قلبي حنون

أنا ما أجبره ، بس شفت عوايل كثيرة من أقاربنا يدخل الأب و الولد جالس و مادد رجوله ..
و ما يقوم يحسن جلسته و يحترم وجود أبوه .. فماني حابة إنه ولدي يصير كذا ..

و خالتي أخت أمي ، أولادها ما يبوسوا يدها .. و وقت تشوفنا كلنا وقت نجي من برة و ندخل البيت
أول شي نعمله نسلم على يد أمي الله يرحمها ،، كانت ( تغبط ) أمي ..
و الشي هذا ، أبوي الله يرحمه ربانا عليه ..

و أنا مفتقدة الحين ، ريحة يد أمي و أنا أبوس يدها ..

و ماني حابة أحرم ولدي ( النعمة هذه ) ..
و عشان كذا ، الفترة الأخيرة صار يرجع مع أبوه من برة .. يقولي ماما أعطيني يدك ..
أعطيه يدي و يبوسها ، و أقوم اضحك و ابتسم له و أبوس خده و يدينه ..

.
.

بس لسى تويي اللي كنت بأعلمه يبوس يد أخواني و أخواتي .. لإني شايفة أولادهم كذا ..
بس أنا و أخوي الكبيرة اللي ما نخلي أحد يبوس يدنا ..

بس أخوي مرة بزيادة ..

فحبيت أعرف إيش الصح و الغلط ؟ لإنه الناس عندنا متقسمين كذا و كذا ..