حبيبتي واضح انه صريح جدا معاك وبيحكيلك كل شيئ بس انتي شكلك بتغيري جدا ولكن قبل ما تتصرفي فكري كتير وهذا الموقف ممكن لواحده انها تتقبله ولكن واحده تانيه ممكن ماتتقبلوش لكن انتي ليه لما قالك كده مقلتيلوش بهدوء كان كفايه انك تكلم خالتك وتباركلها ولا داعي لبنت خالتك وفهميه انك اتضايقتي من كده بكل صراحه وهو لما يحس انك متضايقه اكيد مش هيرضا انه يزعلك لانه زوجك وبيحبك ولكن الغيره لازم تكون معتدله .

اقولك على شيئ هتضحكي منه انا كمان زوجي كانت بنت خالته عايزه تتزوجه وهو قالي كده بنفسه واكيد بغير عليه لما بيكلمها في اي مناسبه لما تجتمع العيله وخصوصا ان هي بتتكلم معاه كتير وبطريقه ما بتعجبنيش ولكن حبه ليا بيخليني اثق اني ماليه عينه وقلبه وبحاول اتحكم في غيرتي لكن بكون سعيده لان الغيره دي بتحسسني بقيمته عندي واني بحبه والله يوفقك يا رب ويكون في عوننا كلنا.