ومن قالك انك كذا شاطره وبطله؟!!!
ايش دراك يمكن عطاءك هو السبب؟؟

بطلي عطاء مادي بسبب وبدون سبب
اتوقع انه ما طلب منك ريال واحد ف ليش تطمعينه فيك من الحين.؟!

يمكن تضايق من كثرة عطاءك وتنازلك عن ضروريات فرحك
وانتي تقولي كنت له اخ وعضد!!! ليش يا اختي
من قالك الرجل يريد من زوجته تكون اخ وعضد له!!
يريدها انثى تطلب وتتدلل عليه وتشعره بقوامته عليها
مو تعطيه وتعطيه وتتنازل وكل ما ضاقت يده مدت هي يدها!!!

والله من اللي شفته وقراته ان اللي تتنازل كثير وقت زواجها
وتعطيه بالفلوس وتشيل عنه اشياء من مهامه في الزواج
انه يطلقها بعد مده او يستفيد منها كمصدر مالي
ويروح يتزوج انثى يصرف عليها من عطاء الاخرى

رايي انك تتركينه ولا تكلمينه ولا ترسلين احد من اهلك

شكله فسر عطاءك المادي انك خاقه عليه
وانك بتركضين لاخر الدنيا وراه

طنشيه
ان لك نصيب معه بيرجع بدون كلمة وحده منك
وان كان مو من صيبك والله لو تجرين جري الوحوش ما يتم الموضوع
فعزي نفسك عنه واتركيه يفكر ويقرر

الخلاصه
استفيدي من تجربتك
وعيشي دورك كانثى وخطيبه وزوجه
ولا تعيشي دور ما هو له (راعية فزعات واخ وعضد )!!

بخصوص ملابسك
ان انتهى الموضوع
عطيها اخواتك المتزوجات او قريباتك
او صديقاتك
عادي لها مية مخرج

حسيييت بالذنب وأكلني الندم😞
حزنت حيل حيل 😔

السلام عليكم ورحمة الله وبركاته..

أسأل الله لك قلبا لا يتوجع وصدرا لا ترهقه تنهيدة ألم وفرحا وفرجا عاجلا، ويجبر على قلبك بكل ماتحبين.

وعليكم السلام ورحمة الله وبركاته
امين يااارب💔
اشكرك

ليش يا قلبي تحزني؟!
امر المؤمن كله له خير
وموضوعك لسا ما انتهى رسمي

انا اوعيك للقادم من ايامك (اللي كلها خير وبركه باذن الله)
لا تتحسفي عليه ولا على عطاءك
لان ان كان كلامي صحيح وهو راح لهذا السبب فهو ببساطه ما يستاهلك
لو فيه خير لقدر طيبتك وعطاءك
( اكرر كلامي مجرد تخمين وليس عن اطلاع على الغيب)

لكن فعلا يا اختي انتبهي في قادم ايامك (سواء معه او مع غيره)
تسوين اللي سويتيه مع خطيبك
انتي انثى تطلبين وتتدللين وهو الرجل يلبي ويسعى لرضاك

انتي قلتي ما ابغى يقل عن غيره من الشباب
حسيت كان اللي تتكلم امه او اخته مش خطيبته اللي بتصير زوجته
الفزعه والدعم المادي (خاصة الان وانتي مازلتي عند اهلك)
من مهام اهله ام واخوات واخوان
وانتي متستته ببيت اهلك

ما اقول اقصمي ظهره بالطلبات لااااا هذا ايضا خطا اخر تقع فيه بعض البنات
لكن يعطيك اللي يقدر عليه

قالك ما اقدر على قصر افراح لا تطقين الصدر وتقولين القصر عليه
(تحسينها مبادره ما فيها انوثه شغل رجل فقط)
اولا لازم هو يتكلم ويشكي ساعتها تجي المساعده والفزعه
ومو منك من ولي امرك بتخفيف بعض الاشياء عنه

وان كلمك انتي قولي مو مشكله حبيبي الفرح تسويه على قد حالك
وبعد الزواج تعوضني ان شاء الله(هنا حسستيه انك تستاهلين وما تتنازلين عن حقك)

واصلا الكلام عن الفرح ولوازمه والبيت وتاثيثه
من مهام ابوك او اخوك المهم ولي امرك
وان كان من تنازل ومساعده له تكون عن طريق الرجال
يعرضوها عليه مش انتي يا غاليه

حتى تبقي في عينه الانثى اللي يدير رجالها الكلام عن طلباتها
وهي تنتظر تلبيتها بكل ثقه بانها تستحق



الخلاصه يا عزيزتي
لك دورك (حب ودلال وطلبات بالمعقول وعلى قد حاله)
ولاهله دورهم (فزعه وعطاء مادي ومساعدات)

الحل استخيري
انتظري فتره لا تتصلي لا انتي ولا ابوك عليه
اذا مافي رد فعل طبعا لا تقعدي معلقه ارجعوا اتصلوا وكلموا اهله
او المحكمه موجوده
الله يكتب لك الخيره

هل هذي النصائح تنطبق على الرجل ايضا
بمعنى لايعطي كثير لزوجتة ولا يكشف جميع اوراقة
كي لايقع بما وقعت بة صاحبة الموضوع..
لان سطورك سوفا ارسلها لبعض الزملاء الذين
لم يسبق لهم الزواج ليستفيدومنها
افيدونا مشكورين

__________________
سبحان الله وبحمده سبحان الله العظيم

ما رايك هل ينصح الرجل بما تنصح به المراة والعكس..؟

انا الي اسئل اخت طمووحه
ماشاء الله تبارك الله عليك انتي وضعتي نصائح
ومن ضمنها عدم المبالغة بالعطاء ودق الصدور
السؤال هل هذي النصيحة يستطيع الزوج تطبيقها
على زوجتة/خطيبتة ...

مثال على ذلك

اذا طلبت الزوجة / الخطيبة

خاتم مرصع بالاماس وكان خاطرها فية
نقولة لا تدق الصدر لها ؟

افيدونا مشكورين

__________________
سبحان الله وبحمده سبحان الله العظيم