السلام عليكم ورحمة الله وبركاته

ياجماعة أنا حابة اخطط لحياتي شوي بس مو عارفة إذا هذا التخطيط له أهمية أم لا

مثل مانتو عارفين انا موظفة راتبي الحمد لله جيد جدا ..

وماني متزوجة ..

وصار لي 3 سنين من توظفت ..ما ادخرت ولا ربع ريال

مع اني لما أرجع افكر شوي أشوف ان مافي شي يستاهل ضيعت عليه فلوسي

مرة غيرت غرفتي بالكامل ومرة شريت لاب توب

بس راتبي مايزيد منه ولا ريال

اللهم لاتجعلها رياء انا ربي حط في قلبي حب الصدقة

أتصدق كثير بفضل الله

وباقي الراتب مثل ماانتو عارفين فواتير جوال ومصاريف أكل وشرب ودلع بنات وملابس وغيرها

لأن انا أحب أشيل مسؤولية نفسي بنفسي

حتى الشامبو ماأحب حد يشتري لي

خلاص أنا كذا متعودة

لكن في المقابل مو من النوع اللي يشتري ذهب والماس وشغلات ماركة

وين تروح الفلوس ماادري

أشوف صديقاتي اللي توظفوا معاي ماشاء الله(سواء متزوجات أو غير متزوجات) مدخرين جزء من راتبهم

وتجمع لهم مبلغ محترم

بس انا لا

ماأدري ساعات احس أنه من الغباء إني أجمع فلوس

فأنا بنت ومو وراي مسؤولية وحتى لو بفكر بالزواج مو مسؤليتي

أجمع مهر ولا غيره

خليني مبسوطة بلا زيادة هم

وساعات أقول لا خليني أجمع لي مبلغ يفيدني يمكن ربي يكتب اتزوج مثلا ويجيني واحد على قد حاله واساعده

خصوصا اني من النوع اللي يصير على فكرة السكن المستقل بعد الزواج

وماعندي مشكلة اساعد في هالموضوع مدامه يجيب لي الراحة

وانا مقتنعة اقتناع كامل ان في هالزمن الوحدة لازم تساعد زوجها في المصاريف

لاني اعيش في بلاد الغلاء فيها فاحش

وبصرف النظر عن الزواج اللي يمكن مايصير أصلا

هل تعتقدون بضرورة الادخار

أو أعيش على البركة

يهمني رايكم وأسمع تجاربكم ..

أعتقد ان المكان الناسب لها الموضوع هو عالم المرأة ياريت تنقلونه

فى جزء من كلامك قلتيه واعجبنى كثير بس ما راح اقولك شو هو

حبيبتى الوظيفة نهمة من الله ومال يكون فى يدك احسها قوة غير عادية فى هالزمن الملىء بالشرور

المهم تبى نصيحتى لازم توفرين مبلغ محترم من راتبك عشان موتدرين بكرة شو بيصير وانت اعقدى خطة من هالحين

ماتصرفين من راتبك الا ضرورة الضروريات والباقى ادخريه

واذا قصدك انك موعارفة كيف تتدخرين فى الف طريقة تقدرين تمنعين نفسك من سحب مرتبك واذا عزمت راح ازودك بالافكار

اسال الله ان تقر عينك بزوج صالح قريبا

__________________

والله ي أختي


أفضل الإدخار في الوقت الذي تكوني فيه مرتاحه ولا عليكي مسئوليات


لأن لا سمح الله حيجي اليوم الذي تحتاجين فيه ريال واحد وهو ما يسمونه باليوم الأسود



طريقة الإدخار

طرقتي هي الجمعيات المعروفه





تحياتي

حطي استقطاع من راتبك .. ولا تفكرين فيه نهائي , سبحان الله مقلب الأحوال , قد تحتاجينه في وقت وتحمدين الله على وجوده ..

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

بصراحة عين العقل لمن تفكري بمستقبلك...أهلك مهم دايمين لك...و الزواج مهو مضمون..حتى لو أتزوجتي الرجل مهو مضمون...خططي أنت أيش تبغى من حياتك...ليش ما تمتلكي عقار..أرض ..أو فيلا ...قسدي سعرها شهريا من راتبك..يصير منه تحطي فلوسك في شي محرز ..بدل خرابيط البنات ..

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..

جزاكم الله خير

أنا مفكرة استقطع جزء من راتبي في حال نويت الادخار

ومازلت محتاجة آراءكم

هلا حبيبتي لاتسوين مثلي أحسك مثل تصرفاتي مسرفه في كل شئ لكن بعد زواجي صحيت من غفلتي وكان زوجي

هو إلي صحاني وقال لي لك سبع سنوات موظفه ليش ما ا دخرتي شئ لمستقبلك تخيلي والله مااملك شئ لاأرض ولا

بيت ولاحتى مبلغ يفيدني لأنك ماتدرين وش الظرووف مستقبلا !

بس الحمدلله أعطاني زوجي فكره أعجبتني ولي شهر وأنا باديه فيها وتنفع لأشكالي من المسرفات وهي انك تفتحي

حساب ثاني وتسوين استقطاع على حسابك الأول مثل راتبك خمسه ألاف من أول ماينزل يستقطع البنك لك ثلاثه على

حسب المبلغ إلي تحددينه ويبقى في حسابك ألفين تصير لصرفياتك وأغراضك الشخصيه من فاتورة جوال ومشتريات بس

طبعا حسابك الجديد اكسري بطاقة الصراف عشان ماتضطرين تسحبين منها وتتعلمين تكوني اقتصاديه وبعد كل شهرين

شيكي على حسابك الجديد وبتندهشين من المبلغ إلي اد خرتيه وتندمين على السنوات الماضيه المسرفه فيها وبيعطيك

دافع وحماس للإدخار &

وبالتوفيق &

__________________
لو لم تكن الحياة صعبة لما خرجنا من بطون امهاتنا نبكي:
سبحان الله وبحمده & سبحان الله العظيم

اختي انسان ماهو الاستقطاع؟؟؟

عذرا من صاحبه الموضوع


بالنسبه لاعذروها انا اسمع بفكره حساب ادخار يعني ماتسحبين منه وكل فتره تشيلين من حسابك وتحطين به
بس خلينا نفهم الاستقطاع شكله احسن

__________________
[type=31162]يقول ابن القيم رحمه الله / من احب شيء غير الله عذب به


الكلمة الطيبة صدقه
العمـــــــــــل صدقه
الإبتسامه صدقه[/type]

حبيبتي ادخلي جمعية واشتريلك ارض من الاراضي الرخيصة وانسيها مع السنين بيرتفع سعرها
وعلى فكرة دائما الاراضي اللي بشمال كل منطقة حتى لو كانت بعيدة هي الافضل لأن بناء المدن دائما للشمال كما أشار ابن خلدون .

ومن ناحية ادخار انا زيك ابدا ما اعرف ادخر ولو حاولت ارجع واصرفها