
عشان كذا صرت احط لي اقل شي عشر منبهات بالجوال عشان اضمن اذا ما صحيت بالاول اصحى بالعاشره
مشكلة النوم صارت عندي مشكله كبيييييييره .. صرت بسرعه احس بالارهاق وعلى طول انام
لان دوامي بمنطقه بعيييده عن المنطقه اللي انا فيها عشان كذا احتاج اصحى بدري واداوم وارجع البيت كل يوم تقريبا 4 او 4 ونص عشان المواصلات لانها بعيده
وارجع اكيييد بكون تعبانه وانام لي ساعتين << هذا نظامي من ايام الثانويه
وبعدها اصحى اجلس مع اهلي شوي وابتدي ادرس واكمل شغلي
هذا النظام عادي متعوده عليه ومو جديده علي اني ارجع البيت الساعه 4 ونص
ابد متعوده عليه بس مدري وش فيني
ارجع الساعه 11 يجيني نوم وماااقدر اركز في شيء ابد واصك كل شي اقول بنام ساعتين وما اصحى الا الصبح !!!
حاولت انام بدري واصحى لصلاة الفجر واواصل .. ابد اقوم اصلي وارجع اقول بنام لي نص ساعه وارجع انااااام 3 ساعات زياده
انا من عادتي مستحيييييييل -وتحتها مليون خط- اناااام اذا عندي شغل اسويه او امتحان ادرس له
مستحييييل انام لدرجة كنت اروح الدوام موااصله وعادي اسوي هالحركه 3 مرات بالاسبوع
المهم اخلص شغلي اللي لازم اسويه .. مدري ليش الحين تغيرت وليش صاير لي كذا
بس من شهر مو قادره اركز بششي وبسرعه انام وانام كثييير وما اشبع نوم
ولما اصحى اقول طيب شوي وببتدي دراسه او شغل .. وما ابتدي الا بعد ساعتين وأتملل وأصك بعد ساعه وانام وهيك كل يوووم
المشكله انا باقي لي اخر شهر تقريبا
وعندي فيه امتحانات وتسليم واجبات وبحث التخرج
بحث التخرج طويل ويحتاج مني وقت كثيييييير وانا مو قاعده اعطيه وقت كافي
صرت احس اني بسباق مع الزمن وانه راح يغلبي
صار الوقت عدوووي اللدوووود
تكفون عطوني حلول
كيييف اقدر انظم وقتي واكمل شغلي
ابي حل لمشكلة النوووم مابي اناااام كثيييير
مو معقوله كل مره احط راسي ع المخده انام حتى لو توني صاحيه !!!
وابي حل يخليني اصحى من اول ما اسمع المنبه !!
ابيكم تساعدوني اجتاز هالشهر على خير وتساعدوني انظم وقتي
انتظر حلولكم وربي يبارك فيكم