رجاءا شباب ما ابي ردود منكم مهو قصورن فيكم ولاكن اكيد زيي ماتحسون باللي تحسه المرأه


انا حطيت بعض الاسئله اللي في خاطري لان ودي اكون زين مع زوجتي بدون لا اسألها هي ابي

انا بسال اسئله لكن مهو شرط انها صار معك نفس الشي بس شاللي تتمنينه من زوجك جاوبيه واذا فيه اضافات حطيهن بعد الاجابه على الاسئله الاجابه لو سمحتن كل اجابه برقم السؤال لتعم الفائده

الرجاء الاجابه على الاسئله بموضوعية

1- شنو التدليل بالنسبه لك ؟

2- اذا زوجك حط مبلغ مالي لو بسيط في شنطتك من فتره لفتره ماهو شعورك ؟

3- اذا سافر زوجك هل يضايقك لو كان السفر عشان تجارته مثلا او عمل ؟

4- اذا تناقش معك زوجك بعصبية ماهو شعورك ؟

5- ماذا تتمنين ان يحظر زوجك فجأه لك مثلا هدية ؟

6- هل تغارين من اصحاب زوجك ؟

7- هل تحبين ان تعرفين كل شي عن زوجك ؟


- لو كان لزوجك عنده حساب بنكي خاص ولم يخبرك عنه طبعا انا عامله عشان يكون رصيد للايام الصعبه ولا ابيها تعرف عشان تقنع باللي عندنا من غير لا تعرف ان عندي رصيد اخر
8- هل يضايقك اختي لو عرفتي سرا بالخبر ؟

9-هل تتغير تظرتك للامر لو عرفتي انه لهدف نبيل؟

10- لو عرفتي ان زوجك يهدي في ايام رمضان او عيد للناس المحتاجه اشياء غاليه في ثمنها مثل اجهزه كهربائيه ثلاجة فريز يعني بتقولين لو تعطيهم خيشه رز افضل او تقولين جزاك الله خير؟


11- لو عرفتي ان زوجك يريد ان يثبت حبه لك ماذا تريدين ان يفعل ؟

12- هل تخافين من مغامرات زوجك التجارية وماهي الضمانات اللي يقدمها لك عشان ترتاحي بأنها خطوه جيده ؟

13- الكلامات المحببه لك من زوجك لو لم يكون يقولها ماهي اللتي تتمنين سماعها ؟

14- لو كنتي تشكين في زوجك مالذي يطمنك من هذي الناحية عشان ترتاحين او تبعدين الشكوك عنك ؟

15- ماذا تكرهين او مالذي يجرحك من زوجك اوتخافين ان يفعله او يقوله ؟

16- لو كان فيه خلاف بينك وبين زوجك وش اللي يرضيك ؟ هديه كلمه او اعتذار <<<<اذا كان غلطان


هذا اللي طاري في بالي والله يوفق الجميع

الرجاء من الاخوات الاجابه