ياختي تحتاجين كتب عن تربيه الاطفال
اقرئي وطبقي على ولدج ربي يصلحه اكيد ردة فعل هذي
كمان حببيه لــ برامج الاطفال وبعض افلام الكرتون بشرط تكون هاديه بعيده عن الضرب والعنف
واذا بالغ بالخطاء عاقبيه بشيء يحبه
يعني قولي اليوم ماراح نطلع للحديقه لانك عملت خطاء كذا وكذا
اخبريه عن نوع الخطاء اللي ارتكبه واذا كرره خلاص مافيه حدائق
وبنفس الوقت شجعيه على الصواب واعطيه هديه بسيطه لانه اليوم مؤدب مو مزعج وهاكذا
واحيانا ايضا تغافلي عنه صرخ هو على اخوانج واخوانج صرخو عليه تغاضي جنج ماشفتي شيء
اسكتي ولاكانج سامعه
لان بعض الاطفال يحب امه تكون حوالينه اربع وعشرين ساعه
متى ماشاف امه جالسه تسولف مع احد ثاني بدأ بالصراخ حتى يجعلها تنتبه له وتهتم له
وهالشيء غلط الطفل يسويه
علشان جذي تغاظي احياناً مو كل ماصرخ تركضين له وتجلسين تسكتينه لا خليه يصرخ ويمل

التربيه صعبه واطفال اليوم الله يهديهم بس
ربي يخليه لج ويقر عينج بصلاحه
انفصالج عن ابوه خبريه بطريقه يفهمها الطفل
موفقه


ــ

__________________

1- هل في امل للرجوع ام لا يوجد؟ اذا يوجد امل توجد وسائل لذلك
2- الام والاب في حياة الابناء اساسية
3- الصراخ وسيلة غير مناسبة للتربية، في حال التأديب يتم المنع من الكماليات والالعاب مؤقتا
4- حاولي ان ترسلي الابناء إلى ابيهم بشكل مستمر ودوري فهذا ضروري نفسيا للابناء
5- اشغلي وقت الابناء بدورات مناسبة لسنهم

والله الأمل عند الله
لأن انا من ناحيتي ماعندي اي مانع ارجع له عشان نفسية طفلي واستقراره
واجيب له اخوان وخوات يساندونه بهالدنيا
ولكن خلها على الله يرزقني بأذن الله من حيث لا أشاء
لأني وعلى كل اللي شفته مافكرت بالطلاق
ولكن قدر الله وماشاء فعل

ومسألة الصراخ انا معك فيها
ولكن اخواني الله يخليهم ويهديهم على الطالعه والنازله يصارخون
وهو يرد الصراخ بالصراخ
عجزت افهمهم ترا هو ياخذ ويتعلم منكم الأسلوب
خاصه هالسنوات الاولى ولكن لاحياة لمن تنادي

وفعلا احاول اكثر الاوقات اخليه يكلم ابوه ويسأل عنه ويقوله ابي اشوفك ومن هالكلام عشان يحس بالأمان مهما كان الاب بحياه الطفل شي اساسي

وفعلا الاخير الحمدلله من فضل ربي قاعده اسويه معه

واشكركم جدا على ردودكم ودعائكم ولكم بالمثل

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

هل هناك تواصل بينكِ وبين طليقكِ بخصوص الولد؟

__________________


اللهم طِيبَ الأثر .. وحُسْنَ الرحيل.

كم مرة يروح عندهم؟

ماهي العواقب اذا ماراح؟

ابو اولادي يسوي نفس الحركات.. بس ماتوصل لسلوك ابنك.. ضليت متعذبة اقول مع نفسي ياريت يحل عنهم ومايشوفهم لانو اساسا مامنه فايده.. وكمان اقول لا بيضل ابوهم ولازم يعرفوه ولازم اتحمل ومابعرف شو... بس لقيت نفسي محتارة عالفاضي.. وابوهم مو جاهز يغير أسلوبه.. ولا حتى يبعث مصروف ومايحي غير اذا حضرته اشتهى يشوفهم.. فلقيت الخلاصة.. ان أبوهم بيأثر على تربية ألاولاد سلبا، وعلى نفسيتهم سلبا،، فليش انا اتعامل بمثالية وافكر في كل الاطراف واشيل هم الجميع.. وهو حضرته مانو أب في المستوى ومصر على الغلط..


فعملت خطة.. اطفالي في سن حساس وبمرحلة حساسة وابوهم يشتريهم لما يكونو معو.. نقصت الزيارات جدا.. لو شافهم مرة كل ثلاث شهور مو مشكلة.. لانو الخلاصة وجودهم معاه فيه مفسده.. ولا همني كلامه اني احرمه واحرمهم.. انا عندي مسؤولية.. لازم احرمهم من الشي الي فيه ضرر لهم ولو كان هذا الشي أبوهم.. تصوري بيوصيهم مايقبلوا باي واحد يصير ابوهم.. يعني يخربو زواجي ههه مسكين الله يعينه..

فالحمد لله اغلب وقتهم معي، متعلقين فيني ومافي احد يشوش تفكيرهم ويخرب صورتي في عيونهم الصغيرة.. فحتى لو كلمهم يومين كاملة بعد غياب طويل بسوء عني مابيأثر كثير... بالعكس بنتي هلا عندها 9 سنين ترجع تبكي اذا ابوها غلط علي... والاولاد الصغار يسألوا ليش بابا يقول عنك كذا...؟ الاقيلهم اي جواب واصرف تفكيرهم والحمد لله يارب لك الحمد نفسياتهم عال العال..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

لا
التواصل بينه وبين ولده فقط

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

ماشاءالله الله يخلي لك عيالك ويحفظهم
ولكن انا حاولت امنعه اقلها لو يومين بس بالأسبوع
بس الله يهديه يبكي والا ابي بابا
ويسوي حركات قاصد ينرفزني
عشان بس قلتله ان شاءالله اليوم الفلاني تروح لبابا
وهو الود وده يوميا يروح عندهم
لأن هو كان مرا متعلق بأبوه قبل الطلاق
وأبوه من النوع اللي مرا يحبه ماشاءالله
ويحن عليه ومستحيل يقوله لأ
وحتى انا مااقوله لأ بس ماادري وش يقلبه علي
الله يهديه ويصلحه يارب

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

لازم تكلمي أبوه..

مادام هو يحن عليه ويحرص عليه فان شاء الله مو هو الي يعبيه..

احكي معاه خبريه بلي صاير.. انتو تطلقتو خلاص والولد كافيه انكم مشتتين اذا ابوه يحبو ويخاف على نفسيتو تتأزم أكثر راح يدير باله أكثر ويوقف مصدر المشكلة عند حده..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

بس مابيني وبين ابوه كلام
ولا ابي افتح مجال لاني خلاص مطلقه
فالتواصل فقط بينه وبين ولده
ولكن ممكن افتح الموضوع لأخته او أمه
وابين لهم وجهة نظري بهالخصوص
واشوف ردهم

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

أقترح تكلمين جدة الولد أفضل.

__________________


اللهم طِيبَ الأثر .. وحُسْنَ الرحيل.