زوجي و الصور الإباحية خلاص انا تحطمت
مدري كيف اقول مشكلتي والله بس ابكي .. خلاص زوجي طاح من عيني
وتحولت كل مشاعري له لكراهيه .. من يوم تزوجنا وهو طيب معاي..
انا متزوجه لي ثلاث سنوات ونص.. قبل تقريبا 6 شهور شفت في جهازه
كذا مقطع محمله من موقع اباحي.. جيت تكلمت معاه وانا زعلانه
ووعدني مايسوي كذا .. لكن قبل امس واحنا بالصاله لقيته قاعد عالاب توب
فاتح ايميله واشياء عاديه رحت للمطبخ وانشغلت شوي ولما رجعت جلست جمبه
وهو كانه ارتبك وبالغلط جت صوره فاضحه وسكرها بسرعه.. قلتله ايش هذا
قال مافي شي وفتح على صوره ثانيه.. على باله مانتبهت.. قلتله مو هذي
غيرها.. اقسم بالله انها هذي.. يستعبط وعلى باله اني هبله والا ايش ماادري..
قلتله طيب هات الجهاز شوي.. اللي هو سكر الجهاز.. قلتله لو انك واثق ماسكرت جهازك
ورحت غرفتي وقفلت الباب .. جا هو بعد خمس دقايق يدق الباب وانا من الصدمه مو قادره
اتكلم ولا ارد ولافتحت الباب .. ومر ذاك اليوم وامس واحنا ماتكلمنا.. مو قادره اكلمه بس
اشوفه ابكي وابعد.. ماادخل الغرفه اللي هو فيها..احس مره زعلانه.. وانا اكتب الحين والله قاعده ابكي
اكيد هو كل مره كان ينام معاي يتخيل وحده من اللي يشوفهم..مره مو قادره اتحمل
ياريتني مت وماشفته يسوي كذا انا مجروحه... والله ماقصرت في اي شي
لاتحطوا اللوم عليا..
التعديل الأخير تم بواسطة ماريا ; 12-08-2009 الساعة 11:47 AM
السبب: العنوان ليتضح المضمون