السلام عليكم ورحمه الله وبركاته


بدخل في الموضوع على طول


طبعا كلكم عارفين ان في هاليومين نتائج الثانويه العامة بتظهر وانا بتكلم مع زوجي لما رجع من الدوام


قالي: ايه اخبار الثانويه العامة في عيلتكم احنا عندنا بنت خالتي نجحت وجابت....وانا اتصلت باركت لخالتي

ولبنتها .........

طبعا انا عملت نفسي مطنشه وما سمعت


اعاد الجمله مره تانيه وقالي وباركت لبنت خالتي


انا طبعا اتضايقت جداااااااااااااااااا من داخلي يعني مافي داعي يكلمها ويباركلها

بس ما بينت ولا علقت بس انا متضايقه


كيف اتصرف انا ما حبيت انتقده عشان مايتجنب انه يحكيلي هذه الامور

مارأيكم؟؟؟؟؟؟؟؟؟


اللي بيخليني اغير اكتر من اقاربه انه كان قايلي ان في ناس من اهله كانوا حاطين عينهم عليه عشان



يزوجوه لبنتهم وانصدموا لما خطب من بره العيله وهوا مارضي يقولي مين هيا عشان ماتكون في حساسيه



بالتعامل وكل ما يحصل موقف مشابه بقعد اقول اكيد هيا دي اللي عينها عليه


انا مشكلتي اغااار عليه جدااااااااااااااااااااا ونفسي اقلل من هذا الموضوع

معليش طولت عليكم مستياكم على احر من الفحم

__________________

يااااااااااااااااقلبي عليك


والله اني حاسه فيك

بس تراه شي طبيعي اللي بتحسيه .. بس اهم شي لازم تسيطري عليه

وشوي من الغيره احيانا تعطي جو جميل بين الزوجين .. لكن ان زادت عن حدها فالعواقب غير محموده


أخاف لو قلت لك عديها له هذي المرة .. وخلي احساسك يبقى بداخلك .. انك ماتقدري تضبطي نفسك مع تكرار المواقف وبعدين تنفجري بوجه الادمي

والسبب انك ماعرفتي تضبطي انفعالك نتيجة الكبت


والظاهر من كلامك انك انسانه واعيه الله يحفظك ويبارك فيك .. بس الغيره هي المشكلة

لأنه لو كانت وحده غيرك ما كان فكرت واستشارت بالذات في موضوع مثل هذا .. وكان قلبت الدنيا فوق راس المسكين من وقتها


أسأل الله ان يبارك بعقلك ويرزقك الحكمه ..

ويزيدك ضبط لانفعالاتك ومشاعرك ويلهمك حسن التصرف



بصراحه لو كنت مكانك

هو شي واحد بيدي ..


موضوع الغيره وانفعالاتي الداخليه مو انا اللي اتحكم فيها .. صح !!!!

اذن الحل بيد اللي يملكها

ادعي ربك يزيل الغيره الزائده .. ويجعل انفعالاتك طبيعيه وبالحد المعقول

أكثري من الاستغفار .. ورح تلقي التغير في نفسك بإذن الله من غير ما تنتبهي


أما على الموقف الحالي

فمن رأيي انك تختاري الوقت اللي تحسي اعصابك بردت فيه .. وتشوفي الوقت اللي زوجك اعصابه حلوه

وافتحي الموضوع معاه

بس مو من باب العتاب .. لأني اتوقع ان الرجال ما يحب احد يلومه

فابدأي امدحيه في اشياء ثانيه .. لحد مايحس انك راضيه عليه وبعدين افتحي موضوع انزعاجك من مباركته لقريبته

وشيلي من راسك حكاية اللي كانوا يبغوا يخطبوها له

دام انه اختارك .. فبإذن الله هو مقتنع فيك

فقط ناقشيه في مسألة حكم مباركته لبنت خالته

او من باب انه فعلا ماله داعي .. او اقترحي عليه انه المرات الجايه يا ليت تكلم خالتك بس والكبيرات من العيله

اما البنات اللي ما يحلوا لك فالأفضل انك ما تتواصل معهم




كان ودي افيدك بكلام يحل مشكلتك .. بس ماعرفت اش اقول اكثر من كدا


أسأل الله أن يصلح احوالكم ويبارك ما بينكم ويديم الحب والمودة والرحمة في بيتكم

ويهدئ سركم

__________________

من أقوال الشيخ المغامســــي - حفظه الله - :


"ماسعى ابن آدم في إصلاح شيء أعظم من إصلاح قلبه ولن يصلح القلب شئٌ مثل القرآن "






