مرحبا اخواني واخواتي بصراحه انا فقدت الثقه بنفسي قبل لفقدها في زوجي
انا زوجي يعمل في مكان مختلط وانا ماكان عندي اي غبار عالموضوع متقبله الوضع المشكله من تزوجنا من اول سنه وهو غلطه ورى غلطه مره مكالمات على جواله وتناقشنا وغير رقمه ووعدني وبعدها اكتشفت انه مراسل قنوات sms ويرقم واكتشفت ان الرقم كان باسمه وصارت مشكله واعتذر بشده ووعدني
وهلم جره الرجال ماوقف
لقيت له بالصدفه من غير مايدري محادثه طويله عريضه عالماسنجر وهو كان مستخدم جهازي لان جهازه كان بالصيانه وبالتالي انحفظت المحادثه وصارت مشكله ونفس الموال اعتذار شديد وندم اشد ودموع ومره وهو يفتح ايميله قدامي لقيت رساله من موقع معروف
وعفوا نسيت اذكر النقطه هذي هو كان حاط له ملف بمواقع المواعده الاجنبيه
المهم الرجال شكله مابعد خلص مراهقه وانا مستحيل اثق فيه امرضني بالشك صرت اشك حتى في عطسته
الله رازقني منه بنتين
ومن غير مدح في نفسي هو يشهدلي بالكمال في امور كثير واتجاهه للامور هذي مو لانه يدور شي انا مقصره فيه لا
لانه يحب يجرب ويتعبث وانا اشوف انه لعاب ونيته غير سيئه لانه واضح انه متعلق فيني ويهتم لزعلي ودايم ياخذ بخاطري بس الشي هذا صار عنده عاده
المهم اخر مره صار بيني وبينه سوء تفاهم وانا من زمان مادورت وراه بس ربي كاشفه من غير ما ادور ورجعت اردى من اول وانا متهمته بناء عالامور السابقه مع ان عمري ماذكرته بشي من الماضي كل مشكله في وقتها وخلاص ادفنها وابين له ثقتي واحسسه بالثقه لكن انا من جوا مدموره وقلت له مره من المرات خلني ابعد الثقه اهتزت وجلس يترجا فيني وانا لولا حبه كان رحت لكن طاوعت قلبي وصدقت وعوده والحين صار المشكله وهو مسوي فيها زعلان يقول ظلمته وانا مو مصدقته والحين يلومني نسي انه هو اللي بلاني بالشك من كثر زلاته ورافض اننا نفترق ولو تراضينا مستحيل اثق فيه حتى لو كان صادق خلاص الصبر له حدود ويقول قرارك مو بكيفك ويقول انه مايبي يشتت بناته لكن البنات راح يعيشون بجو متوتر لو استمريت معاه من جد مستحيل ارجع اثق فيه مع اني اموت فيه لكن الحب مايكفي دام مافي ثقه ماتصلح الحياه والحين لازم اسمع صوت العقل لان قلبي ماراح ينفعني على قولتهم لوفيه شمس كان من امس فات علينا ست سنين واحنا نلف وندور بحلقه مفرغه هو يغلط وانا انهار وبعدين يعتذر ويترجا ويوعدني وانا ارضي ودقي يامزيكه ولما اسأله هات سبب واحد ما القى اجابه يقول اتسلى
اه والله ان الصدر ضايق وقرار جدا صعب لكن اوراقي احترقت وهذي هي الورقه الاخيره والحل الامثل احسن ما اخسر نفسي لاني انسانه حساسه وحنونه وشريته مره وثنتين وعمري ماذليته والوضع هذا ماينفع معاي ابد
خواني واخواتي ارجوكم تفهموا وضعي ودلوني

عفواً تم تعديل العنوان ليتضح المضمون
الإشراف