أرشدوني في هذا العريس
السلام عليكم
بطرح عليكم موضوع محيرني ..
خاطبني واحد , على حسب ما سمعت من الي كلمتنا عنه انه محافظ على صلاته و مثقف و الخ
بس انه من غير جنسيتي , و هذه الفقرة يبغالها تفكير ..
بعد ما اخذت الحرمة الي شافتني و كلمت امي عنه رقمنا ( و الي هي زميلة لهذا الرجال في العمل ), سافرنا انا و امي و ابداً ما فكرت بالموضوع
و أول ما رجعنا , اتصلت الحرمة و سألت امي اذا كنا فكرنا او لا و اذا ممكن يجي او لا
فأمي قالت لها لسا ما سألت البنت و أبوها ..
* أمي ماعندها مانع اني ارتبط بواحد من غير جنسيتي
* أبي بعد ما أمي كلمته قال لها مو مشكلة, بس أنا احساسي انه وافق بس عشان ما يزعلنا
* أنا جداً مترددة
نجي للرجال , أول شي أهله عايشين في بلدهم , و طبعا ما حيقدروا يجوا الحين , الحرمة قالت لأمي مبدئياً يجي يتعرف على أبوها , فأمي قالت لها أوكي مو مشكلة و اتفقوا على انه يجي اليوم, و حيجي معاه زميله و زوجته ..
بالنسبة لي , انا مو مقتنعة اخذ شخص من غير جنسيتي و بنفس الوقت ما ابغى اظلمه بس عشان الجنسية, وما عطيت امي الموافقة على انه خليه يجي , فأمي قالت لي هو جاي يجلس جلسة تعارف بس
أدري يمكن هالكلام بدري عليه لأننا أصلا ما شفنا بعض و يمكن ما تحصل موافقة بس انا ما ابغاه يجي و بعدين أقول لأمي ما ابغى اخذ واحد مو من جنسيتي + أهله مو عايشين هنا + انه له في بلدنا سنة وحده بس يعني ممكن بأي لحظه يقول انا ما تأقلمت على الوضع هنا و برجع بلدي
** في بلدنا الي ما معاهم الجنسية يكون وضعهم مختلف كثير عن الي معاهم الجنسية , بس أنا ممكن أعطيه الجنسية بعد فترة
طبعاً انا صليت استخارة و ربي يكتب الي فيه الخير
قبل شوي جاني أخوي ( أصغر مني ) و قال لي من جدك راح تاخذي واحد من جنسية ثانية؟ , و أخبرني انه أبي شكله مو مقتنع كثير
أبي مشكلته ما يقول لنا في الوجه لا انا ما ابغى , يخلينا على راحتنا بس لو صار شي يقول اصلا انا ما كنت ابغى
المهم انه بعد ما جا اخي كلمني انا توترت كثير و خفت , و اخاف اليوم يبين علي شي لما اجلس مع الحريم
هل أعتبر الي صار خيرة ولاّ كيف؟
و هل عادي لو قلت لأمي انا ماني موافقه حتى قبل ما اشوفه؟
جزى الله كل من مر على موضوعي خيرا كثيرا
التعديل الأخير تم بواسطة Ms.dobba ; 22-12-2006 الساعة 01:13 PM
22-12-2006, 01:05 PM
ضوابط المشاركة
العرض الشجري