كيف أتخلص من قهر هالخطبتين ؟
السلام عليكم ورحمة الله وبركاته
ياجماعة الخير انا عندي موضوع بيفجرني من القهر فجاء ببالي اسدحه هوون يمكن تفيدوني
ياطويلين العمر انا شاب عمري 20 ـ 21 سنه والحمدلله باقيلي ايام بسيطه واخلص الكليه
مع العلم انه تخصصي حاسب آلي ـ برمجيات
مالكم بطوالها بقولكم موضوعي :
كان فيه بنت براسي وناوي اخطبها هالبنت تصيرلي بنت خالي وقبل اخطبها كان دايما خالي لاشافني قال هلا بزوج بنتي
المهم راحت الوالده وطلبت يدها لي وبعد اسبوعين جاء الرد بعدم الموافقه بحجة انه البنت تبي تكمل دراستها وماتفكر بالزواج
مع انه امها وخالي تمسكو بهالخطوبه لابعد درجه وقالولي اصبر بنقنعها مانبي نخسرك وقلتلهم خلاص النفس ماعاد تبيها بعد مارفضتني .
المهم بعد فتره تقريبا 3 اسابيع قالتلي الوالده فلانه حلوه وفيها وفيها واخلاق وادب قلتلها خلاص اخطبيها لي
ونفس الشي بعد ايام ردو بعدم الموافقه وانه البنت بتكمل دراسه . مع انه امها واخوانها قالولي لاتتسرع نبي نقنعها ولانبي نخسرك تقريبا نفس سالفة الاوله
ابي اعرف ياجماعة الخير وش صار ببنات هاليومين كلهم يبون يكملون دراسه ...؟
وانا خلاص بديت اشيل فكرة الزواج من راسي كرهت سالفة خطوبه مع انه الوالده مصره علي وتبي فلانه وفلانه ونا رافض
ابي نصايحكم ياجماعه اش اسوي كيف اتخلص من قهر هالخطبتين ...؟
وآسف على الاطاله وشكرا
تحياتي
التعديل الأخير تم بواسطة وردة بين الثلوج ; 29-12-2009 الساعة 08:57 PM
السبب: العنوان ليناسب المضمون
26-12-2009, 07:38 PM
ضوابط المشاركة
العرض الشجري