المشاركة الأصلية كتبت بواسطة -مسك الليل-

كم مرة يروح عندهم؟

ماهي العواقب اذا ماراح؟

ابو اولادي يسوي نفس الحركات.. بس ماتوصل لسلوك ابنك.. ضليت متعذبة اقول مع نفسي ياريت يحل عنهم ومايشوفهم لانو اساسا مامنه فايده.. وكمان اقول لا بيضل ابوهم ولازم يعرفوه ولازم اتحمل ومابعرف شو... بس لقيت نفسي محتارة عالفاضي.. وابوهم مو جاهز يغير أسلوبه.. ولا حتى يبعث مصروف ومايحي غير اذا حضرته اشتهى يشوفهم.. فلقيت الخلاصة.. ان أبوهم بيأثر على تربية ألاولاد سلبا، وعلى نفسيتهم سلبا،، فليش انا اتعامل بمثالية وافكر في كل الاطراف واشيل هم الجميع.. وهو حضرته مانو أب في المستوى ومصر على الغلط..


فعملت خطة.. اطفالي في سن حساس وبمرحلة حساسة وابوهم يشتريهم لما يكونو معو.. نقصت الزيارات جدا.. لو شافهم مرة كل ثلاث شهور مو مشكلة.. لانو الخلاصة وجودهم معاه فيه مفسده.. ولا همني كلامه اني احرمه واحرمهم.. انا عندي مسؤولية.. لازم احرمهم من الشي الي فيه ضرر لهم ولو كان هذا الشي أبوهم.. تصوري بيوصيهم مايقبلوا باي واحد يصير ابوهم.. يعني يخربو زواجي ههه مسكين الله يعينه..

فالحمد لله اغلب وقتهم معي، متعلقين فيني ومافي احد يشوش تفكيرهم ويخرب صورتي في عيونهم الصغيرة.. فحتى لو كلمهم يومين كاملة بعد غياب طويل بسوء عني مابيأثر كثير... بالعكس بنتي هلا عندها 9 سنين ترجع تبكي اذا ابوها غلط علي... والاولاد الصغار يسألوا ليش بابا يقول عنك كذا...؟ الاقيلهم اي جواب واصرف تفكيرهم والحمد لله يارب لك الحمد نفسياتهم عال العال..