المشاركة الأصلية كتبت بواسطة طمووحه

ومن قالك انك كذا شاطره وبطله؟!!!
ايش دراك يمكن عطاءك هو السبب؟؟

بطلي عطاء مادي بسبب وبدون سبب
اتوقع انه ما طلب منك ريال واحد ف ليش تطمعينه فيك من الحين.؟!

يمكن تضايق من كثرة عطاءك وتنازلك عن ضروريات فرحك
وانتي تقولي كنت له اخ وعضد!!! ليش يا اختي
من قالك الرجل يريد من زوجته تكون اخ وعضد له!!
يريدها انثى تطلب وتتدلل عليه وتشعره بقوامته عليها
مو تعطيه وتعطيه وتتنازل وكل ما ضاقت يده مدت هي يدها!!!

والله من اللي شفته وقراته ان اللي تتنازل كثير وقت زواجها
وتعطيه بالفلوس وتشيل عنه اشياء من مهامه في الزواج
انه يطلقها بعد مده او يستفيد منها كمصدر مالي
ويروح يتزوج انثى يصرف عليها من عطاء الاخرى

رايي انك تتركينه ولا تكلمينه ولا ترسلين احد من اهلك

شكله فسر عطاءك المادي انك خاقه عليه
وانك بتركضين لاخر الدنيا وراه

طنشيه
ان لك نصيب معه بيرجع بدون كلمة وحده منك
وان كان مو من صيبك والله لو تجرين جري الوحوش ما يتم الموضوع
فعزي نفسك عنه واتركيه يفكر ويقرر

الخلاصه
استفيدي من تجربتك
وعيشي دورك كانثى وخطيبه وزوجه
ولا تعيشي دور ما هو له (راعية فزعات واخ وعضد )!!

بخصوص ملابسك
ان انتهى الموضوع
عطيها اخواتك المتزوجات او قريباتك
او صديقاتك
عادي لها مية مخرج