قبل اسبوع تقريبا تهاوشنا على اني قصيت شعري وقالي مايجوز تقصينه بدون ماتاخذين شور زوجك

وقبل شوي يقولي تويتر لاتدخلينه بدون رضى الزوج

يمنع بأمور كثيرة وانا متعودة اخذ راحتي

كلامه صدق ان مايجوز اسوي اي شي بدون استئذانه ؟!

__________________
اليد التي تنهضك عند تعثرك، أصدق من ألف يد تصافحك عند الوصول ~

الشعر كان يفضل انج تستأذنينه لأنه ممكن انه يحب الشعر الطويل... و توصلون لنقطه وسط...

لما حبيبتي... لا تاخذون بعض عناد في عناد... انتو عرسان جدد... خذوا فتره لين تتعودون على بعض... و خلوا الحوار الهادئ بينكم دائما...

هو يبي يحس انج مسويه له قدر بهالأسلوب... عيشيه الجو يا حبيبتي... خلي الموده ترجع بينكم.. انا ما اطلب منج تتنازلين.. و لكن بالتفاهم كل شي يصير.. مب انتي تعاندين و هو يعاند و تنطلق الشراره مره ثانيه...

طيب هو حرام ؟ مايجوز ؟

__________________
اليد التي تنهضك عند تعثرك، أصدق من ألف يد تصافحك عند الوصول ~

الحوار بيننا هادي يالعكس بس هو ذاك اليوم جاي معصب وحط حرته فيني
ولا موب دايم اصواتنا ترتفع اساسا اخاف انا لايعطيني كف يطيرني

__________________
اليد التي تنهضك عند تعثرك، أصدق من ألف يد تصافحك عند الوصول ~

هذا تحتاجين تسألين في شيخ و اكثر من شيخ واحد بعد علشان تتأكدين من الإجابه... لأن كل شخص في المنتدى راح يجاوب حسب خلفيته هو..

و في حاله ان الجواب كان "مب لازم تستأذنين".. فلا تعاندين االريال و تقولين له هااااااااااااااا شووووف الفتوى تقول مب لازم.. خذيه بالمسايسه.. و الحوار الهادئ... اما اسلوب ترى انا مب ملزومه فما راح اسويه لك مب صح يا اختي...

لكل شي حد شكرا
اكيد مابعاند

انا ماقصيت شعري كذا متقصف وتعبان قلت اقصه احسن عشان يطول صحي

__________________
اليد التي تنهضك عند تعثرك، أصدق من ألف يد تصافحك عند الوصول ~

انا ما اكرهه وبس
اناا جيت اسأل سؤال بدون تجريح

اقدر اروح لناس ماعندهم علم واسألهم
بس اني غلطانة

__________________
اليد التي تنهضك عند تعثرك، أصدق من ألف يد تصافحك عند الوصول ~