السلام عليكم

اليوم جا ي بالي حركة وأعجبتني جداا وعلى طول جيتو في بالي يابنات..

كلنا نجتمع مع أهالينا مع الفطور صح؟ وعارفين ان الدعاء مع الإفطار مستجاب بإذن الله..

لقول الرسول صلى الله عليه وسلم (( للصائم عند فطره دعوة لاترد ))

ونقدر بالراحة عند اهالينا ندعي بأي دعاء شئنا الا يارب ارزقني الزوج الصالح صعبة شوي

لذلك اليوم خطرت في بالي حركة قبل الآذان بشوي أخذت تمرة وكاس موية ورحت للوالدة الله يحفظها وقلت اذا أذن لاتنادوني

تراي أسمع الآذان ..بروح اقرأ قرآن واذا أذن جيت لكم.. قالت خلاص ثواني ويأذن اقري بعد الصلاة

قلت عاد شسوي مسكت معي إلا بقرا الحين

ودخلت غرفتي وسكرت الباب وتوضيت واستقبلت القبلة ودعييييييييت وأذن ودعييييييت من قلبي ودعيت لكم كلكم

مع ورقتين ورقة لكم ورقة لمنتدى ثاني ياكثرهم البنات الله يستر عليهم.


بس خليت دعاء الزواج آخر شي.. استحي من ربي ان هذا همي يعني ادعو بآخرتكم اول بعدين بالدنيا

والله حسيت براحة الحمدالله والشكر قلت وحتى لو ماحسيت ان الدعوة مستجابة مباشرة يكفي اني لجأت لله سبحانه وتعالى

هذا بحد ذاته عبادة.... وان شاء الله بابدا أسويها على طول

وان شاءالله ربي يستجيب لنا جميعا

قلت أقولكم يمكن تعجبكم وتسوون مثلي.

ولاتنسوني من دعواتكم

__________________
اللهم لك الحمد والشكر
"ولئن شكرتم لأزيدنكم"