قلبي حنون

أنا ما أجبره ، بس شفت عوايل كثيرة من أقاربنا يدخل الأب و الولد جالس و مادد رجوله ..
و ما يقوم يحسن جلسته و يحترم وجود أبوه .. فماني حابة إنه ولدي يصير كذا ..

و خالتي أخت أمي ، أولادها ما يبوسوا يدها .. و وقت تشوفنا كلنا وقت نجي من برة و ندخل البيت
أول شي نعمله نسلم على يد أمي الله يرحمها ،، كانت ( تغبط ) أمي ..
و الشي هذا ، أبوي الله يرحمه ربانا عليه ..

و أنا مفتقدة الحين ، ريحة يد أمي و أنا أبوس يدها ..

و ماني حابة أحرم ولدي ( النعمة هذه ) ..
و عشان كذا ، الفترة الأخيرة صار يرجع مع أبوه من برة .. يقولي ماما أعطيني يدك ..
أعطيه يدي و يبوسها ، و أقوم اضحك و ابتسم له و أبوس خده و يدينه ..

.
.

بس لسى تويي اللي كنت بأعلمه يبوس يد أخواني و أخواتي .. لإني شايفة أولادهم كذا ..
بس أنا و أخوي الكبيرة اللي ما نخلي أحد يبوس يدنا ..

بس أخوي مرة بزيادة ..

فحبيت أعرف إيش الصح و الغلط ؟ لإنه الناس عندنا متقسمين كذا و كذا ..

معاك حق بالنقطة هذه ..

عشان كذا و للسبب هذا ، قلت أسأل و أشوف ..؟؟؟؟؟
و أنا بس مع أبوه أخليه يسلم عليه إذا رجع من برة ..

أقوله ( حبيبي يالله بابا جاء .. قوم سلم عليه ) ..
فيترك ألعابه و يروح يحضن أبوه و يسلم عليه ..

.
.

بس مع الأقارب ،،

قلت خليني أسأل و أشوف ؟

لإنه أهل أبوي كذا و أمي كذا .. و أنا و أخواني و خواتي تقسمنا .. صرنا كذا و كذا
و واحد من أخواني طالع على أهل أبوي ، يخلي الأولاد غصب يسلموا على يده و يجبرهم ..

فأنا خلاص بأعلم ولدي دحين إنه ( أمه ، أبوه ، جده ، جدته ، و المسنيييين )
و البقية ، هو براحته ..

وعليكم السلام ورحمة الله وبركاته
حنا بعد نفسكم أهل أمي ماعندهم هالشي ولا يحبون ، نتجنب نقبلهم بس على الرأس.
نقبل يد أمي و أبوي بس.
على طارئ تقبيل اليد أمس شفت وحدة بزواج تقبل يد أم زوجها وهي طول اليوم معها بس راحت تحضر الزفه يوم رجعت قامت وقبلت يدها قالت خالتي شوفوا السيدة حقتهم نوع من الاستهزاء يعني. ؛ أنا قلت بالعكس مادام أم زوجها طيبة معها وتعاملها بنت لها المفروض حتى هي تعتبرها أمها وتقبل يدها.
بعض الكبار يحبون الشي وحدة من حريم أخواني تقبل يد أبوي ويحبها ومايقول لها إلا يابنتي مع انه بالبداية كان يسحب يده بس تجي على غفلة وتقبله.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

:*
أم الزوج الطيبة تستاهل قُبلة اليد
ومن الأحباء الذين أقبل يدهم أم زوجي أسأل المولى أن يحفظها ويطيل بعمرها
وسبحان الله تقبيل يد أم الزوج له أثر عظيم في توطيد العلاقة بين الحماة وكنتها وأخوات زوجها

فإذا أم الزوج طيبة لاتقصروا معها في التقدير والتوقير

:*

__________________

هلا بالطش والرش والورد بغرش هلا بروح الطير

كيف حالك وحال اشبالك الصغار

شوفي يالغالية بوسة اليدين والله احنا ماهي موجودة عندنا في

اسرتنا إلا للوالدين ممكن وحسب ارادة الإبن و ليست إجبارية عندنا الكبير الصغار وغير الصغار كلنا نسلم
فوق راسه

بوسة اليد بعض من الأسرة يبوس يدين والديه بس

اما الباقين يكتفى ببوسة الراس وخلاص

لاكن انا الحين اولادي يجون يبوسون يدي وراسي انا وابوهم والله من غير اني اطلب منهم او اعلمهم
سبحان الله من انفسهم بس الصغير يشوف الكبير يبوسنا انا وابوه على طول يطبق طريقة اخوه ويسوي مثله

وكمان عندي واحد من اولادي فيه طبع وعادة احاول امنعه عنها

لاكن يتغافلني ويسويها هو الحين بالصف الثاني متوسط لما يجي

وانا واقفة او جالسة وملتهية في شئ يجلس بالأرض ويسوي نفسه ان فيه شئ طايح منه او يتعمد يطيح شئ من إيده ويجلس بالأرض يدور عليه علشان ينفذ خطته

