اهلين عزيزتي الله يقومك بخير وسلامة وتقري عينك بشوفة المولود
بالنسبة للصدر الحمدلله حله سهل بس بده وقت وخاصة انو صغير
لو كبير وبعد الحمل صار في ترهل بيصير اصعب شوي حله من لو كان صغير
وعم احكيكي عن تجربة
وبإذن الله رح تلاقي اللي يصرك ويفرحك
اول كان مقاسي 75 ومع كل حمل كان يكبر وبعد الرضاعة يرجع لحجمه الطبيعي مع شوي ترهل
س كنت من بعدها مارس رياضة لشد الثدي
واجمالا الثدي ما في عضلات بس العضلات اللي بترفعه هيي المنطقة حول الابط
ومع الوقت كبر وصار مقاسي 80 ومستمرة عالرياضة ورجع مشدود ولا كأنه رضعت رضاعة طبيعية
حتى مرات زوجي بيسألني شو عم ساوي لهيك صار
فخصصي ربع ساعة يوميا لتقومي بتمارين بتشد الصدر ورح تلاقي الفرق مع الوقت
وهالشي بدو ارادة
وفي عاليوتيوب فيديوهات كتير لهالشي
بالارادة صدقيني الجسم بيرجع اجمل من قبل الحمل والولادة
وخلي فترات الحمل متباعدة كرمال يساعدك جسمك يرجع متل قبل
والأهم من كل شي خلي ثقتك بنفسك كبيرة
وكيف ما بتشوفي حالك الآخرين بيشوفوكي
دعواتي