السلااام عليكم ..
ماعليه تحملوني .. اذيتكم باستفساااراتي ..
بس من لي غيركم 😢...
اليوم ييت لكم بمشكلة يديدة .. نوع اخر ...<< يا هذي اللي ما تخلص مشاكلها😆
الله يسلمكم .. للي ما يعرفوني
موظفة .. ام ل3 اطفال .. اكبرهم 8 سنوات ..
😑😑
انا للفترة اللي فاتت كنت اعتمد على الشغالة
ارجع من الدوام 3 العصر مع عيالي
اشوف البيت نظيف .. الغداء .. الملابس نظيفة ومكوية .. شقتي صغيرة
بس حاليا سافرت .لظروفها الطارئة... وامتنعت هالفترة اني استقدم شغالة ..
بسبب اني ابداااا مو مرتاحة لوجودها بينا ..
ما سوت لي شي وطيبة وما تتدخل في خصوصياتنا .. هادئة وما فيها عيوب ابدا ..
بس احساس بعدم الراحة ..
اضافة الى اتكاليتي واتكالية عيالي على الخدم ..
وهالشي انا قعد احصد نتيجته حاليا ..
وودي اتلافى هالشي ..
😊بس للاسف حاسة اني ما بصمد ..
ولذلك ..قررت اني استعين بحضراتكم وحضراتكن ..
عطوني تجاربكم في كيفية الاستغناء عن الشغالة للزوجة الام الموظفة ..
او تجاربكن في الفترات اللي كنتم بدون خادمة وكيف مرت هذه التجربة ؟
بعض الحلول العملية اللي تساعدني في الاستغناء عن الخادمة ؟
الاحظ زميلات لي من دول عربية غيير خليجية قدرتهن الغير طبيعية على اداء دور الام والزوجة والموظفة والمربية بدرجة امتيااااز ؟ كيف فهموني😦اللهم لا حسد ؟
بلييييز لا تحطموني وتقولو مااا ينفع ؟

محتاجة كلمة دعم ومؤازرة 💪
وراجعة اقولكم كيف مشيت هالاسبوعين 😕

__________________

طبعا لااازم اذكر انني خلااال هالاسبوعين شوي وارفع راية الاستسلام البيضاء 😢
الصراحة الوضع جدا صعب ..
بس ما ادري في شي بداخلي يقولي بتقدري .. 😊
للعلم .. زوجي كثير الغياب عن البيت ..
لذلك لا تقترحون مساعدة زوجي العزيز ...
وضعي الحالي :
لم استطع الطبخ للان 😣

الحلول اللي وصلت لها :
التسبيح قبل النوم
شراء الكثير والكثير من الملابس حتى يتم الغسيل في الاسبوع مرة ..
تعليم اطفالي بمساعدتي ولو انها بسيطة ..
احضار خادمة بالساعات مرة في الاسبوع فقط للتنظيف العميق ..
استخدام الملاعق البلاستيكية والصحون كذلك ..
استبعاااااد فكرة ان النظافة تكووون بالدرجة اللي كانت عليها ايام الشغالة .. صعبة 😧 لا بد من الفوضى قليلا ..
تخصيص غرفة للعب .. وعدم تواجد الاطفال في الصالة لكي لا تتسخ
اممممم بس
الصعوبات :
هههه لم اطبخ ..كله من برع
منهكة جدا .. اصبحت عصبية نوعا ما
عيالي لم يحصلو على الاهتمام الكافي

__________________

تجميع الثياب وغسل كومة كبيرة سيرهقكِ أكثر .. خاصةً لو كنتِ ستكوينها في البيت.

اغسلي الثياب أول بأول.
.
.
.
أؤيدكِ بخصوص الخادمة التي تعمل بنظام الساعات.

__________________


اللهم طِيبَ الأثر .. وحُسْنَ الرحيل.

جمانة

كثير تفكريني بحالي ..
شخصيتك العملية .. عدد أطفالك ، أكبر واحد فيهم نفس عمر ولدي الكبير
تفكيرك و ردودك كثير من ردودي الي تكون ببالي .. ^_^

المهم ..
أنا مريت بالفترة هذه ..
و نفس اللي تعمليه عملته من فترة ..

