منتدى عالم الأسرة والمجتمع - عرض مشاركة واحدة - مسابقه للجادين فقط (ملكه الرشاقه هي؟؟؟)

28-06-2012, 01:05 PM

#354

أم يوسف2

كبار شخصيات المنتدى

تاريخ التسجيل: Sep 2003

المشاركات: 8,245

رد : مسابقه للجادين فقط (ملكه الرشاقه هي؟؟؟)

السلام عليكم جميييييعا

اموت باولادي .. ياهلا و غلا حياااتي وين الغيبة يابنت ..
يالله شدي الهمة ...طمنيني عن ابنك حبيبتي اتذكر مرة ذكرتي انه تعبان الله يشفيه و يخليه لك
صح ولا انا بديت اخرف مع الجوع

مهووورتي يااااااهلا .. اسمك نوور الصفحة.. كيف ميمي و شوشو و سلطان الله يحميهم لك ياارب
قولي لي بيني و بينك كم زودتي وزن مع الحمل هالمرة ؟؟
يالله اقراي و ارجعي شجعينا

سماري .
والله ياختي بالحملين .. بعد الولادة انتفخ اول ستة شهور و بعدين انتبه على اكلي و انحف
ماعاد ادري هي الرضاعة ولا لا
الرضاعة تجيب جوووووووووووع .. هنا المشكلة .. في الي تسد الجوع هذا بالمقرمشات و الشوكلاته
والاكلات الدسمة فاتسمن مع الرضاعة و في الي تسد الجوع بالفاكهه و الخضرة و الاشياء المفيدة فا تنحف
مع الرضاعة

اما الرضاعة نفسها تحرق 600 سعرة حرارية باليوم ...
هذا رايي في الموضوع المطروح للنقاش

المهم الحين نرجع لليوميات الي ماحد معبرها غيري .. اشوفكم كلكم مطنشين و مكسلين تكتبو يا كسلانات

امس روحت جمعة و لبست تنورة (عادة البس بناطيل) وقالو نحففففففففتي نحفففففففففففففتي
وانا تعالو شوفوني انتفخت من كثر المديح .. روحت اقول لزوجي انا نحفااانة
قال ياهبلة الي تقولي نحفتي شوفيها مسبة .. قلت ليش؟
قال كانها تقولك كنتي سميييييييييييييينة

المهم امس اكلت شاورما وعبيت بطني منها ... عدوها

واليوم مشيت ساعتين و بعدين روحت اكلت خبز ابيض و جبنة و بيضة و كوفي

والغدا بسوي كبسة دجاج ..بس بقلللل الكمية باذن الله
والعشاء بطيخ

يالله اشوفكم على خير

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله