هذه مخاطر النت والأميل للأسف

أصبح( بعض )الرجال عبيد لشهواتهم والغريب أنهم متزوجون يعني محصنيين أتدرون أين الخلل ؟

الخلل ضعف الوازع الديني وعدم الأستحياء من الله وعدم أدراك حجم المعصية النظر الى الأباحيات زنا بحد ذاتة مصداق لقول

الرسول صلى الله علية وسلم (( ألا أن العين تزني وزناها النظر)) أنا أستحقر هذه النوعية من الرجال عباد غرائزهم

اختي ادعيلة بالهداية لعلة يرجع الى صوابة.

__________________
ماعدت أنا ..ورقة ليمون , سافر معي , مطلقه صغيره ,
اخباركم

شكرا كثير على نصائحكم وياريتني لحقت اقراها قبل لايرجع من الدوام امس..

بقلكم على اللي صار..

لما رجع من الدوام.. كتب لي رساله يقول فيها..

حبيبتي زوجتي.. انا اذا اخطيت عليك سامحيني فيه احد مايسامح اللي يحبه حتى ولدك لما

تضربيه ينسى ويسامح لكن انتي قلبك مره قاسي واي غلطه تكبرينها.. انتي لما تزعليني

اضغط على قلبي ونفسي عشان ابتسم بوجهك ولا احسسك انك غلطانه..

انا حتى لو غلطت لهذه الدرجه ماتكلميني كني ماني موجود..احبك ..



هذي كانت رسالته وانا قريتها وانفجرت زياده.. هو اللي مطنش ويحطها فيني وهو اللي جرحني

ويحسب نفسه ماسوى شي

ورديت عليه برساله قلت فيها..انا انصدمت فيك ايش تسوي لو شفتني اسوي نفس الشي؟؟

انت كانك شخص ثاني مو زوجي اللي اعرفه..تستمتع بمشاهدة الفاجراتوالمشكله لاعندك اصدقاء

سوء ولا انا اللي تركتك بلحالك حتى ضحيت بوظيفتي عشان اتفرغلك ومااقصر بحقك..وعمري ماقصرت

بحقك الشرعي.. ياترى وين وعدك لي انك معد تشوف هالخرابيط.. يوم شفت المقاطع في جهازك

سامحتك برغم الالم اللي حسيت فيه.. والله مو سهل النسيان لكن لاني احبك ضغطت على نفسي

لكن بالرغم من كل هذا ترجع لنفس الموال؟؟لا وبعد تسكر جهازك وتقول مافيه شي؟؟

يعني ماخفي كان اعظم.. والله اللي سويتي فيني جريمه لان معناه مو مكتفي فيني وتدور عن

غيري والله حطمتني وحطمت احساسي وقلبي وعقلي وكل شي فيني..

تخيل اني اشوف رجال عراة ايش يكون موقفك؟؟ من جد اسالك ايش يكون موقفك؟؟

والله اذا شايف اني فيني عيوب اني اضرب ولدي وعصبيه والله ياريتك عصبي وياريتك تضرب

ياريتك تسب..والله ارحم بكثير من ادمانك للمقاطع الاباحيه.. والله حسستني انك ماتنام وماتستثار

الا لما تذكر اللي شفته.. وانا ماطنشتك.. انا مصدومه منك كل ماشفتك ابكي عشان كذا مابي اشوفك..

هذي رسالتي .. بعدها ماتكلمنا وهو الحين راح الدوام

ياربي والله اني خايفه من اللي حيصير..مدري هل تسرعت ام هذا الكلام اللي قلته هو الصح؟؟

اختي

( مع يقيني بان ماقام به امر مزعج لك كزوجه , ومعصيه وخطاء كبير )

الا اني اقول لاتسوين من الحبه قبه . وتخربين بيتك .

وارجعي اكتبي رساله ثانيه وقولي ( حبيبي ونور عيوني الغالي

اعترف لك باانني اغير عليك حتى من الهواء . واني اغليك اكثر من روحي . وافديك بحياتي .

