المشاركة الأصلية كتبت بواسطة مصونات

السلام عليكم اخواني خواتي لوسمحت ابسئلك عمل الطيار بعيد عن حياتة اليومية مع أهلة واذا تزوج يكون بعيد عنها كل وقتك بالسماء عمرك صغير ودي اعرف عن الكابتن طيار ....

المشاركة الأصلية كتبت بواسطة VANITY

كلامك صحيح.. لكنك فعليا انت تتكلم عن نموذج زوجة زوجها متواجد معاها تقدر تدق عليه متى ما احتاجت له ويمارس هواياته بوقت الفراغ

انت وقت دوامك راح تكون غايب غياب تام.. معلق بالسما ماتقدر توصلهم

لذلك وقت تواجدك تفرغك لاسرتك راح يكون شبه تام.. الا اذا ناوي شي ثاني وزواج جلسة ابو نص ساعة بالاسبوع

الفرق هنا بدوامهم

شفتين ليلي يومين ورا بعض اليوم الثالث اجازة

الاجازة هذي مش للدلع ولا لسواد عيونهم ولاهي ميزة اصلا.. عشان تقلب نومها للشفتين الصباحيين اللي يليهم وتقدر تشتغل

بعدها الشفتين الصباحيين يوم اجازة

ثم شفتين مسائي

وهكذا

وحط ببالك ان ايام اجازاتها هذي فقط.. ماعندها اجازة نهاية اسبوع جمعة وسبت زي الموظفين العاديين الباقيين او حتى باقي التخصصات الطبية

وقت شفتاتها قد يكون نهاية اسبوع..

يا اخي اعرف تفاصيل دوامها وشغلها و كلمها واسالها عن كل شي وهي تقول لك

ونسقوا.. اذا صار فيه اتفاق كان بها

لكن لاتضغط عليها ولاتضغط على نفسك

بالتوفيق

المشاركة الأصلية كتبت بواسطة ياسر !!

ايه عزيزي انتبه الطواريء متعب جدا للبنات وما اشوف انه تخصص مناسب للزوجات ابدا ابدا... لأنه شفتات فيه شفتات صباحية وشفتات ليلية.. ما اشوف انها مناسبة لك لازم تكلمها وتسأل عن وظيفتها وشغلها كيف وشفتاتها..
لأنو العيال صعبة.. وين بتخليهم وانت مسافر وهي عندها شفت. لا تقول الشغالة . عزيزي شوف مصايب الشغالات كيف .. واشياء صارت لنا عن اخواني مصايب الشغالات كثييرة .. وانا بعد الي شفته مستحيل اخلي عيالي عند شغالة..

كلمها وشوف وش وضعها واتفق معها قولها تغير تخصصها اذا ما يناسبك. بالبنسبة للمدرسات لا تحاول ترى الحين النظام تغير وصارو مشددين عليهم تراهم يكرفون مثل الطبيبات واكثر كمان لما يرجعو البيت يكون وراهم تحضير وشغلات كثيير. اضافة الى انو صعب تحصل مدرسة حكومي اغلب بتلاقي مدارس اهلية وهذول يكرفون اكثر واكثر . اسألني انا تراني دورت مدرسات مالقيت !!!

المشاركة الأصلية كتبت بواسطة Prada

يااخي امتياز لسا ما توظفت ولا بدات في دراسة التخصص اساسا فبامكانها تغير تخصصها وفين حتشتغل هل في مكان تعليمي زي الجامعات مثلا او وزارة الصحة كل وظيفة دوامها مختلف وكثير جدا جدا من البنات يغيرون رغبتهم في التخصصات بعد الامتياز بعد ماتشتغل تغير التخصص اذا لك رغبة في البنت واهم شي الدين والاخلاق وكله ينحل باذن الله ترى مو شرط الوظيفة هي اللي تجعل الزوجة مهتمه او لا بالاولاد وبالزوج اعرف وحدة كانت مدرسة في رياض اطفال ماعندها ولاشي ترجع البيت الساعه 12 الظهر تنام للعصر تخرج العصر السوق الاهل وجايبة خدامتين في البيت وحدة للتنظيف ووحدة للاولاد وماتسوي اي شي لا لزوجها ولا لاولادها وانتهت حياتهم بالطلاق المقصد مو ضروري انها طبيبة معناه حتكون مشغوله عن الاولاد ونفس الشي بالنسبة لك مو بالضرورة عملك حيخليك مشغول عن اولادك او زوجتك ممكن فترة بسيطة وترجع وتكون فترة تواجدك تعوض وبقوة عن فترة عملك وكذلك الحال بالنسبة لها استخير وتوكل على الله وتقدم لها وممكن تناقش هذه الامور معها او مع اخوها مثلا لو كان التواصل غير مسموح به في فترة الخطبه (حسب عاداتكم ) وبعدها قررر وبالتوفيق

المشاركة الأصلية كتبت بواسطة بنت طيبة الطيبه

أخي ترى الأخت فانتي طبيبة وهي تكلمك من واقع حياتها ماقصرت أعطتك الواقع اللي راح تعيشه جنب العاطفة وفكر بواقعية جدا لسنوات قدام مع وجود الأطفال ترى الوضع راح يولع بينك وبينها من المشاكل اللي راح تسير إلا اذا بتغير تخصصها شيء ثاني .