أبي حل مع أختي آلمرآهقة - منتدى عالم الأسرة والمجتمع

03-09-2013, 11:25 AM

ﻵفيندر`

عضو جديد

تاريخ التسجيل: Sep 2013

المشاركات: 8

أبي حل مع أختي آلمرآهقة

السسلام عليكم ورحمة الله و بركاته
كيفكم أخواتي و أخوآني في الله ؟
فـ أنآ سجلت هنآ لآطرح مشكله لم أجد لهآ ! و أملي بكم كبير .
أنآ البنت الكبيره بين أخوآتي ولآ عندي أخوآن أكبر مني بس عندي 3 أخوآن و كلهم صغآر أكبر وآحد فيهم
عمره 9 سنين .
أبوي شبه جآهل معآه شهآدة أبتدآئي . و أمي ليس معها أي شهآدة (أمية) . و نحن علاقتنا مع عائلتنآ شبه مقطوعه لآ نراهم آلآ في آلمنآسبآت .
المششكله : أني أكتشفت من كم شهر أن أختي آللي قبل آلصغيره تكلم شآب ! و هي عمرهآ 16 و آلمصيبه
أن 3 من خوآتي هم آللي قآلوآ لي أنهآ تكلم و هم عرفوآ من فتره و كل وحده فيهم كلمتهآ و نصحتهآ لدرجة أن
بكت و حده فيهم عندهآ ولكن دون جدوى .
أنآ يوم عرفت بكيت مآ صدقت آللي يقولون, كنت أثق فيهآ ثقه عمياء . أنآ بمثآبة أمهم في البيت أرآقبهم
و لدرجة حرمتهم من بعض الآشياء خوفنآ عليهم . كنت أشوفهآ تتكلم و تنآقش في موآضيع أكبر منهآ كآلزوآج .
و لكن مآ شكيت فيهآ أبدآ. كنت أقول في نفسي أنهآ كبرت و بدأت تفهم .
و لكن في بدآية آلعآم آلدرآسي آللي فآت لآحظت أنخفاض متسوآها الدرآسي بشكل كبير لدرجة أنهآ رسبت في مآدتين و قلت في نفسي من آلإيباد فحرمتهآ منه ولكن دون جدوى بدأت تغيب كثير آلفصل آلثآني ولآ تبي تروح للمدرسة و حولت منآزل(إنتسآب) أنآ خفت و توقعت أحد عطآهآ عين ! ولكن في الإختبآرآت كل مآ أدخل عليهآ
مآ تذآكر و تقول ذآكرت أو آلمآده سهله و من هآلكلآم و رسبت مره ثآنيه في 4 موآد و أختبرتهآ مره ثآنيه و رسبت و رآح تعيد السنه في أول ثآنوي . و لآحظت أنهآ تهتم بنفسهآ و شكلهآ كثير حتى لمآ نروح للسوق أو أي أحد و هي مره عنيده و تسمع الأغآني كثير و تحب آلرقص ولآ تحب آلنصآئح خآصتآ في آلدين و قلبهآ بآلعآمي ميت . أول مآ عرفت أنهآ تكلم شآب رحت هآوشتهآ و قلت إذآ أخذتي آلجوآل و كلمتيه من ورآي بعلم أبوي وهي مآ معهآ جوآل تكلمه بجوآل أمي و صآر جوآل أمي دآيم معي و المشكله بعد أنه صآر أخو صديقتهآ في آلمدرسه بس صديقتهآ مآ تدري عن شيء و هو جآهل يدرس بآلليل و عمره في آلعشرين و بيته مو مره بعيد عنآ يعني في آلحي آللي أحنآ فيه و يعرف بيتنآ و أحنآ في محآفظه صغيره قريبه من آلريآض فكل شيء يصير فيهآ ينتشر بسرعه . وهي ألحين مع أمي عند جدتي في آلريآض أصرت أنهآ تروح مع أمي و أخذت جوآل أمي عشآن مآ تكلمه هنآك. بس آلمصيبه أخوآتي يقولون معهآ جوآل صغير هي شرته و هو جآب لهآ آلشريحة بأسمه ! خوآتي خآيفين من آلفضيحه كذآ م قآلوآ شيء لي . هي بتجي بعد كم يوم و أبي حل لآتصرف معهآ
من يوم عرفت و أنآ أكرهآ و كل خوآتي يكرهونآ ألحين و نتمنى موتهآ ولآ تفضحنآ .
لآ تقولون لي آلهيئة مآ أقدر لآن أكثر رجآلهآ يعرفون أبوي . وآلشآب من عآئلة بدوية لديهم سلآح و أنآ خآيفه على أبوي و علينآ منه و أبوي مآ رآح يتحمل لو عرف لأنه مريض آلقلب و سبق حصلة مشكله بيني و بين مرت أبوي و أبوي مآ تحمل طآح علينآ و أرتفع عنده آلضغط و رآح للمستشفى . و أبوي يحبهآ ولآ يحب يرفض لهآ طلب لأنهآ سمية جدتي الله يرحمهآ و هي تستغل أبوي . و أخآف بعد أنهآ تنحآش معه أو يدخل البيت و أحنآ مو موجودين لآنهآ حتى هذآ آلعآم مآ رآح تدآوم وهي مراهقة أخآف تسوي بنفسهآ شيء .
أنآ مآ أعرف وش أسوي بهذآ آلشآب ؟ و كل يوم أفكر و أبكي و أدعي أن الله يستر علينآ و ينتقم منه و يبعده
عنآ و يهديهآ .
الله يخليكم لآ تخلوني أبي حل :"(
و آسفة على الإطآلة . يا رب فرج همي .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه