اختى لست فقط من الناس الذين يعانون من أقرب الناس اليهم لكن ليس الحل ان تكرهي اختك لا تنسي انها في سن المراهقة وهذا سن صعب عليها .وكذلك سامحها لوجه الله ووالديك فبرضاهم تفتح لكي الابواب و المسامح كريم .ان اختك لا تعي ما تفعله معك ولا مع نفسها وسياتي يوم تندم على ما تفعله .سامحيها و تكلمي معها في حدود يعني غيري معاملتك ولكن لا تقاطعيها فيكون لك اثم انت في غنا عنه. ولا تخرجيها من الغرفة على الاقل تكونين علي دراية بما تفعل احسن من انك تخرجيها فتلقى راحتها في فعل المنكرات .استغفري الله ولا تحملي اي شئ في قلبك .و إن شاء الله يصلح بين قلوبكم.

الله يعينك ياارب والله يهديها لازم احد يوقفها عند حدها ماعندك اخوان كبار يبغالها من جد تاديب

__________________
ياررب ارح قلبي وعوضني خير

ماتتصورو قد ايش بكتني وجرحتني حسستني اني ولا شي

لا احترام ولا تقدير

كيف تمد يدها عليا بهذي الوقاحه

كيف اسامح !!

__________________

أخصائية التجميل : HANDEA

سبحانك اللهم وبحمدك ..

اولا الله يهديها

ثانيا حبيبتي هدي من نفسك و صلي ركعتين وادعي الله سبحانه و اطلبي لها الهداية

برد عليك من واقع تجربتي مع اخواتي .. يمكن من خلال تجربتي تلقي طريقة مناسبة للتعاملي معاها


احنا 3 خوات انا اكبر اخواني البنات و الشباب

و البنات وحدة اصغر من ب 6 سنوات و الثانية ب 8 سنوات (17 و الثانية 19 .. يعني 2 مراهقات بالبيت مو وحدة

و الاخص اننا في غربة في بلد اوروبي يعني الفساد عيني عينك ولو وحدة اتمردت على اهلها

بس تروح البوليس تقولهم مابي اعيش معاهم يقوموا ياخذوها و يكتبوا على الاهل تعهد ما يقربوا

منها. يعني شوفي لافين يحميهم القانون او بلاصح يفسدهم

المهم اتبعت معاهم الصراحة و الصداقة ..

اولا كنت لهم الاخت البشوشة صاحبة النكت و التعليقات و الضحك ..

نسهر نضحك و نسولف و اقول لهم على اشياء على اساس انها اسراري

عشان يثقون فيني و يعرفون اني اثق فيهم ..

اقول لهم قصص حصلت من خيالي .. بنات و ايش صار لهم من حكايا الشباب ..

احببهم في ابوي و امي اكثر من اللازم ... و زرع فيهم انه لازم ماحد منا تنزل رؤسهم او تضر

بسمعتهم

و غير عن دا كله .. زرع مخافة رب العباد ... بدون ترهيب من النار .. لا ابدا

و انما من خلال ذكر توفيق الله و البركة في الحياة و اشياء زي كدا .. يعني اتقوا الله عشان

يرزقكم و يبارك لكم مو عشان بتدخلو النار .. لانه المراهقين في هذا السن عادة ما تهمهم الجنة و النار بقدر ما تهمهم امور الدنيا ..
التوفيق بالدراسة و الزواج و النجاح و و و

و كلامي دا كله من خلال ضحك و سوالف مو نصايح مباشرة لانه برضو في هذا السن يكرهوا النصايح المباشرة ..

ومع الوقت .. صاروا حتى هم صريحين معي لابعد الحدود و اذا صارت في مشكللة معاهم من اي نووع يجوو يقولوا لي ..
او حتى مع صديقاتهم ... يجوو يستشيروني و يستشيروا امي .. لانها دخلت معانا بالخط برضو

واخر شي اختي جت تقول لي زميلي بالشغل يحاول ياخذ رقمي و يتقرب مني ايش اسوي
و نصحناها و خليناها تتصرف وحدها .. و عرفت كيف تصده ..

