السلام عليكم ورحمة الله وبركاته

اولا أنا أحمدالله وأشكره على ماكتبه وأختاره لي

والله وحده العالم كيف تطلقت ولكن الحمدلله على كل حال

والحمدلله أن ربي رزقني أحلى هديه بحياتي
اللي هي ولدي الله يحفظه ويخليه لي عمره بحدود الـ 6 سنوات وأقل
ماشاءالله تبارك الله واسأل الله أن يعينني على تربيته

فعلا هو أغلى شي عندي بهالدنيا بعد أمي وأبوي الله يحفظهم

ولكن طفلي من يوم أنتقلت لبيت أهلي
وسويت له غرفه خاصه فيه ومو منقصه عليه ولا شي من فضل ربي
كل شي يبيه موفرته له
ومتى ماطلبني يبي ابوه أعطيه الجوال واخليه يكلمه
واذا قال ابي اشوف بابا اخليه يدق ويقوله تعال خذني ويروح مع ابوه

وحتى اسئلته أحيانا تعور القلب
ولكن أجاوبه أجوبه قد مااقدر اخليها مقنعه عشان يرتاح نفسيا

مثلا يقولي ليش بابا مايجي عندنا ...
أقوله عشان عنده شغل وبابا يقول انا بشتغل كثير عشان اسوي لولدي بيت كبير
وكل ماراح مع ابوه والا اهل ابوه ورجع
يقول انتي ليش ماتروحين معنا ...
أقول ياحبيبي عشان انا كانت عندي عزيمه وعشان وعشان كل مرا اطلع تصريفه

( وانا من داخلي أتمنى يسأل هالأسئله لأبوه عالأقل ممكن ينجرح ويحس كيف ضيعنا وضيع أستقرار ولده على شي تافهه )
بس الله يسامحه على كل شي
ولا أحلل أي أحد يدعي أو يتكلم كلام سيء ع الأب

عموما من نقلنا لبيت أهلي وتقريبا بنكمل 5شهور وأحنا عندهم

وهو متغير صاير عنيد ويصارخ ويحاول قد مايقدر يستفز أخواني
مع العلم أخواني كبار ويصارخون عليه ويرد عليهم بصراخ
يعني الله يهديه ويصلحه مايسكت لا يرد

وأحاول أمسكه وأقول ياحبيبي خلاص
عيب هذا خالك وكبير لازم نحترمه والله ويزيد

وأخواني الله يهديهم ويخليهم عجزت أفهمهم تراه طفل
وفاقد أبوه طنشوه ترا كل اللي قاعد يسويه ردة فعل لأن فاقد أبوه
او عالأقل فهموه بأسلوب مو بصراخ
يقولون لا انتي مدلعته لو انجلد كان تأدب

وانا طبعا رافضه نهائيا أسلوب الضرب والصراخ لأني مقتنعه تماما أنه اسلوب خاطئ

سجلته بنادي وتقريبا شبه يوميا أطلعه
مره ملاهي مره حديقه مره مطعم بعد النادي أبي اشغل وقته
واحاول قد مااقدر أبعده عنهم عشان مايضربونه ويصارخون عليه
وانا ماألومهم هو الله يهديه صاير مستفز بطريقه غريبه
ومع اني أكرهه الطلعات بس مجبوره وليته نفع بالعكس أحسه كل ماله ويزيد

صرت أوديه لعيال أخوي ومره لعيال خوالي حتى الأطفال مايبونه متخيلين
يقولون مانبي فلان يزعجنا

وانا ادري ومتأكده أنه كل اللي يسويه ردة فعل عشان نرجع لبيتنا
لأن كان متعلق بأبوه مرا
وطول الست سنوات مانام ولا مره بعيد عن أبوه
وماكانت كذا تصرفاته أبد والكل يقول ولدك مرا متغير

