رد : أمهات مكلومات بحاجه لدعواتكم
اقتباس:
المشاركة الأصلية كتبت بواسطة demise
الحمدلله رب العالمين ..
ام سلطان فرحتينا بهالخبر الحلو والله .. الله يتمم فرحة اختك ويجمعها بعيالها .. تصدقين اليوم كنت اقول لنفسي ما بقى شيء على رمضان واذا جاء الشهر بيخلص بسرعه البرق لكن بعد ما قرأت انه اختك بتشوف ولدها نهايه رمضان حسيت انه الشهر بعييد وباقي له كثير .. ياالله انا ما فيني صبر فكيف هي ...
يا الله ما اقسى قلوب البشر.. هالموضوع بكااااااني ما عرفت امسك نفسي .. خاصه لما قرأت كيف جت الاخت تاخذ العيال ... والاقتباسات اللي هي لفاقده شيء وشيهانه ... يالله انك تصبرهم وعقبال ما نسمع اخبار حلوه عنهم ... الله يجمعهم بعيالهم في اقرب وقت .. وايضا الفردوس غايتي .. وكل ام محرومه من عيالها.. اصعبببب شعور الله لا يذوقنا اياه ..
ام عبدالله الله يعطيكِ العافيه ويجزاك الخير ..
|
الله يجزاك خير ويحفظك ويبارك فيك يارب واشكر فيك هالمشاعر الطيبة
واحب ابشركم جميع إن أختي بحمدالله وتوفيقة ربنا جمعها بولدها والتقت فيه وكحلت عيونها بشوفته وابشركم اتصل علية بالجوال وكلمني وخواله صوروه وارسلوا لي صورته ماشاء الله تبارك الله صار رجال كبير الله يحفظه لأمه ويقر عينها فيه المسكينة بس ملامحه هي نفس الملامح الطفولية ياالله حتى انا لما كلمته وسمعت صوته صار قلبي يخفق من الفرحة وما ادري وش كنت اقول له وحسيت الدنيا مو واسعتني من فرحتي يا الله باقي امه الحين كيف شعورها وكيف كان الموقف عليها كلمتني والأرض مو شايلتها من الفرح وهو تأخر مازارها إلا يوم الجمعة اللي فات كان مرتبط بأشغال مع ابوه وانتظر يلاقي فرصة وانتهزها لزيارة امه وابوه واهله مايدرون عنه لأنه لو دروا عنه احتمال تصير معاه مشاكل هما مايبغونه يلتقي بأمه او يصلها لاكن سبحان الله قدرة وقوة ربنا فوق كل شئ ربنا اراد إنه هو بنفسه يبحث ورى وسيلة توصله لأمه والحمدالله انه وصل لها وشافها عقب كل هالسنين اللي مضت
وحبيت ابشركم بالخبر هذا واشكركم واشكر وقفتكم ومساندتكم ودعواتكم لأختي الغالية واسأل الله ان يقر اعينكم بأولادكم ولا يحرمكم منهم يارب ويقر عين كل من الأخوات الفردوس غايتي وشيهانة وفاقدة شئ بأبنائهم ويلم شملهم معاهم يارب في القريب العاجل ويلم شمل كل ام محرومة بضناها ويقر عينها فيه يارب ياحي ياقيوم أسألك ياكريم ياعظيم مثل ماجبرت بخاطر اختي يارب ياعزيز تجبر بخاطر كل أم محرومة من ضناها يارب وتجمعهم وتلم شملهم يارب وتفرح قلوبهم وتقر عينهم بشوفتهم اللهم آمين يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله