بسم الله الرحمن الرحيم



كيف حالكم ياحلوين
اليوم سويت مندي وعجب زوجي مره وقال لي سويه بكره
مع انه في البدايه ما كان متحمس لفكرة ان الغداء مندي
واليكم الطريقه

المقادير:

لحمه او دجاج حسب الرغبة
رز بسمتي
ملح
بهارات حب (هيل -قرفه- قرنفل)
زعفران
ملعقة كبيره ماء كادي
كم حبة مستكه
1ملعقة سمنه
2ملعقه زيت
جمره


الطريقه:1-

اسلقي اللحمه وحطي عليها البهارات والملح

2- بعد مايستوي اللحم تقريبا ساعه حطي ماء الكادي والرز.

3-قبل ما تسكري النار على الرز بخمسه دقايق حطي الزعفران
وجيبي طاسه صغيره من استل استيل وحطي السمن و الزيت والمستكه وثبتيه على الرز في نصف القدر,زي الصوره,اذا ماعندك ممكن تسوي طاسه بالقصدير .



4- يكون الجمرة جاهزة وارميها في الطاسه الصغيرة وغطي القدر
الى ان يتوقف الدخان .



5-ارفعي الطاسه وطلعي الجمره منها وبمشخال صبي السمن على الرز بتوزيع طبعا. واذا حبيتي تحطي زبيب حطي



6- أخيرا اطفي النار وقلبي الرز وقدميه




أحلى شي في هالوصفه سريعه ولذييييييذه

ان شاء الله يعجبكم وبالعافيه



انتظروووووا قريبا الرز العربي

و.....................

بس خلاااااااااص