سفر الزوج لوحده احتاج لرأيكم وحكمتكم - منتدى عالم الأسرة والمجتمع

09-08-2008, 06:49 AM

هاايدي

عضو متألق

تاريخ التسجيل: Aug 2005

المشاركات: 1,340

سفر الزوج لوحده احتاج لرأيكم وحكمتكم

السلام عليكم ورحمة الله وبركاته ..

اخواتي اخواني الاكارم

الحمدلله انا وزوجي حياتنا بالفتره الاخيره مرررررره حلوه ومبسووطين ومستقررره تمــامــآ مو نسبيآ ..

والحمدلله هو صرح لي برضااه عني بكل شي ...وهذا اللي اتمناه ..

هذا بس للي مايعرف هاايدي ..

قبل فتره سافرت انا وزوجي واطفالي ل...... لبلد خليجي خارج المملكه وكانت الحمدلله سفره ممتعه

وبشهادة زوجي انه من افضل سفراته وامتعها ,,

المهم بطريق الرجعه للبلد ..تكلم زوجي وقال أنه بيروح لل(.......) بعيييييييييييده عنا مررررررره

تقريبآ تقريبآ عند..,,, موعارفه موقعها بالضبط ..بس المهم انها بعييييييييده ..

انا من اول رفضت بس هو مقتنع انه يروووح وبصراااحه حسيت انه يحتاج انه يجلس مع ربعه

وينبسط ويستانس ..ويغير جو ..مع انه لسه مسافر معانا وماجلس يومين الا وسافر بعدها مع ربعه ..

الخلاف موهنا ..

المشكله اني مقتنعه بضروووره سفره وانه ينبسط بدون قيود زوجه او اطفال<< طبعآ ترفيه برئ..
ومبسوووطه بهالتفكير (( والله مدري اذا هو غباء ولالا ))

فمره مع جلسة الاهل (( والحريم كانوا كثيييييييير )) جابوا طاري زوجي ..

وانه سافر وخلاك وليه ..؟؟ ومتى ...؟؟ وتوه جااي ...؟؟ وش عنده ...؟؟؟وليه مامنعتيه ..؟؟
او كنسلتي سفره بطريقه معينه فيها خبث..؟؟

ومن هالاسئله البايخه ..

طبعآ انا رديت عليهم بالكلام اعلاه انه حراام اني امنعه وهو نفسه بهالسفره ..ولازم يغير جو

ويرجع مشتاق لي ولاطفاله ..ويحن لهم ..

واصلا كيف امنع زوجي ؟؟؟!!! حشى صرت انا الرجال

المهم مسكتني وحده توقعتها فااهمه وعاقله الى ان قالت : (وبوضحها لكم بنقاط عشان تتنبهون لها وتجاوبون عليها)

بما انك ياهاايدي لساتك صغيره فأنا بنصحك لله
1_لازم الحرمه تحتال على زوجها باية حيله عشان مايسافر ولو وصلت انها تشق الجواز او تخبيه !!

2_الرجال مايرووح لحاله مع ربعه لهناك الا يبي الخراب والشرب والحريم (( والعياذبالله))

وعلى فكره تقول ان هذا بشهادة زوجها !!!<< ورديت عليها ان مو كل الرجال مثل زوجك ..

عصبت علي وتنرفزت ..قالت

3_ليه رجلك ملك معصووم من الخطاء لاهوملتزم ولاشي رجال عادي ترمينه بين الحريم وتقولين ليه

تغلط ..؟؟ وانتي عارفه ان الرجل ضعيييييييييف عند المراءه اذا جت له بغنج وحسن ..

وهو شاب مايملك نفسه

في هذيك الساعه ما أثر فيني كلامها .(( بس لما رجعت البيت بكيييييت من قلب خفت على زوجي وحبيبي من هالشي ))الله يحفظه من كل شر !
-4((وهذي اللي اثرت فيني من جد )):
قالت وحده :خليك ناااايمه بالعسل لما تلاقين نفسك طايحه بالبلاء انتي وزوجك ومحبوسين بغرفه لحالكم ((قصدها الحجر )) وتتشتت اسرتك واطفالك هذيك الساعه قولي يوسع صدره !! اعوذبالله منها بس بأحسن الظن واقول انها خايفه علي ..

وهاتك ياحكي ونصااايح لي بصرااااااحه انا كانت لي قناااااااااعه وطلعت بقنااعه ثانيه

يمكن عشانهم اكبر مني حسيتهم افهم ..

والله مدري وش اقوول بالضبط؟؟؟حاااسه نفسي مشوووشه وضاايعه ..ومدري ايش العمل ..؟؟
هل انا غلطانه ..؟؟ انا واثقه بزوجي ..بس مدري ..انا قد لقيت عليه بعض الاشياء اللي يمكن تكون بدافع الفضول لا أكثر ..

بس مدري ما اتوقع انه يتجراء على شرب وزنا (اعوذبالله ),,

جلست مع نفسي كثييييييييييير ...

أحترت من اشاور في هذي السالفه .. اهلي صعبببببه كثيييييير
صديقاتي احراااااااااااااااج
مالقيت الا الله ثم انتم ...

فاللي ابي مشورتكم فيه بعد ..

ان زوجي كلمني مرتين يطمني انه بخير وووصلوا ..
والمره ثانيه يخبرني كيف الاجوا عندهم وكذا...و ماتعدت مكالمته لي دقيقتين بس ..

والحين له يومين ما اتصل !!!!

فأنا نااويه ومدري اذا التصرف هذا صح او غلط ((وبصراحه ابي هالتصرف يردعه ويحسب حساب السفر لحاله
))

المهم نااويه اني استقبله بشوووق ولهفه وحب

بس لما يطلب مني شي (العلاقه الخاصه) ارفض .. واسوي حالي خايفه _وانا فعلا خايفه _وماراح ارتاح الا بتحليل يأكد خلوه من اي مرض

بجد احس نفسي خاايفه من بعد كلامهم العقيم ..

اخواني الرجال ابي منكم طلبات معينه اذا تكرمتوا :

اول شي جاوبوني بخصوص الموضووع ككل ..

وثاني شي وهو المهم ..رأيكم بالكلام اللي بقوله لزوجي والتصرف اللي بسويه صح ولا غلط ؟؟ هل هو يأثر عليه سلبآ كأني مثلا مو واثقه فيه ..

او اني اكرهه مثلا...؟؟؟

الله يخليكم نوروني لاني مرره متشتته وضااايعه من بعد كلام الحريم الله يهديهم

والف شكر لكم وجزى ربي الجنان من يحاول مساعدتي مقدمآ ..

__________________

التعديل الأخير تم بواسطة cutiepie ; 12-08-2008 الساعة 02:54 AM السبب: ذكر اسم بلد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه