السلام عليكم ورحمة الله وبركاته
انا متزوجه من سبع سنوات وعندي بنت
مشكلتي ان زوجي من النوع الخجول او البارد او الجاد عجزت افهم شخصيته
الكلام الحلو بيننا معدوم
من ايام الملكه كان يكلمني يمكن ربع ساعه وكل يوم نفس الكلام
مايعرف يعبر ابد ماعمري سمعت منه كلمه حلوه او تعليق لابخير ولابشر يعني لو الجدار ينطق هو مانطق
اقوله كلام حلو ويرد علي بصمت
نطلع مع بعض طول الوقت صمت
اذا كلمته عن اي شئ يرد علي بكلمه ويسكت
اسوي حفلات له ونجلس مع بعض صمت
ردت فعله تجاهي بارده جدا يعني مثلا اضمه امسك يده كانه صنم مافي ردة فعل ابد
ولو احد دخل علينا وانا جالسه جنبه مثلا يرتبك ويخاف
اجيب له هدايا مااسمع حتى شكرا يحط الهديه وتجلس مكانها شهر مافتحها
وغير كذا شكاك جدا وغيور
مايحب السفر ولا الطلعات ولا الوناسه دايم جاد وهادي ونادراً مااشوفه يضحك
حتى حملي مايبين فرحته رغم انه يحب الاطفال
بتقول يمكن مايحبك لا يحبني ومتأكده من هالشئ
بس من جد انسان طبعه غريب
مايعرف يتعامل مع الانثى ابدا حاولت معه بكل الطرق عشان يتغير بس تعبت
للعلم هو كريم جداً مااشاء الله واي شئ اطلبه مايقصر

قبل يومين رجع يشك فيني وهالشك فيه من بداية الزواج
وطبعا الايام اللي يكون راضي فيها علي تنعد على الاصابع
جربت معاه كل الاساليب لكن للاسف اكتشفت انه مريض والحياه معاه صعبه
يعني مثلا قبل فتره كان زعلان علي وهالزعل طال واستمر لمدة شهر تقريباً وكنت توي طالعه من النفاس وولدي توفي يعني ماكانت نفسيتي ناقصه ابد
وقبل اسبوع هددته اني بروح لاهلي وبخبرهم بكل شئ ورجع يعاملني كويس واليوم بعد مادلعته هذا الاسبوع اخر دلع وكنت مفكره خلاص حياتنا بتتغير رجع قلب علي بدون سبب وانا خلاص صرت اي شئ تافهه يفجر صبر السنين انا جهزت اغراضي وقررت اروح لاهلي واخبرهم بكل شئ
هذا الموضوع صعب علي جدا خصوصاً اني راسمه لاهلي صورة الزوج المثالي اللي معيشني بسعاده وهنا بس ماعندي حل غير كذا للاسف
اللي يقدر يساعدني برسله على الخاص الكلام اللي دار بيننا في الواتس وجزاكم الله خير

هلابك .
خيتي .
الله يسعدك ان شاء الله ويهون امورك .
ويخلق لك الفرح حتى لو كان بوجهة نظرنا بعيد او صعب .

اممم بس حبيت اقول انتظري لا تتخذي قرار انك تروحي بيت اهلك او شي .
واي قرار ثاني لا تتخذيه الحين .
اهدي شوي واسمعي كلام المستشارات هنآ .

وباذن الله يردوآ عليك كلهم .
وبتلاقي حلول وردود تطيب خاطرك والاهم تحصلي حل .

دعيه يراجع طبيب نفسي لتتضح الأمور والا سوف يستمر كذلك للأبد

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

كيف كانت طفولة زوجك ؟

انا الحين عند اهلي بس ماخبرتهم بشئ انتظر مساعدة الاعضاء
ربي يجزاك خير

كلمته مره بس رفض ومستحيل يعترف ان فيه عله هو يشوف نفسه صح وانا الغلطانه دايم

طفولته عاديه بس ابوه كان شديد في التعامل معهم
وامه من النوع المضحي جدا
وللعلم انا احسه فاقد لثقته بنفسه بسبب شكله