كان هاديء ومؤدب و يلعب مع عيال الجيران والى الان يسألني عنهم يقول أبيهم
ليش مايجوني ليش مانرجع بيتنا ليش وليش

أنا الحمدلله صابره ومهما كان ولدي ناويه إن شاءالله أربيه أفضل تربيه
بس يعورني قلبي لو شفت أخواني يصارخون عليه
ومره أخوي ضربه أنا صراحه ماقدرت أتحمل سكت وخذيت ولدي لغرفتي
وارسلت لأخوي رساله بأن مااسمح لك مرا ثانيه ترفع يدك عليه

وفعلا بعدها كل مانرفزهم يقولون ها شفتي وش يسوي
وأقوم أخذه فوق وأفهمه ياحبيبي عيب انت مؤدب أنت قوي أنت وأنت
ويقول اسف بصير مؤدب واذا نزلنا نرجع نفس الموال

صارت جلستي مع أهلي كلها صراخ ب صراخ أجلس ياولد أسكت ياولد
والان صار لنا 5 شهور على هالحال
أحس تعبت من جد

والله أحيانا اقول ليتني صابره على غثى طليقي عالأقل كنت عايشه بهدوء انا وولدي
وبدون أزعاج وصراخ وأرجع أستغفر ربي لأن شي مقدر ومكتوب
وهو إللي باعنا للأسف حتى ماكانت عنده نيه أنه يتغير

مع العلم أنا واثقه 100% انه أخواني يحبون ولدي ويعشقونه
بس أتمنى لو يطولون بالهم عليه ويضمونه ويفهمونه بأسلوب حلو أنه هالشي غلط
لا هو ينرفزهم وهم يتنرفزون وهو يزيد

بصراحه ماعاد عرفت كيف أتعامل مع ولدي وعجزت أفهم أخواني

قلت أنزل هالموضوع عشان أشوف المطلقات اللي بعيالهم
كيف تعايشتو مع وضعكم الجديد وكيف تأقلمو عيالكم؟؟

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

اختي الله يجبر بخاطرك ويعينك على هالحمل..

انا تطلقت ومعي 3 اولاد، طلعنا من البيت فجأة ولما وصلنا لمدينة اهلي أخذت بنتي عندها 7 سنوات وابني 4 سنين، فهمتهم ان نحن ماعاد نرجع عند بابا، هم بيضل ابوهم وانا بضل امهم، بس نحن الاثنين مانقدر نعيش سوى، لكن راح يشوفوه ويحكو معاه .. بكوا شويه بس سألوني اذا راح يشوفوه عن جد وعدتهم فيهم يزوروه ويتصلوا عليه..

وخلاص فهموا الموضوع اساس ابوهم كان يغسي بسبب الشغل فتعودوا على غيابه..

أهلي كانو عوض جميل عن ابوهم لانهم ما تعرضو للفراغ مره وحده لاقوا الجدة والجد والاخوال وانا مابقصر معاهم وسجلتهم بالروضات وحكيت مع المدرسات عن الوضع مشان ابني لانو حساس كتير.. والحمد لله الامور تمام بس انتي لازم تصارحي ابنك، راح يزعل شوية بس بيفهم الموضوع و بتقبل الوضع، اما هيك بيضل متأمل انكم راح ترجعوا ومو فهمان شو صاير.. فهميه بطريقة ستفهمها اهم شي انك انتي وابوه ماعاد تعيشو مع بعض وهالشي بيحصل مع الكبار وانكك بتحبوه كوني واضحة وحازمة في مسألة الفراق. شيلي التشويش والاسئلة من عقلو الصغير..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

حبيبتي الله يهون عليك ويعينك
عجبني اهتمامك بطفلك الله يخليه لك
اتصلي على استشاريه
او احد متخصص يفيدك
يمكن صح كلام مسك الليل لازم يفهم راسه من رجليه
يمكن تعب من هالمرحله المؤقته