"القلوب لايصلحها شي أعظم من كلام ربها , فتدبر القرآن السبيل الأول إلى صلاح القلوب "

والله كلامك رائع يا اختي الغاليةتحدي اليأس

بس أنا مؤخرا بدأت اضبط انفعالاتي الحمدلله بس بشعر بضيق بداخلي والشيطان بيصورلي اشيا عجيبه أعوذ بالله

حتى هوا كرر الجمله لانه استغرب اني ما علقت

الله يهدينا جميعا

اشكرك والله من كل قلبي على كلامك واهتمامك

__________________

حبيبتي واضح انه صريح جدا معاك وبيحكيلك كل شيئ بس انتي شكلك بتغيري جدا ولكن قبل ما تتصرفي فكري كتير وهذا الموقف ممكن لواحده انها تتقبله ولكن واحده تانيه ممكن ماتتقبلوش لكن انتي ليه لما قالك كده مقلتيلوش بهدوء كان كفايه انك تكلم خالتك وتباركلها ولا داعي لبنت خالتك وفهميه انك اتضايقتي من كده بكل صراحه وهو لما يحس انك متضايقه اكيد مش هيرضا انه يزعلك لانه زوجك وبيحبك ولكن الغيره لازم تكون معتدله .

اقولك على شيئ هتضحكي منه انا كمان زوجي كانت بنت خالته عايزه تتزوجه وهو قالي كده بنفسه واكيد بغير عليه لما بيكلمها في اي مناسبه لما تجتمع العيله وخصوصا ان هي بتتكلم معاه كتير وبطريقه ما بتعجبنيش ولكن حبه ليا بيخليني اثق اني ماليه عينه وقلبه وبحاول اتحكم في غيرتي لكن بكون سعيده لان الغيره دي بتحسسني بقيمته عندي واني بحبه والله يوفقك يا رب ويكون في عوننا كلنا.

الحمد لله هوا صريح بس اكيد لما تنتقديه ممكن يعدي موقف من غير ما يحكيه عشان خايف على زعلي


انا حاسه انه نفسه يسألني انتي متضايقه ولا لأ بس انا اكلمت معاهع عادي جداااا

بس طلبت منه طلب ورفضه اضايقت جدااااااااااااا وكل زعلي من الموضوع الاولاني (مكالمته لبنت خالته)

طلعته في الموضوع ده

جزاك الله خيرا حبيبتي

__________________

والله أنا شايفة الموضوع عادي جدا وخصوصا إذا كان من عيلة منفتحة وبينهم علاقات قوية وأرى أنك تعدي الموضوع إلا إذا تكرر بشكل مستمر وقتها تتخذي موقف.

والسلام

هما عيلته منفتحه بس هوا مختلف

__________________

زوجة احمد لا تعملي من الحبة قبة

بعض الرجال اذا شافوكي مركزة على شي يبدأ الفكرة تدور في راسه فلا تحاولي تركزي عليها وبعدين بارك لها قدامك معناته مافي شي يدور في باله والامر جدا بسيط افهميها قدامك وقدام خالته كلم خالته وقدامك فاعتقد انو مافي غيره يعني ء من وراكي وبدون ماتدري وقال لها الف مبروك وراح جاب هدية هذي من حقك انك تثوري فيها وتسوي فيها قضية بس الموضوع كله قدامك اوكي ...........
فالله يخليكي

لا يتفح عيونه على شي ماتحمدي عقباه ............

جدا ريلكس خليكي ريلكس ريلكس

بسيطة في التعامل عامليه بقلبك لا تعامليه بعقلك لان الرجال لمن تعامليه بعقلك حتلاقي تصادم كبير

ودمتي متالقة

عندك حق بس يعني انا اشوف انه كفايه بس يكلم خالته

مالداعي انه يكلم بنتها؟؟

__________________

حياكي الله أختي زوجه أحمد ...

هونيها تهون ولاشيئ .. الغيرة مطلوبه والزوجة اللي ماتغار على زوجها لديها نقص .. لكن يجب أن تكون الغيرة طبيعية ..

صدقيني أنا مع زوجتي أستعمل نفس طريقة زوجك لكن لسبب..!! ( يمكن شيئ يفرحنا إنه نشوف الغيرة كيف تسوي عند النساء .. وأيضا شيئ داخلي إنه الرجل يفرح لما يلاقي حب من زوجته يعني غيره لأجل الحب .. ( بس طبعاً مداعبه ولازم الزوجه تفهمها ) ..

الله يوفقك.

__________________
كيف اقاوم الهم والألم. بالسجود راحة واطمئنان.

نهاية نوال..!