يااختي اخاف انك بهذي الطريقه تزيدين الامور تعقيد

انتي لما خرجتي من بيتك ايش قلتي له السبب وهل معك اغراض كثيره؟

اذا ماقلتي له شي
اذا اتصل قوليله باجلس كم يوم افكر وارتاح
لاتقولين زعلانه عشان كذا وكذا

وبعد ماترتاحين وتقررين اتكلمي معه بالطريقه الي تريحك سواءً بالجوال او يجي عندك او تروحين معه مكان
الي يريحك

وتفاهمي معه واعرفي اسبابه
يمكن خجول، يمكن هذي قناعاته ، يمكن تربى كذا

والله انا فاهمتك ان العاطفه مهمه جدااا للزوجين
لكن مو سبب للانفصال
الحمدلله انه مو مدمن ولا خاين ولا يضرب ولا راعي بنات وماضي اسود

فيه حسنات كثيره امام هذا العيب

حاولي معه( بكل الطرق )
في ملايين الطرق ،،

انتي خليك مرحه وخليك عاطفيه وكلامك عسل
وحاولي تتقربين منه
واشتغلي على الايحاءات الايجابيه :
انا عارفه انك تحبني بس احتاج اسمعها منك
و انت تهتم فيني كثير بس احتاج تساعدني في كذا كذا


ومرات وضحي ومرات لمحي
لين يفهم ويبدا ينفذ


وللمعلوميه
كثييير رجال جامدين
وحتى لو كان رومانسي اول الزواج بعد كم شهر مافي تفاعل
وفي رجال مشاكل طول الوقت مو بس جفاف عاطفي
واذا قررتي تنفصلين مو اكيد بتتزوجين وممكن زوج اسوأ

دام زوجك مافيه عيب عظيم ياثر على دوره كاب
اصبري وحاولي
واغلب النساء يشتكون من هالناحيه
واذا جبتي اطفال يشبعون عاطفتك وتحسين بالاكتفاء
وربي تنسين الرومانسيه وهالاشياء

انا الحين رحت بيت اهلي مو عشان هالاشياء انا رحت بسبب شكه فيني يعني تخيلي طلع زعلان لانه لقي صوره بالانستقرام فيها كلام حب يقول انت تقصدين غيري وهو من زمان حاط هالفكره براسه اني احب غيره لدرجة مره يقول لي انت اذا سمعتي سيرة اللي تحبينه تبتسمين
ومن ناحية التفاهم جربت معاه كل اساليب التفاهم والنتيجه وحده ااصلاً اذا كلمته مباشره مستحيل يرد علي لازم بالواتس
بس انا الحين مضطره ارجع البيت لان عندي شغل مع اختي على مشروع وهي متزوجه اخو زوجي وساكنين كلنا بنفس البيت بس هي لها شقه خاصه وانا مع اهل زوجي لان راتبه على قده ومايقدر يصرف على بيت طبعاً بخبره اني مارجعت عشانه لاني ماابغى اتنازل اكثر من كذا دايم هو يغلط علي وانا اللي اتنازل ومره يرضى وعشره لا الحين قبل مااروح بيت اهلي كان عارف اني زعلانه بس ماعنده ردة فعل كالعاده مايعرف يرضيني ولا يعرف يتصرف اقسم بالله مرات احس اني اتعامل مع بزر كرهته وماصرت احس بالامان معاه
وفكرت اذا رجعت البيت اقوله من اليوم ورايح اعتبرني زوجه بالاسم وحياتي ماتخصك وبسوي كل شئ يعجبني لاني سبق وتركت اشياء كثيره عشان ارضيه
مثلاً المسلسلات عنده يعتبرها مصيبه فانا تركتها عشان رضى ربي ثم عشانه فاذا قلت له برجع اعيش حياتي مثل ماابي بيحس بالتهديد وهو الاسلوب الوحيد اللي يفيد معاه رغم اني ماابغى ارجع واعصي ربي عشانه بس بااوهمه اني رجعت اتابع مسلسلات مثلاً
ماادري اذا التصرف ذا صحيح
انصحوني وربي احس اني تايهه مو عارفه كيف اتصرف مشكوره اختي ربي يجزاك خير ويسعدك

