زوجي محيرني ومجنني ؟؟؟ فبما تنصحوني - منتدى عالم الأسرة والمجتمع

20-06-2010, 09:19 PM

روعـــــــة

شمعة المنتدى التى لاتنطفئ

تاريخ التسجيل: Sep 2004

المشاركات: 4,376

زوجي محيرني ومجنني ؟؟؟ فبما تنصحوني

السلام عليكم ورحمة الله وبركاته

إخواني أخواتي أحبابي في الله

سبق وإني نزلت موضوع بإسم كيف أنقنع زوجي بالسفر

ياإخواني زوجي يكره السفر بالطياره على قوله مكلف خاصة لوكانت سفره لمسافه بعيده مثل ماليزيا

أو أي مكام بشرق أسيا ..يعني مايبغى يدفع تذاكر لأننا بالعربي ماشاء الله عيله كبيره

وقلت له نروح مره لشرق أسيا وبعدين مانروح ..وماشاء الله هو مقتدر بس الله يسامحو

وبعدين أنا أعشق السفر وأموت فيه ..هو لاعااادي السفر عندو

المهم أقترح علي السنه إننا نسافر بالسياره لتركيا ...قلت يالله تاني تركيا وبالسياره

قلت له طيب نسافر بالطياره وهناك نأخذ تكاسي ..الله يهديه جلس يراوغ معايا ..تخيلوا نروح الأردن

وبعدين نعدي سوريا وربي تعب ومووت

وبعدين أنا قلت له لو عندك نية سفر نرتب لها من بداية السنه ..مو نجي قرب الإجازه ونقول هاتك يالسفر

أحب إننا نكون مرتبين ..زوجي يقولي كل شئ راح يجي من الله

قلت له إنو عندنا أولاد ولازم يكون كل بالترتيب

وبعدين أنا أكره السفر بالسياره وربي متعب وهلاك ..وبعدين سافرنا لتركيا ..يخلينا بجنوب تركيا أو شرقها

شمالها ناحية إسطانبول مايودينا

أنا دحين قلت له أستخيرالله وهو اللي راح يكتب لنا الخير ...

وساعه يقول نسافر بالسياره

ومره يقول بالباص رغم إنو هلاك ..وساعه يقول نطلع بالسياره ونوقف السياره بتركيا بالتحديد في منطقه

إسمها أضنه تبعد عن إسطانبول حوالي 600 كيلو وبعدين نطلع طياره أو باص

ومره يقولي إيش رأيك نروح اليمن ....قلت لالالالالا خلاص روحنا لها العام الماضي وبعدين أنا خايفه من اللي صار

وأحياناً يقولي الإمارات ونروح دبي بعدين يقول حر مووت ..وشويه يقولي نروح صلاله ..وعمان

المهم جنني من كتر ماهو متردد فين نسافر وأنا أقوله الترتيب يكون من بدري يقولي إنتي مالك خص

إنتي جهزي الشنط وبس ومكان مانروح ..نروح ويمكن بالأخير نروح جنوب المملكه ونريح بالنا

بالله دولوني إيش أعمل والله ماأستغني عن مشورتكم ربي يخليكم ويجعل الجنه هي داركم ومقركم

إدعوا لي إنو الله يصبرني على أفكار زوجي وتردده وجننانه معايا عنييد وإللي براسو لازم يمشي

__________________

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 06:53 PM.

روابط سريعه