المشاركة الأصلية كتبت بواسطة ZOTA

فعلاً العطاء المبالغ فيه يكون أحياناً مشكله

من كثر ماتعطي .. يجيك خذلان في الأخير من أشخاص أعطيتهم الكثير وتوقعتي ردهم يكون فيه تقدير واحترام ..

كثرة الاحتكاك بأهل الزوج أبداً ما انصح فيها
قللي احتكاك وزيارات .. لكن لا تقطعين الرحم
واصلي أم زوجك واهل زوجك لكن بحدود وخلك رسميه ..
وعن الهدايا صدقيني كثرتها ماتفيد بالعكس أحيان تجلب لك شي ماتتوقعيه

الهدايا اتركيها للمناسبات الكبيره فقط ..

عندك أنا والله من كثر ما اعطيت واعطيت وفي النهايه انصدمت .. صارت عندي ردة فعل مختلفه تماماً وتغيرت نظرتي ..

دائماً أفكر إنه لو ربي أراد وتزوجت مستحيل أكون ذيك الانسانه الكريمه اللي تعطي وتعطي على حساب راحتها ونفسيتها ..
اعتقد شخصيتي صارت مختلفه تماماً يغلب عليها التطنيش ..
يعني مسألة اني ادلع الرجال أو أريحه وأخليه عايش ملك مثل ماكنت أعمل في السابق مستحيل أسويها ..

كانت هناك مجاملات مع أهله ووقفات ماديه مني في جميع أمورهم .. وكنت بنت لهم مو زوجة ابن .. لكن هالشي صرت أشوفه مو لازم .. ألزم ماعليك كيف ترتاحي انتي في بيتك ومع عيالك والعالم الخارجي لا تهتمي فيهم ويسيطرون على تفكيرك ونفسيتك ..

المشاركة الأصلية كتبت بواسطة مبتعثة متفائلة

حبيبتي رينول
اعرف انك شخص كويس عاطفي يبحث عن الحب في محيطه
كلام زوتا صح
سالفه ان كل فعل له رد فعل بالبشر ماتجي
يعني انا اعطي وكريمه وبكون محبوبه بالجهه المقابله مو دايما
بالعكس الطيب و الحبيب صار مكروه وينفرون منه بالزمن
او يلقونه فريسه سهله ويعطونه على راسه
هل معنى هذا اننا غلط
نغير من انفسنا عشان الناس
بمعنى فلانه ما توصلهم وثقيله مع هذا طايرين فيها ويحبونها
بسوي مثلها عشان القى نفس المعامله
غلط كذا بتتعبين مره
ولا بتلقين النتيجه الي ببالهم
لا تخلين حبهم اكبر همك
ولا مبلغ علمك ولا غايه حياتك
عامليهم بما يرضي الله وتوكلي على ربك
وخلاص لا تنتظرين المقابل
انتظري المقابل في ثقافتك وصحتك
مثلا لما تجتهدي على جسمك ودايت ونادي
تنتظري المقابل صحه وعافيه وجسم حلو
هذا مثال
لكن ابدا لا تنتظري المقابل من البشر
بتسوين شي سويه لانك حابه وقبلها لوجه الله ولا تنتظري كلمه شكر من احد
استغني رينول استغني
مااقصد انعزلي عن الناس
لكن استغني عن حبهم عن كلمه منهم عن مجامله منهم
استغني بنفسك واسعادك لنفسك وقوتك واهتمامك ودينك قبل كل شي
بالنسبه للموقف الي اذكرته للامانه اشوفه عادي ولا فيه تقليل احترام لك
امي احيانا تقول ليت عيالي كلهم مثل فلان
او ليت البنات كلهم مثل فلانه
هل معناته امي ماتحبني او فيني شي
تراها مدح بصيغه مبالغه مهب تحقير او تقليل بشانك
طنشي وانا اختك ولا تتعبي قلبك بصغائر الامور
حبوني ماحبوني مهب لازم
الاهم انتي تحبي نفسك وتكبري عقلك وتعيشي حياتك

المشاركة الأصلية كتبت بواسطة دُجى الليل

عن نفسي ما قمت اعمل اعتبار ، ويزعلون ويتوقعون مني ان ارجع اعطيهم و اهتم ، طبعا انت وضعك مختلف هم زوج اهلك ، لكن بالنسبة لي هكذا افضل ، المضحك ان أشوفهم زعلوا هههه ، بس ما عاد يهمني

المشاركة الأصلية كتبت بواسطة -مسك الليل-

أولا.. الأمر يعتمد على شخصية حماتك وتصرفعها معاك..

اذا بالاساس تعاملك زين وباحترام وغلطت بالكلام هالمرة.. فحقك تزعلي..

واذا هي هيك تحب تدق الكلام وتدور تغيظك.. فلا تهتمي.. لا تحققي مرادها.. خليه يدخل من اذن ويطلع من الثانية...

وتعالي أقول لك شي.. انتي ليش بدك رضا حماتك؟؟!! ليش بدك تحبك وتمدحك؟؟!!.. اختي لا تتعلقي بها عاطفيا انتي سوي الي عليك واحترميها.. بس مو تموتي حالك عشان تعترف بك وتقدرك.. لانك قد ما تعبتي وقدمتي قد ما استصغرتك أكثر مدري ليه.. وتجازيك بدق الكلام..

عن تجربة..

اعطي وقدمي من غير عاطفة.. اعملي الواجب.. بدها تحب سين الي تطمرها بالهدايا تحبها يختي انا مالي..؟ وتيقني يقين تااااام اذا انتي طيبة وماشافت منك الا الخير.. فهي بتعرف معدنك ومتأكدة مافي منك ومتأكدة انك احسن من سين.. بس هي تغيظك وبنفس الوقت تتملق صاحبة الدراهم الله يهنيهم مع بعض..