السلام عليكم
ادخل بالموضوع بشكل سريع
في البداية قبل الزواج كانت زوجتي تحبني مرره و ما ننقطع عن بعض ولا دقيقة
و سوينا ملكه و مراسم الفرح و عشنا زوجين من احلى الازواج في العالم و بعد
ثلاث ايام ...
فجئة اختلفت و تغير مزاجها و تفكيرها و صارت ما تطيقني و تقرف مني ولا
تبغاني اقرب منها ولا اكلمها ولا اطالع فيها ولا تبغى تجلس دقيقة عندي
صارت تلومني على اي تصرف و تتنرفز و عصبية مرره
و طلبت الطلاق بدون اي مبرر
و انا اسالها يا روحي يا حياتي في شي مزعلك ؟ انا مضايقة ؟ في شي ؟
قوليلي مستعد انفذ الي تبغيه بدون تردد
صارت تقول انا كرهتك !!!
صرت اقولها طيب ايش السبب انا غلطت بشي ؟ قصرت بشي ؟
تقولي لا !!
طيب تغيرت عليكي في شي ؟
تقول لا !!!
طيب يا حبيبتي يا عمري ليش كارهتني و ما تبغيني
تقول ما ادري
انا بتجنن عن سبب الكره و العصبية و النرفزه هاذي
قالتلي بطلبك طلب تردني ؟ قلتلها لا والله دام يسعدك و يهدي بالك ما اردك
قالت و ديني عند اهلي
و الله و فعلا وديتها لاهلها و طلبتني يومين و بترجع
قلتلها يا عمري انت متى ما هديتي و روقتي كلميني و اجيلك
مر اليوم الاول و الثاني و الثالث و هي عند اهلها و نتواصل و تتجنب الكلام معي
و الرابع و اخامس و السادس و السابع صارت تتجنبني و تحاول تموت العلاقة بيننا
و ما ترد علي
رحت لها بالبيت و ما تبغى تقابلني !!!
اهلها اصرو اني اخذها قالو زوجتك تدلع ولا فيها شي
و اخذتها و كانت مشحونه و عصبيه اكثر و صار اسلوبها وقح
و تردد علي انا اكرهك و ما احبك ولا ابغاك و طلقني انا مو مرتاحه
صرت اكلمها بكل هدوء و احاول اتجنب القرب منها و اقولها كل كلام حلو
ولكن بالمقابل يجيني سب و تجريح و اهانه
جلسنا على هل حال اسبوع مافي فايده
و حاولت اتجنبها يومين ما ازيد كلام معاها
و بعد يومين كلمتها ها يا عيوني كيفك الحين انشاء الله مبسوطه
لكن للاسف زي ما هي و اكثر نرفزه و عصبيه و كره لي
صارت تتمادى اكثر و اكثر بكلامها و تقول انت مو الرجال الي في بالي و انا ما
اشتهيك و انا اكره شكلك و اكره تصرفاتك و اكره كل شي فيك !!!

مع العلم اننا حبينا بعض و كانت تموت فيني و شافت كل شي و عارفه كل كل كل شي
فاهميني @@@
كل شي
الفرق الوحيد قبل و بعد الزواج العشرة في بيت واحد و المعاشرة الزوجية .

بس هاذي مو اسباب انها تكرهني و هيا عارفتني زين قبل الزواج و كل شي واضح و باين

و انا الى الان ماسك اعصابي و لا قلت اي كلمه بذيئة عشان ما اكبر الموضوع و اجرحها

كرامتي راحت و اهنت نفسي كثيير و حاولت بشتى الطرق بس مافي فايدة

كلامها جارح و تكرهني لابعد الحدود و تحاول التهرب مني و تحاول تكرهني في نفسها
بس ما قدرت و صارت تقول انت ما تحس ما عندك احساس
و انا صابر و متمسك فيها لاني اعرفها حنونه و تحبني و بيننا عشره حب حلوة
طبعا صار لها شهر و نص ما اقربها ولا تقربني و انا صابر و الله حرام
و بعد كذا فجئة قالت ابغى اروح لاهلي و ما ابغاك خلاص روح انقلع و من الملام الجارح
و فعلا ما رديتها و صلتها و نزلت اغراضها و كل شي
المهم صارت تكرهه اهلها فيني و اهلها صدقوها اني مو زين و كلامي و تصرفاتي
معاها مو زينه و صارت تكذب و تخلق مشاكل بيني و بين اهلها عشان يكرهوني
طبعا انا وصلت حدي و صبري خلص و صرت افكر بعقلي و انسى قلبي

ابوها صار يقول مالي شغل هاذي زوجتك حل مشاكلك معاها
و امها معاها و مصدقة اني مو زين

صرت محطم و ما ادري وش اسوي
ليش كل هاذا
ليش موتت العشرة و الحب الي بيننا و خربت حياتها بدون سبب
ليش ...


مستجدات
الرد 28
http://www.66n.com/forums/showpost.p...0&postcount=28

مستجد الرد ( 34)

http://66n.com/forums/showpost.php?p...2&postcount=34

مستجدات الرد(42)

http://www.66n.com/forums/showpost.p...2&postcount=42


مستجدات الرد(62)

http://www.66n.com/forums/showpost.p...0&postcount=62

مستجدات (الرد 72)

http://www.66n.com/forums/showpost.p...7&postcount=72