زوجي يخونني
السلام عليكم ورحمه الله وبركاته
لقد طرحت قبل فتره مشكلتي وهي اكتشافي لخيانه زوجي لي قبل ان اكمل السنه من زواجي
وللأسف لم استطع ان اتواصل معكم في الفتره السابقه بسبب انقطاع النت لدي وحينما عدت لموضوعي وجدته مغلق
تفاصيل مشكلتي هنا
http://www.66n.com/forums/showthread.php?t=220713
لذلك اضفت موضوع جديد وددت ان اكمل لكم بقيه احداث مشكلتي لكي اجد التوجه السديد والحكيم من قبلكم
فقد لمست الحكمه والاتزان ومخافه الله عند كثير من الاعضاء الافاضل هنا وكلي طمع بمشورتكم
عندما طرحت مشكلتي للمره الاولى بعض الاعضاء نصحوني بمواجهت زوجي بخيانته وفعلا اخترت الوقت المناسب واستجمعت كل قواي
ورتبت افكاري وجهزت ادلتي وواجهته بالموضوع بكل ادب وهدوء وحزم طبعا هو انكر في البدايه وحاول انه يبرر وقالي انتي فهمتي غلط
بس لما قلتله الكلام والمسجات اللي تدور بينهم واني عارفه كل شي من البدايه بس ساكته بنيه ان الله يهديك
وانك تصحى من غفلتك لاني ابغ احافظ على بيتي بس لما شفتك تماديت ماقدرت اسكت قررت اواجهك واصحيك من غفلتك
وحصل اللي ماكنت متوقعته اتوقعته يعتذر ويحاول يراضيني او يتركلي سبب يخليني اقدر اسامحه واحاول انسى او اتناسى
بس للاسف عصب ورفع صوته علي وقالي انت لازم تثقين في كلامي دام قلتلك مافي شي يعني مافي شي كلام زايد ماابي اسمع
حاولت اهديه وقلتله لازم يكون في حوار ماينفع تتهرب بالطريقه هذي انا ماني مغفله ولاغبيه عشان تستغبيني او تحاول انك تسكتني بأسلوب القوه والفرض
انا زوجتك ومن حقي انك تحترمني واني احس بالثقه والامان معاك قال انا الرجال واسوي اللي يعجبني عجبك ولا روحي لهلك وطلع وتركني وهو رافض اي نقاش بيني وبينه
وانا من وقتها في صدمه وحاسه بإهانه كبييييييييره ذبلت من كثر البكا وتفكيري مشتت حاولت اكلم ابوه بس للاسف مسافر وماراح يرجع قبل اسبوع
قولولي وش اسوي شورو علي اروح لبيت اهلي واحفظ كرامتي وادخل اهلي بالموضوع افيدوني وش اسوي انا حامل وماابي اندم على قراري
جزاكم الله عني خير الجزاء
التعديل الأخير تم بواسطة هديــــــــلو ; 09-03-2011 الساعة 04:13 PM
09-03-2011, 03:47 PM
ضوابط المشاركة
العرض الشجري