وما احس فيه إلاوهو ماسك بقدم رجلي وطايح بوس فيها احاول امنعه

وازعل منه واحاول ابعده لاكنه يرفض ويكررها كثير مرات

عكس إخوانه الباقين منعتهم من بوس اقدامي وامتنعوا

وصاروا يبوسون يديني وراسي لاكن هو مستحيل يجي على غفلة

والله مرة مسك رجولي يبغى يبوسها وانا غافلة وخرعني

حسيت بحركة غريبة عند رجولي وقفزت زين ما لقى له شوته

مني ولا كان مسكين يتوب من البوسات كلها

صراحة هو ولدي وانا احبه مثله مثل إخوانه بس ودي اعلمه يترك هاذي العادة

ويكتفي ببوسة راسي ويدي بوسة القدم ماهي حلوة واحس ان فيها له مذله وكمان

القدم نطأ بها كل مكان وماودي يتعود على هذا الشئ

لأنه هو خلاص الحين صار رجال كبير اقول له عيب مايصير يقول

لي وليش عيب الرسول عليه الصلاة السلام قال الجنة تحت اقدام الأمهات

اقول له تحت اقدام الأمهات يعني طيعها وخلك بار فيها مو كل شويه تتبطح عند رجولي عيب انت صرت رجل كبير بوس راسي بوس يديني خلاص انا راضية عنك وادعيلك واعتبر بوستك وصلتني بس لا تعيدها

يقابلني بإبتسامه عريضة ويسكت وبعدها آلاقيه يسوي نفس الحركة

نسأل الله ان يصلح ابنائنا وابنائكم ويهديهم ويعافيهم ويجعلهم من الصالحين الأخيار الأبرار يارب

عاد انا مثلك ادور حل لولدي لو عندك حل اسعفينا فيه انتي والبنات الله يجزاكم خير ويحفظ لكم عيالكم ويجعلهم لكم قرة عين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بنت الحكمي ..

ياقلبي انتي ..اذا هو يرتاح اذا بوس رجليك ..خليه لاتمنعيه ..ارجوك لاتمنعيه ..

تاكدي انه يرتاح بالشي هذا ..

__________________

أختي الغاليه روح الطير ....

والله نحنا عندنا لازم نبوس على كل كبير بالسن سوا يقربنا أو لا المهم كبير بالسن ,, وصرنا بالعكس اذا ما قبلنا يد الكبير نحس كأنه شيء غلط ..

أما أبوي وأمي وجدي وجدتي لازم نقبل على ريسانهم بعد ( اعتقد من باب الاحترام )

عاد يفوتك أبوي لازم نسلم عليه صبح وهو رايح شغل ,, يوم يرجع الظهر نسلم ونبوس على أيده ,, ويوم يرجع بليل لازم نسلم بعد ونبوس ( شو ورانا خلينا نبوس )

__________________

تعرفي سيدة الموقف ..
يمكن لإنه أعمامي و عماتي كبار ؟
و أكبر من أبوي الله يرحمه فكنا نقبل يدينهم ..؟؟؟

بس أولاد أخواتي و أخواني ماشاء الله بدأوا يوصلوا لطولي و أكثر
استحي مادري ليه ؟؟؟

مع إنه أخواتي اللي أصغر مني و أخواني اللي أصغر مني ..
عادي مرة يخلوهم .. بس أنا اسحب يدي و ما أخليهم ..

و حتى إنهم تعودوا دحين ،.

بس واحد من أولاد أختي ( شقي مرة و لسانه طويل و ما يسلم على أحد ) ..
أحب أأذيه مرات و أروح لحد عنده ، و أقول له ( خالتك و ما تسلم عليها ؟ )
أقول له ( يالله بوس يدي ) و يجلس يضحك ..

.
.

بس خلاص بديت أقتنع إنه الأعمام و العمات و الخالات و الأخوال مو ضروري ..
عشان ( لا أجبر ولدي ) إذا كبر .. إذا هو بيسلم من نفسه فمثل ما يريد ..

خلاص ، دام قلتوا ماله داعي ..
يعني ( ماله داعي )

و إنت أكثر يا وحشة ..
متابعتكم دايم .. بس أموري ملخبطة شوي و بأحاول أرتبها ..
و مشغولة مع البيبي الصعنطوط و الدوام .. بأوجع راسك لو أقول لك عنها كلها ..

أنا برضو أحب كبار السن كلهههههم ..

و زميلات أمي الكبار في السن وقت كانوا يزوروها ، كنت أبوس يدهم من غير ما أحد يطلب مني ..
و كانت أمي الله يرحمها تنبسط مني ..

نحن إذا مثلا رجعنا من المدرسة ، كنا أول شي نعمله ( نبوس يد أمي ) ..
و كانوا دايم خالاتي و عماتي و صحبات أمي
( يقولولها ماشاء الله مرة حلو ، نحن أولادنا ما يسلموا علينا )

أفتكر أبوي الله يرحمه وقت كنت طفلة ، جمعنا كلنا مرة و أعطانا محاضرة عن احترام الأم و الأب ..
و قالنا من بعد اليوم، تعملوا كذا و كذا ..
و من ضمن النقاط اللي قالها ..

نسلم على يد أمي كل مرة نرجع فيه من برة ..
و ناكل كلنا في سفرة وحدة ..
و لما نصحى الصبح ، نبوس يد أبوي ..
و إذا شبعنا نقول الحمد لله ، مو نقوم و نجري نلعب ..
و قبل لا نقوم من السفرة ، كل واحد يقوم و يشيل صحنه الفاضي معاه و يغسله ..
و غيرها من تعليمات ..

كان عمري أقل من 9 سنوات ، بس افتكرهم كلهم و الحمد لله ^_^