اذا انا مقصره باي شي علمني وانا اعتذر عن تقصيري ان وجــــد .لاتستحي مني قلي وعيوني لك .
وانا ماطلبت المستحيل يابو فلان . وطلبي انك لاتجرحني وانا احبك بمثل هذه الامور المغضبه لله قبل كل شي .

وتأكد ياحبيبي انه رغم ماعندي من تقصير واخطاء وذنوب الا انني اطلب من الله ان ننجى انا وانت من عذاب النار واطمع بما عند الله من جنه ونعيم نحن واولادنا وكل يوم اقول يارب اصلح حالي وحال زوجي ........

حبيبي انا اعتبر نفسي حلالك واحترمك في غيابك وحضورك ولا ارى بعيني غيرك .فهل انت كذلك ياعمري

حبيبي اعتبر ذيك السالفه ماكني شفتها .وسامحتك من القلب لانني احبك يااعز الناس .وان شاء الله انك ماعاد تزعلني بمثل هذه الامـــور)

اختي لايوجد بيت مافيه مشاكل وبعضها الله لايوريك مشاكل الواحد يخجل من ذكرها .

عالجي اخطاء زوجك بالحلم والصبر والعلم . وحافظي على مملكتك بكل مااؤتيتي من قوه .

اخوك / عناز بيك

ممكن توضحي كيف يعني رساله وانتوا مع بعض في البيت؟ مو قلتي رجع من الدوام ,, وبعدين أرسلك رساله؟


عموماً أعتقد إنه عليك الإتصال به مع كلام رومانسي ,,, وتجهزي له جلسه حلوه لما يرجع من الدوام عشان تنسوا كل شيء ,,,

أنا مع كلام الاخ عنازبيك

لكن ياأختي (ذبحتني الغيرة) أبغاك تتأكدين تماما أن الرجال إللى يطالعون الإباحيات ترى مو لأن هناك تقصير من زوجاتهم أو

لأن الزوجات مو عاجبينهم أو ما يجذبونهم جنسيا لا أختى الرجال يحبون الاستطلاع وخاصة في الامور

الجنسية كذا.....عادة وأدمان ....... ( زي وحده تعرف تسوي بيتزا في البيت وأحلى بيتزا لكنها لما تمر

على مطعم تشتري وهي متأكدة أن طعمها مو حلو وأن اللي في بيتها أحلى وأطعم بس كذا حب شراء شي مر عليها تعودت تشتري بيتزا

من برا )هذا مثال فقط

لكن لا تخافين راح يشبع مع مرور الوقت ويطفش وماعاد تعجبة هذه الشغلات ولا يعطيها أي اهتمام

بس أنت اصبري وحاولي تجذبينة و بأسلوبك الحلو تورينة أن عالمك أحلى من عالم الاباحيات

__________________
ماعدت أنا ..ورقة ليمون , سافر معي , مطلقه صغيره ,
اخباركم

اخوي عناز بيك..

نفس الكلام هذا قلته له لما شفته المره الثانيه ..يمكن لان قلتله اني نسيت وسامحتك

ولقاني معاه ولاكان صار شي.. صار عادي عنده وعارف اني راح اسامح بسرعه..

هو كتبها بورقه وحطها على طاولة الصاله.. فانا رديت عليه برساله وحطيتها بجنبه..

بالله عليك يصير اكلمه وكاني انا الغلطانه؟؟


لا واقله كلام رومانسي عشان يتاكد انه ماسوى شي لا شي عادي اللي سواه

شكرا اختي .. احس كلامك مقنع مره..بس مو عارفه كيف اكلمه وهو اللي جرحني انا ماسويت له شي

اقولك لا تكلميه انت الاول لكن بمجرد ما يكلمك ردي عليه وهنا افتحي باب النقاش بس علميه انه ارتكب خطا معك ومع نفسه ومع الله حتى لا يعود يشوفها تاني مممممممممباختصار المسامح كريم حبيبتي لا تهدي دارك وادعيله ربنا يهديه

__________________
اللهم اني اعوذ بك من درك الشقاء وسوء القضاء
اللهم اني اعوذ بك من زوال نعمتك وتحول عافيتك و فجأة نقمتك ومن جميع سخطك امين رحمتك يارب ان لله وان اليه راجعون