الحمدلله الحين متزوجة وبعيد و برضو متواصلين

فا حبيبتي . انا مادري كيف كان اسلوبك بالتقرب من اختك .. يمكن كنتي حنونة و تدافعي عنها و و .. لكن مابنيتي وياها جسر صداقة ..

يمكن كلامك كله لها مواعظ و حكم و نصايح و هذا اكره ماعليهم

قد يكون كلامك موجه كله بشكل هذا حلال و هذا حرام .. و هذا الاسلوب ما ينفع بهذا العمر


الحين برايي.. تنسي اللي فات .. عشان والديك ..

رجعي اختك الغرفة ..و ابداي بالتودد اليها .. بقولك كيف ..

ابدأي جر التواصل بسوالف خارجية .. يعني و انتو قاعدين بالليل .. قولي لها مادريتي يافلانة

استوى كدا و كدا (اي شي يكون صاير بالعيلة مثلا )) لو ماعبرتك طنشيها قولي لها بس حبيت اقولك .. اساليها بلبسك . استشيريها .. اطلبي منها مثلا تسوي لك ميك اب

اطلعوا سوى للسوق على اساس تبي ذوقها ..

روحوا الاماكن الترفيهية سوى .. قولي لها بعض الاسرار اللي ما تكون خطيرة ...

اخترعي لها قصص عن شباب اليوم ... مثلا قولي لها اليوم قريت قصة بالنت عن كدا و كدا

باختصار .. اعتبريها صديقة مو اخت صغيرة و طايشة.. اشركيها بكل امورك .. و اصبري ولا تتوقعيها تصدقك و تصارحك بيوم .. و انما مع الوقت راح تعتبرك صديقة و تبتدي تحكي لك كل شي ..

ومع الوقت ممكن تبتدي تاخذيها معاك ندوات دينية .. مرة عن رضا الوالدين و مرة عن الصلاة و كدا .. بس مش ورا بعض

شغل الابيت اعملوا جدول بينكم ..


و الاهم من دا كله .. شوفي صاحباتها و اكسبيهم .. اعزميهم يوم للبيت .. او اطلعي معاهم برى... خواتي كانو ممنوع يطلعوا مع صديقاتهم فا كنت اخذ لهم الاذن من بابا و اخذهم كلهم لاي مشوار .. و اذا جو البيت نقعد سوى على سوالف و نكت و ضحك و كم لعبة ..

فاصاروا الحين هم يسألوا عني .. و اذا حد معاها مشكلة جت تسالني

فا اكسبيهم بهذه الطريقة .. و الي تشوفها صديقة مو كويسة .. لا تقولي لاختك لا هذيك مو كويسة اقطعي علاقتك بها .. لانها ما راح تسمع كلامك و تعند
و انما كرهيها بالبنت بدون ما تشعر ..

علقي تصرفاتها من باب التعليق فقط.. و استنكري اي شي غلط ..
قولي لاختك ليش فلانه تسوي كدا . هذا بيضر سمعتها .. بعدين ما راح تنخطب (( طبعا هذا همهم بذا العمر ))ليش تسوي كدا .. بياخذوا عنها فكرة غلط و على الللي معاها و اسكتي

يعني خلي اختك لحالها تفكر و تقطع العلاقة ..

ان شاء الله اكون افدتك و لو بالقليل .. و سامحيني افكاري مو مرتبة . قاعدة اكتب لك و اضارب ابني

انا ترتيبي الثاني وهي قبل الا خير واخوانها اللي بعدي

اللي خلاهم يطنشوها وهي تكلم اولاد برضو طنشوها يعني لا تحركي ساكن

ياقلبي عليكي انتي وهويدا حاولتو تساعدوني شكلها مسدوده حسبي الله عليها

الحل لا تحتكوا ببعض

خلي لها قسم و إنت مالك دخل فيه و نفس الشئ معاك

تبين شوري هذي مايصلح معها الا الحلرب النفسيه خليها في الغرفه بس حسسيها انه ماهي موجوده لاتكلمينها ابدا واذا سالتك لاتردين عليها هي مصيرها تطفش الين تعرف كيف تحترمك وتعرف ان زعلك صعب وبعد كذا بتصير تضرب الف حساب لزعلك بس مو يوم يومين تطنشيها خليها فتره طويله بس تكون نفسك من جوا مش كره اصلاح

__________________