فعلاً العطاء المبالغ فيه يكون أحياناً مشكله

من كثر ماتعطي .. يجيك خذلان في الأخير من أشخاص أعطيتهم الكثير وتوقعتي ردهم يكون فيه تقدير واحترام ..

كثرة الاحتكاك بأهل الزوج أبداً ما انصح فيها
قللي احتكاك وزيارات .. لكن لا تقطعين الرحم
واصلي أم زوجك واهل زوجك لكن بحدود وخلك رسميه ..
وعن الهدايا صدقيني كثرتها ماتفيد بالعكس أحيان تجلب لك شي ماتتوقعيه

الهدايا اتركيها للمناسبات الكبيره فقط ..

عندك أنا والله من كثر ما اعطيت واعطيت وفي النهايه انصدمت .. صارت عندي ردة فعل مختلفه تماماً وتغيرت نظرتي ..

دائماً أفكر إنه لو ربي أراد وتزوجت مستحيل أكون ذيك الانسانه الكريمه اللي تعطي وتعطي على حساب راحتها ونفسيتها ..
اعتقد شخصيتي صارت مختلفه تماماً يغلب عليها التطنيش ..
يعني مسألة اني ادلع الرجال أو أريحه وأخليه عايش ملك مثل ماكنت أعمل في السابق مستحيل أسويها ..

كانت هناك مجاملات مع أهله ووقفات ماديه مني في جميع أمورهم .. وكنت بنت لهم مو زوجة ابن .. لكن هالشي صرت أشوفه مو لازم .. ألزم ماعليك كيف ترتاحي انتي في بيتك ومع عيالك والعالم الخارجي لا تهتمي فيهم ويسيطرون على تفكيرك ونفسيتك ..

__________________

(( لا شيء يجعلنا عظماء سوى ألم عظيم ))