اختي انتي قلتيها والده كان شديد معه في التربيه
هنا مربط الفرس !
زوجك لديه لن اقول مرض نفسي هو لم يصل لهذه المرحله

بل اقول لديه اضطراب نفسي

اولا ضعي نفسك مكانه !
تعرضتي لظروف قاسيه ادت لاضطرابات في شخصيتك
ثم يأتيك زوجك فيزيد الطين بله ويجرحك بقوله انتي مريضه اذهبي وعالجي نفسك لا استطيع العيش معك هكذا !!
طبعا العلاج النفسي ليس عيبا
ولكن لاينبغي ان يقول شخص لآخر هذا الكلام خصوصا من لديه اضطراب وشعور بالرفض

هو بالفعل يتمنى لو كان انسان طبيعي يعيش مع زوجته ككل الرجال يعبر لها كما تعبر له
لكنه وبسبب اضطراب شخصيته يخجل ويخاف من الفشل وعدم قبول الطرف الآخر له

انتي كوني طبيبته
الست تحبينه ؟ اليس والد ابنك ؟
كوني شجاعه وابدأي
هو يغار ويشك ويبتعد لإنه يشعر بأنك لا تتقبلينه وترفضينه وهذا مايفسر قوله تحبين غيري
ردي عليه وقولي
مايملا عيني غيرك ومااحب غيرك
وامدحي ايجابياته وزيدي ثقته بنفسه
بما انه لا يحب المواجهه لإنه خجول حسنا عبري له كتابياً شيئا فشيئا عبري بصوتك واجعليه يرسل صوته
ثم عبري له وجها لوجه ولاتنتطري رد
انتظري لفتره وعبري واطلبي منه رداً
حاولي وحاولي وحاولي
تدريجياً سيرتاح لك وسـ يعبر لك
تدريجياً سيثق بنفسه
تدريجياً لن يخجل

هو فقط يحتاج للتقبل+الحب+الأمان+الثقه

نصيحتي لك تجنبي القسوه معه
لأنه قسوة والده عقده في داخله
انتي بقسوتك تزيدين الأمر سوءاً

استعيني بالله وحاولي لن تخسري شيئاً
وادعي الله دوما ان يغيره لأحسن حال ،،

زوجي يشبه صفات زوجك فقط الفرق ان زوجي ليس لديه عقدة طفوله ولازلت ابحث عن جذور مشكلته "مربط الفرس" ههههههه

لكنني لن ايأس سأظل أحاول وان مللت انسحب لفترة واشحن نفسي ثم اعود لا شك سيتغير بإذن الله تعالى

الله يكون في عونك
بس الخروج من المنزل مو حل صحيح
ممكن تروحين عشان ترتاحين كم يوم ولازم يكون عنده خبر
وانك ترجعين بنفسك يضعف موقفك
فلا تخرجين اساساً

و ممن ناحية الشك ماادري ليش يشك فيك !
عبري عن حبك له وهو راح يتعلم منك

ويمكن لانكم عايشين في بيت اعله فهو مايحس بالحريه ولا يعبر ويجلس اغلب الوقت رسمي لانه وضع مو مريح للبعض
اذا طلعتو شقه لوحدكم او سافرتو هل يتغير؟؟

ومن ناحيه المسلسلات
اذا مسلسلات عاديه مافيها خلاعه
عادي تابعي
لا تضغطين على نفسك وتتركين اشياء عاديه عشان احد
لانك اذا زعلتي منه او ماحسيتي بالتقدير بترجعين لها
ف انتي لاتسوين شي فوق طاقتك
واي شيء يقدمه او كلام يقوله حسسيه بالامتنان واشكريه بترضين غروره وتشبعين احساسه انه قادر يسعدك ويرضيك
عدم رضاك يسبب له توتر ويزيد همه

اتمنى لك حياة سعيده

شوفي حبيبتي كل الأمور هينة إلا الشك هو المصيبة واللي لازم تتخذي معاه حل سريع وصارم لأنه راح يدخلك في دوامة ماتنتهي والرجل الشكاك الحياة معاه صعبة جدا ... أعانك الله

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين