حلاقة الوجهة لذوي عمر 17 سنة و استفسار عن منتجات Clinique
السلام عليكم و رحمة الله
اخواني ما ابي اطول عليكم ^^ انا الحين عمري 17 سنة و بشرتي ذهنية و بنفس الوقت حساسة
و مشكلتي شعر وجهي اللي صراحة ما ادري شسوي له ؟ لاني اخاف لو عملت شي ما يناسب
عمري و بشرتي يخلي وراه مشاكل و اضرار ، انا شدني الصراحة شفرة الحلاقة من جيليت اللي
يشهرونها بالاعلانات اعتقد مالت 3 شفرات ما دري اذا تناسبني ؟؟
ع العموم سؤالي بالظبط هل اي شفرة حلاقة تناسبني و تناسب عمري ؟ و لا في اللي يناسب فوق
20 سنة و تحت 20 مثل شباب 16 و 17 اللي مو متعودين وايد يحلقون ذقنهم ؟ ثاني سؤال هل اي
كريم حلاقة يناسبني بعد ؟ و هل يكون كريمات قبل و بعد الحلاقة ؟ و شو افضل ماركة او افضل نصائح
تنصحوني بيها و بالشباب اللي بنفس عمري اللي ممكن بشرتهم تتأذى عند الحلاقة 
و ابي استشيركم بعد اخواني بخصوص منتجات كلينيك Clinique للعناية بالبشرة و الوجه عموما ،
أنا سمعت انها من أفضل الماركات ، ابي اعرف اذا تقدر تناسبني بعد ؟ ادري انو في ناس تناسبها و ناس لا
بس انا ما اتكلم عن نوع البشرة اتكلم عن العمر عامة ، لأني سمعت انو عشان الواحد ما يتعب بالمستقبل
لازم يعتني بحاله و بشرته من صغره و من 16 سنة ، يعني الشباب بعد لازم يهتمون بحالهم
و اشوف انو عيب اللي يقول الرجال خشونة و جي و لا يصير يحط كريمات و يعتني بحاله ؟ يعني
عنجد اشوفه هالكلام تخلف مع احترام راي اليميع ^^
و السموحة على الاطالة و مشكورين سلفا و ربي يجازيكم الجنة سواء اللي رد و اللي ما رد
التعديل الأخير تم بواسطة وحيــــــــد ; 21-07-2009 الساعة 06:54 PM
21-07-2009, 06:51 PM
ضوابط المشاركة
العرض الشجري