اخواني اول شي احمد الله واشكره لانه رزقني بزوج فيه مواصفات تتمناها اي بنت في زوج المستقبل دين وخلق وادب وجامعي وميسور ماديا واهل كثير طيبين معاي وهو دايما مبتسم ويكره النكد ويحب صلة الرحم ومستحيل يفوت صلاة بالمسجد وتبارك الله ثقافته عاليه كثير لما اعصب مثلا يبتسم ويقولي قولي كل اللي بخاطرك واتكلم وهو عيونه بعيوني ويهز راسه ويتفاعل معاي واخر شي يحضني وبصراحه لو اكون على اخر درجة تعصيب مجرد مايحضني انسى كل شي وتصير الدنيا بعيني من احلى مايكون..!!!

اكيد بتسالون طيب وش مشكلتك؟؟

اولا انا صارلي سنه و8 شهور متزوجه والف حمد وشكر مستانسه ومرتاحه الله يرزق كل خواتي بجاه وجهه الكريم...بس فيه مشكله صغيره قاهرتني هو عمره 28 سنه وانا 25 الان يعني اقوله ابغى عيال وهو يبتسم ويقول ((على فكره هو اكبر نصاب ولسانه ينقط عسل)) ياحياتي خلينا نستانس بحياتنا شوي ودي اشبع منك وللحين حنا صغار لاحقين على العيال بعدين انتي بوكرا تصيرين تهتمين فيهم وتتركيني مين يهتم فيني الشغاله تهتم فيني اقوووووووووولكم نصاب كبير مع انه والله العظيم يموت بالاطفال عنده بنت اخته بس يرجع من الدوام الظهر ويتحمم يحطها بحضنه وينامون مع بعض واحيانا يخلص دوام يمر عليهم يجيبها معاه ويجي..وانا بعد اموت بالبنوتات وربي ودي الله يرزقني ..يعني مدري كيف يقيس الامور من جهه ادري فيه يمووووت بالاطفال ودايما يلاعب عيال اخوانه وخواته والصغار يموتون فيه يعني هو كثير حنون وياخذهم للسوق ويشتريلهم لو كان مشغول يترك شغله بس لايكسر خاطر حد فيهم ومن جهه ثانيه يقول ويحلف انه خلص بعد رمضان الجاي اذا الله احيانا وحجته يبي يعيش حياته معاي وبصراحه هو عنده هوس باهتمام المراه بنفسها كان شرطه علي من اول ماتزوجنا اننا نسجل بنادي مع بعض وسجلنا انا وهو بنادي فيه قسم نسائي وجنبه واحد رجالي واكثر الل يجونه عوائل لما اخلص انا تدريب اشوفه ينتظرني بالسياره وماعليه اثار تدريب اقوله ليه ان شاء الله ماتدربت؟؟؟ يقولي انا من طلعت على الدنيا وانا ادرب ومهتم بجسمي بس انتي لازم تحافظين على رشاقتك!!! شاهدي من الكلام معقوله الهوس وصل فيه لهالدرجه انه مايخلف علشان مايخرب جسمي!!!
ارجع واقول وربي احلى زوج فدددديته الله يطول بعمره دين ووسامه وكشخه وعلم وكل شي بس فيه هذا العيب ودي يكون عندي اطفال حتى اختى تزوجت السنه اللي طافت وعندها بنت وليش انا لا...ترى كلمت اهله وكلهم معاي ويكلمونه بس هو نصاب لانهم هم بعد مثلي كلهم يحبونه ومحد يقدر يزعله

لاحقين على الاطفال تاكدي مع وجود اول طفل راح تتغير حياتكم نهائي استمتعي مع هذا الرجل الاكثر من رائع

صارحيه بانك تريدين الانجاب
وقوليه اني احبك واتمنى ان يرزقني طفل جميل ووسيم مثلك
لان الا يام تمضي
والاطفال جميلين ان يكونوا بين الزوج وزوجته
رعاكم الله

__________________

اولا ماشاء الله تبارك الله ..
لاحقة ياعسل على الاطفال وقدري النعمة ((اقصد شريك حياتك)) والله يديمها عليك
وادعي ربنا هو الي بيرزقك بكل الي تتمنية ..

__________________

ما أدري شقول لك بصراحة..
ماحبيت أطلع بدون مأترك لك دعوة..
الله يرزقك بالذرية الصالحة البارة اللي تسعدك بالدنيا والاخرة

دخلت اقولك ......

الله لا يحرمكم من بعض واضم صوتي للاخت اللي قالت استمتعي بحياتك قبل الاطفال ..

لان الرشاقة والرومانسية بتسين راحتك فيهم بعد اول طفل ،،

واسالي اي مجربة ....

الله يحفظكم ولا يغير عليكم ...

نصيحة اختي ..

لا تتحدثي بصفات زوجك في المجالس ولا تتحدثي فيها لاي أحد فالعين حق غاليتي ............

الله يوفقك ويرزقك كل ما تتمني ...

أم حمزة

اولا الف مبروك،
انا كان عندي نفس المشكل انا و زوجي لنل نفس العمر و صار ليسنة و نصف زواج و لما قررنا (هو الي قرر) ننجب الله ما رزقنا و الان انا راسي واجعني و نفسيتي كثيلر تعبانة من كثر الادوية و التحاليل و الدكاترة و زوجي بعد بدا يتعب نفسيا ،و هدا كله لاننا كنا رافضين نعمة ربنا ،لهدا انصحك خوفيه من الله ،و الله ندمت و ندمت "قدر الله ما شاء فعل"يعني 8 اشهر كفاية من المتعة و الدلع و السفرات ،ربي يهنيكم و يسعدكم و يرزقكم بالذرية الصالحة.

__________________
يا رحيم يا رحمان يا رزاق لا تحرم ابني من اخو واخوات

ربنا يرزقك بالذريه الصالحه ويخليلك زوجك ويديم عليكم السعاده والهناء

__________________
ضاقت ولما استحكمت حلقاتها فرجت وكنت اظنها لاتفرج

ماشاءالله تبارك الله والاولاد لاحقة عليهم

__________________

وهل تستعملين وسيلة لتمنع الانجاب؟
اظنك تعلمين انك ان استخدمت وسائل تعوق الانجاب قبل ان ترزقي باطفال ربما تسبب مشاكل تؤخر الانجاب فيما بعد فاحترسي
وبخصوص الموضوع فرايي ان تعيشي حياتك وتستمتعى اللحظة واعلمي ان كل شىء بقدر واذا قدر لك الانجاب الان فلن يستطيع احد منعه
ربي يسعدكم ويرزقكم بالذرية الصالحة

__________________