لكن بأسألك جمانة ؟
لما كانت الشغالة موجودة ، قد ايش كنت تعطي وقتك للأولاد ؟
و حاليا قللي النسبة للنصف ..

أولادك صغار ، و بحاجة لشغالة يا جمانة

صدقيني ، مو تحطيم .. لكن أنا فاهمة وضعك و جربت اللي تقولي عليه
علأقل حاليا

1_غسالة اواني
2_مجفف ملابس
3_كل مسؤول عن اواني طعامه بان يضعه في المغسله بعد مضها بالماء
4_كل يوم على فرد من افراد المنزل عليه ان نظف الحمام اعزك الله واخر الكنس واخر المسح وهكذا كل شيء مجدول(حفزيهم بهدايا اسبوعيه من باب الشكر والتقدير)
5_ تصحين قبيل الفجر وابتسي للبيوم الجديد وانتعشي فلتطهين الغداء فجرا ويكون الفطور متكاملا جدا والعشاء يكون "خفايف"
6_رتبي اولا بأول استخدمتي ملعقه حطيها بمكانها
7_كل مسؤول عن غرفته اقول لابنائي كل شيء يسبح لله الا المتسخ فهل تحرمونهم من تسبيح الله! علقيهم بالنظافه (انت نظيفماتحب ملابسك بالارضالله حبيبي قوم رتب _انت بتقوم ترتب, شكرا اماما)
8_جهزي كلتين للابناء سله للملابس البيضا وسله للملابس الملونه لكل غرفه
وابشرك علاقتكم راح تقوى كثير بالنظام وبتحسون بحميمية عميقة

__________________
الحمد لله..اللهم صل على محمد و ال محمد

التفريغ المنهجي

الاستعانة بالله
الاستيقاظ مبكرا
غسيل الملابس يكون يومي .. وشراء الكثير هو اللي بيعفس لك الدنيا
وانتي تمشين رتبي اول باول لقطي اللي بالارض المهم لا تخلين نتفة طايحة .. والله يعينك ماجربت الوظيفة.. فماقدر افيدك اكثر ..
الملابس القطنية البالية انا اقصصها و اخليها للتمسيح وارميها .... المهم كل شي يتم اول باول

__________________

بما اني صرت رب منزل
الصحون مااخليها اول باول اسهل واريح
اما غسيل الملابس كل جمعه
الكوي طبعا برى بس اغسل في البيت انظف واحسن

او انك تشوفي لك من الشغالات اللي بالساعه تجي كل يوم جمعه مثلا وتغسل وتحطهم بالنشافه وتكوي

اطفالك وديهم مراكز تعليمة او حضانات كل حسب عمره ،،

راح يفرغون طاقة في نفس الوقت يغيرون جو

غسالة دايو 3ف1 تطلعهم لك مجففين ،، مكوى الكبس بيساعدك كثييير

غسالة الاواني ،، علمي اطفالك غرف النوم للنوم فقط ،، بتبقى عندك غرفه المعيشة

والله يعينك

__________________




ربِ هب لي من لدنك ذرية طيبة أنك سميع الدعاء

بما اني بغربه وماعندي شغاله بقول لك للاشياء الي فادتني
غساله صحون
مهمه جدا جدا
غساله كبيره و نشافه اوتاميتك طبعا ونوعيات كويسه
فيه نشافات تطلع اللبس كانه مكوي
الكل يساعد بالبيت
البساطه لا تتوقعي بتطبخي ولائم وعزايم او اطباق انستغراميه هههههه
بتقللي عدد العزايم و الزيارات
وكذلك البساطه باللبس لبسي عيالك عملي وعادي بالبيت
واتبعي ماامر به رسولنا عليه الصلاه والسلام بنته فاطمه لما جت تشتكي شغل البيت
واهم شي احتسبي كل ماتقومين اجره لله
والله لا يضيع تعبك

انا مو ذابحني الا السيراميك كيف ينظفونه من غير تعب وسهوله

شغالتنا تنضفه بس ما في فايده لازم انظف وراها


ممكن تعطوني حل مفيد

__________________
وهل من مصير اخر ؟