صح كلامك ولكن المشكله أني انا نفسي مااقدر اتكلم بهالموضوع
للأسف كل ماذكرته او تذكرت اي شي كان يربطنا فبعض أجلس أبكي
وأحس الى الان ماعندي الجرأه والقوة اصارح ولدي بهالشي
لأن للأسف الى الان وبعد كل اللي جاني منه أعزه وأغليه
وشكرا على ردّك
والله يحفظ لك اولادك ويعوضك يارب

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

اللهم امين
والله يسعدك على كلامك واتوقع اي ام محبه لأطفالها
بتهتم بأطفالها مثلي ويمكن أكثر
وفعلا كلمت أستشاريه أطفال وسألتها
ولكن صراحه كلامها ماأقنعني في شوي قسوه
فقلت أسال مجرب

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

ابحثي بالنت عن مقاطع ومقالات لاستشاريين اسريين واستشاريين بالتربيه عن كيفية التعامل مع اطفال المطلقين

__________________

ماينفع تطلعي له كل يوم عذر


ولدك مو مره صغير عشان تمشي عليه أعذارك


حطي أصبعين السبابه بجنب بعض وقولي أنا وبابا خلاص ماعاد يشوفني وماعاد أشوفه وفكي أصابعك عن بعض وقولي كذا أنا هنا وهو هناك
خطأ إنه يشوفني وأنا أشوفه

اذا قال وأول كنتي تشوفينه قولي ايوه صح لكن الآن خلاص ماعاد نشوف بعض

انت بس الي تشوف بابا

حركة الاصبع تخليه يستوعب فراقكم



حركاته ؛ شغلي آيات السكينه قبل النوم وعوذيه وادعي له

لازم تقربي ابنك من أحد اخوانك، يكون هو بمثابة عوض لدور ابوه، محل ثقته ورفيقه وملجؤه،

بعد انفصالنا كل مكان اذهب اليه يخص الأسرة والاطفال يسألونني نفس السؤال؛ هل يوجد رجل بالبيت يلجأ اليه اطفالك؟

يعني رجل جديد في حياتي، خالهم، جدهم،،

انسان يستطيع ان يمثل دور الرجل في حياتهم من أجل تحقيق بعض من التوازن..

ياخذ ابنك عالرياضة، يجيبو من المدرسه ،، يجلس وياه يحكون، يعلمه عن الحياة، يدرسه، يطلعوا مع بعض شوية،، ابنك محتاج هالشي مش من كل اخوانك.. لكن لازم واحد منهم يتخذ هذا الدور..

اذا تحقق هالشي ابنك ان شاء الله راح يهدا ويتحسن... واتفقي مع اخوانك ما يضربوه لكن اذا عمل اي شي انتي لازم تحاسبيه عشان يتعلم الحدود.. ما تمشيها،، واذا طلع من الغرفة وعاد لنفس المشاكسة ارجعي حطيه بالغرفة واطلبي منه يفكر ايش المطلوب، واذا نزل ورجع لنفس الاسلوب اعيدي نفس الشي.. ومره بعد مره صدقيني راح يتغير،،

لا تستسلمي بحجة انكم منفصلين ويحتاج دلال و مداراة.. اهتمي بالتربية وترسيخ الحدود

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

ربي يحفظ لج أولادج يا مسك .. كلام جميل وفي محله.

وأحسب أن الفقرة الأخيرة من كلامكِ تشبه ما قالته استشارية الأطفال .. وحسبته أم الغالي قسوة.

__________________


اللهم طِيبَ الأثر .. وحُسْنَ الرحيل.

تدللينه كثيرا وسيعتاد على هذا النمط وسيزداد سوء
مبدأ الثواب والعقاب أفضل حل كن مطيع اليوم اخذك واعطيك واجيب لك
شاغبت محروم من هالامور واقعد بغرفتك

أما الهرب والخروج للتنزه والأقارب علشانه مزعج انتي تعطينه ايحاءات إذا شاغبت ورفعت صوتك بنطلع