انا الحين رحت بيت اهلي مو عشان هالاشياء انا رحت بسبب شكه فيني يعني تخيلي طلع زعلان لانه لقي صوره بالانستقرام فيها كلام حب يقول انت تقصدين غيري وهو من زمان حاط هالفكره براسه اني احب غيره لدرجة مره يقول لي انت اذا سمعتي سيرة اللي تحبينه تبتسمين
ومن ناحية التفاهم جربت معاه كل اساليب التفاهم والنتيجه وحده ااصلاً اذا كلمته مباشره مستحيل يرد علي لازم بالواتس
بس انا الحين مضطره ارجع البيت لان عندي شغل مع اختي على مشروع وهي متزوجه اخو زوجي وساكنين كلنا بنفس البيت بس هي لها شقه خاصه وانا مع اهل زوجي لان راتبه على قده ومايقدر يصرف على بيت طبعاً بخبره اني مارجعت عشانه لاني ماابغى اتنازل اكثر من كذا دايم هو يغلط علي وانا اللي اتنازل ومره يرضى وعشره لا الحين قبل مااروح بيت اهلي كان عارف اني زعلانه بس ماعنده ردة فعل كالعاده مايعرف يرضيني ولا يعرف يتصرف اقسم بالله مرات احس اني اتعامل مع بزر كرهته وماصرت احس بالامان معاه
وفكرت اذا رجعت البيت اقوله من اليوم ورايح اعتبرني زوجه بالاسم وحياتي ماتخصك وبسوي كل شئ يعجبني لاني سبق وتركت اشياء كثيره عشان ارضيه
مثلاً المسلسلات عنده يعتبرها مصيبه فانا تركتها عشان رضى ربي ثم عشانه فاذا قلت له برجع اعيش حياتي مثل ماابي بيحس بالتهديد وهو الاسلوب الوحيد اللي يفيد معاه رغم اني ماابغى ارجع واعصي ربي عشانه بس بااوهمه اني رجعت اتابع مسلسلات مثلاً
ماادري اذا التصرف ذا صحيح
انصحوني وربي احس اني تايهه مو عارفه كيف اتصرف مشكوره اختي ربي يجزاك خير ويسعدك