السلام عليكم
سبحان الله انصح الاخ الرجل الصالح وانا محتاج من ينصحني
كنت اعمل باداره وعملنا اداري وصرنا نجتمع بمسئولي الادارات الثانيه مره او مرتين اسبوعيا
كان رئيسنا صعب وعملنا متعب
فصرنا نطلع نجتمع بعد الدوام نقضي وقت ونشوف صرفه بهالمدير ونسولف بامور الشغل
شوي شوي توطت علاقتنا وصرنا مثل اخوان واكثر
وكان عددنا ثمانيه

بعد كذا سنه تفرقنا
الي تزوج ونقل والي راح يكمل دراسه والي ترقى لاداره ثانيه
وكذا واحد بقوا بمناصبهم
لكن ظلينا بالوتس اب ووسائل الاتصال وصلر لنا دوريه شهريه
وصار قيه صندوق للقروب وكانت العلاقات رائعه
المهم ان كان فيه شخص بادارتنا ملقوف ماكان ضمن القروب
وكان ميت يبغى ينضم للقروب
وراح للادمن حق القروب عندنا اكبر واحد وطلبه يضمه للقروب
والمشكله دخل ولد عمه معه
استحى منه صديقنا وضافه
وانا هالشخص ماابلعه وكنت احس منه بغيره وكره لاني ترقيت قبله وهو اقدم مني
صار هو وولد عمه يقطون كلام علي على اساس مزح
وتطور المساله كل كلمه اقولها يرد عليها بشكل غبي
ويحاول ينافق ويرفع بالباقين لاجل يكسبهم
كنت اطوف الا ان صار موقف قل ادبه بشكل كبير وغلط علي مو بالقروب بالواقع
كلمت الي معاي بالقروب قالوا صح هو غلطان بس يمكن عنده سبب وصارو يرقعون له
كلمته هو جبان طبعا مارد
قلت لهم انا قروب ماتوقفون ولا تقولون كلمه حق مالي لازمه فيه وانسحبت
وهم الحين زعلانين يقولون ليه تاخذنا بذنب فلان
يعز علي اترك ربعي
عشت معاهم ايام حلوه
لكن عدم وقفتهم معاي طيحتهم من عيني
والدنيا مواقف واذا ماخذو موقف ماله داعي صداقتهم
انا ماقطعتهم اسلم عليهم واسال عن مريضهم
لكن صحبه وطلعات وروحات مثل قبل لا
خسروني وخسرتهم للاسف
عشان واحد نذل مثل هالشخص

عندي لك حل..
سوو انت قروب بنفسك وضيف فيه الثمانيه ذولي وبكذا محد يقدر احد يدخل القروب الا اذا انت دخلته وخل ذاك اوت..

__________________
الحمدلله

اختي غيمه
محد يبي قروبات مكرره
وعيب اخذ الادمن من مدير القروب هو اكبرنا سنا

جرب تتجاهله ...او رامي عليه كلام غير مباشر علشان يتأدب
الموقف اللي انتي فيه مزعج لكن اعتبر درس وتعلم كيف تواجه الشخصيات اللي زي كدا
انت لو هربت من القروب بكرا لو قابلت مثل هذه الشخصيات في عملك وفي اهل زوجتك راح تواجه ولا تهرب من الكل وتنعزل
ابغى اوصلك لك مادام هو غلطان لا ترفع الراية وتستسلم خليك زي ما انت مع اصحابك

__________________
لآ تـتـعـلـق بـ أحــد كـثـيـرآ ..!!
فــ مـهـمـآ كـآنــت عـلآقـتـكــ بــه قـويـة
سـيــأتـي يــوم ,, و يـجـد بـديــلآ عـنــك ,,,, و يـقـل الـســؤال و الإهـتـمــآم بـكـ ..

موب لازم ترد للمجموعه انت كذا مو مرتاح خلاص كمل

انا طلعت من قروب خواتي حسيت انه مضيعه للوقت وكلام ما ينفع وممكن يضر وطلعت

اتواصل معاهم على الخاص افضل واحسن عن قبل

__________________
وهل من مصير اخر ؟

طيب اعزمهم يوم ع خرجه متى م اشتقتلهم سو عزيمه برى ودق ع اللي تبيهم بس ..

__________________
الحمدلله

انا ماهربت منه
انا زعلت من موقف اصحابي
وواجهتهم وخذلوني
ولا هو ماهمني

بصراحه مرتاح
لان القروب كبر وصارت توجيباته كثيره
وانا مشغول
بس حاس بغضب منهم

يمكن حل
فعلا مو لازم القروب كله

أهلا أخوي
أنا صارت لي نفس مشكلتك لكني أنسحبت من البداية
جوني أصحابي وقالوا مالك حق تسحب عشان فلان تطلع من القروب

رديت عليهم وقلت بكل بساطة الشر يعم و الخير يخص
أنا ماراح أرجع الا اذا طلع فلان من القروب