اليوم بعت سيارتي وزعلان عليها ) :
السلام عليكم ورحمة الله وبركاته
اسعد الله اوقاتكم
والبسكم لباس الصحه
وانعم عليكم بالعافيه
واذهب عنكم الهموم
وملاء حياتكم بالخير
وسهل أموركم
وسدد خطاكم
طبعاً الموضوع باين من العنوان
ومن أول اتقلب اتقلب ماجاني نوم قلت ادخل المنتدى افضفض شويه وارجع وان شاء الله انام
قبل خمسه سنوات كانت في سياره اتمنى اني اشتريها
وربي كانت حلم بالنسبه لي
والحمد لله ربنا فتح علي واكرمني ولقيت واحد من الشباب عنده نفس السياره وكان وقتها يبغى يبيعها
فا اخذتها منه بسعر غالي شوي بس كانت تستاهل لان السياره كانت مره نظيفه
وقالي خويي تراني موضب الجربكس قلت الخير واهله
واخذتها ومشت معاي شهر احس فيها شي غلط
المهم بعدها بشهر خرب الجربكس وغيرته بـ 5 الاف ريال
وقلت خيره مو مشكله السياره نظيفه وتستاهل
مشت معاي اول سنه
ثاني سنه ويخرب علي الجربكس
قلت مو مشكله السياره على يدي واغير لها جربكس بـ 3500
المهم من يوم ما غيرت الجربكس الثاني وانا قلبي ناغزني السياره مو بعزمها الاول بس قلت دام انها ماشيه
مو مشكله
وتزوجت الحمد لله والسياره معاي
بعد زواجي بأقل من شهر ويخرب الجربس مره ثالثه وتعرفون الواحد بعد مايطلع من الزواج ودوشته
واغير لها جربكس بـ 5000 الاف مارضي ينقص ريال لانه صادف عيد الحج
بس برضه انا متعلق في السياره لانها مره مريحه ومنظر وقوه وكل شي حلو فيها
قعدت معايا السياره الين قبل شهر بالظبط حسيت ان نفس الفلم بينعاد حق الجربكس رحت فحصتها
وجددت استمارتها ونزلتها المعارض واول زبون جاني بعته بس والله اني بريت ذمتي وقلت له كل عيوبها
وخليته يجرب السياره ويمشي فيها والخراب واضح انها تتأخر في التغيير
المهم وقعت ع المكاتبه
واخذت فلوسي و والله انها ماوصلت نص المبلغ اللي اشتريت فيه السياره بس الله يبارك لراعيها
ومن وقتها وانا نفسيتي تعبانه شوي وزعلااان على سيارتي
وكل شوي اقلب في صورها وربي كأني فقدت شخص عزيز
وبصراحه حبيت افضفض لكم في المنتدى لاني وربي مو قادر انام محروق عليها
ادعولي ان الله يرزقني بسياره احسن منها
والله يوفق راعيها ويعطيه خيرها ويكفيه شرها
لاتبخلو علي بالدعاء الله يسعدكم ويوفقكم
سامحوني طولت عليكم
في أمان المولى وحفظه
24-02-2011, 03:20 AM
ضوابط المشاركة
العرض الشجري