عندي ولد مراهق عمره 17 يبغى يسير مدخن من يوم وهو بالابتدائي لقيت عنده بكيت دخان وخبرت والده وضربه ضرب مبرح وانقطع عن التدخين ورجع بالمتوسط وبرضه خبرت والده وعصب عليه وعلي بعد مع ان مالي ذنب بس هو من النوع لما يعصب يخلط الحابل بالنابل
ووقف ولدي عن التدخين لانه يخاف من ابوه
الحين صار بالثانوي وقالتلي عمته انها شافت معاه شيشه الكترونيه وصرت اراقبه وشميت فيه الريحه وكلمته عن اضرار الشيشه وانها اكثر ضرر من التدخين وسوا نفسه خلاص بيسمع الكلام وقلتله هات انا باكسرها قال والله ياماما انا باكسرها وجلست فتره ماشميت فيه ريحه بس امس لقيته بغرفه بعيده من غرف البيت وريحة المعسل ماليه المكان وعرفت انه يعسل وواجهته قام يحلف ان الريحه من الجيران وانا عارفه انها منه بس مصر على الكذب ويحلف كذب بعد
ومدري وش سر تمسكه بالدخان والشيشه
الان من امس متردده اخبر زوجي والا لا لان الولد كبر وخايفه على مشاعره ابوه يعامله رجال ويحسب انه عقل وبطل حركات وخايفه من ردة فعل زوجي لانه عصبي
ويمكن ولدي يحقد علي انا مشيت له المره الاولى لانه وعدني بيكسرها
مدري وش الحل معاه تعبني الله يصلحه