زوجي يكابر وتعبني معه .... مدري انا الغلط ولا هو ؟؟؟ ساعدوني
والله ثم والله اني اكتبلكم ودموعي مثل الشلال
انا والله ما امدح نفسي اهلي راعين نعمه ماشاء الله ومتعوده عالصر ف والماركات وكلللللللللللل شي
ومتعوده محد يقولي لا وبنفس الوقت كنت قنوعه من بد اخواني وذا موب كلامي كلام اهلي وابوي وامي وحتى زووووجي
يعني يكفيني اللي يعطيني واصرف نفسي باللي هو يعطيني
حتى اني مرة رايحه اتقضى لي ولبنتي من سيتي ماكس وسيتي بلازا خلاقييييييييين بس عشانه وماوضحت له !!!!
طبعا انا اهلي بالرياض .... وتزوجت وعمري 19 سنه .... وهو 28. وكانو يجيني خطاب لاباس بهم وظروفهم مره حلوة وساكنين الرياض بس سبحان الله ارفض وكان قلبي متعلق فيه هووووو
على انه مدرس وحالته حليوة وهو ساكن جدة يعني بعيد ومع هذا قلت ما ابي الا هو
هو اكبر واحد في اخوانه وابوه متوفي عسى الله يرحمه
وامه طيبه وبنت حلال وانا احبها اصلن كانها امي وبعض الاحيان اروح اشتكي لها من ولدها وهي تجي تعاتبه بطريقه حلوة يعني ترى والله لو زعلت سحاب لاخليها تنام عندي وهو يضحك !!!
الســـــــــــــالفه ومافيهــــــــــــــا.....
لي 4 سنوات ونص متزوجه....... انا اعترف ان فيني عناد شوي .. بس والله والله اني حنونه حتى هو يقوله
يعني بسرررررررعه اتحسف واراضيه ......... وهو يكابر يعني اذا غلط علي وتلفظ علي وخربها يكااااااااااااااااااابر
ونا تقعد بقلبي غصب اخاف يجي يوم واكرهه ... اقوله تعال نقعد نتصارح ونصفي النفوس يقول لا وهو كتوووووووووم يعني اتعب وينشف حلقي ونا احاول يصارحني ...
احس انه مايحبني الا عشان بنته بسسسسسسسس
طول السنوات اللي راحت ماجاب لي هديه ولا ذكرني بشي !!!1
لاتقولون الهديه ماتحكم 
الا تحكم انت لو تحب زوجتك او تحبين زوجك ......اول شي تفكرين فيه شلون تهدين له وتفاجأينه وتفرحينه صح!!!!
الموهيم قبل لا اولد قلت له بدلع وش بتجيب لي هديييييييييه ان ولدت ونا اتميلح ؟.
قال خليها مفاجأه احسسسسسسسن >>> ايييه مفاجأه موافقه
وتبسمت >> مصدقه
يوم ولدت ماجاب لي ولا شي ولا شي بعد ولادتي بشهرين كانت ذكرى زواجنا وراح وحجز فندق الهليتون عشان صديقه قبلها بيوم سوا الذكرى فيها وقاله لايفوووووتك .......وهو اعترف لي ان صدقه دله !!! وحجز لاول مرة بس ماجاب شي
انا جبت له طقم يهبببببل وهو ولا لا شي ولا لبنتي حتى
قلت يالله يمكن ياعمري عليه ظروف وسكت
يوم جا بعدها باسبوع جاه مبلغ 8000 ريال
وسافرنا فيه ثلاث ايام بس للشرقيه وانتظره يجيب لي شي ماجاب وهو طول الوقت يقول وش تبين وش نفسك فيه
ونا اقول اللي تشوفه مستحيه قال الا وش تتمنين احد يجيب لك قلت صراحه جوال لان جوال ان سبعين مكسسسر وسكت ...
ووداني لاهلي وهو ماجاب شي وبنتي عمرها 4 شهور ....عاد كنا نكلم بعض جوال ونا بالرياض وهو بجدةقلت له بدلع كذا ماتجيب لي عقب ولادتي شي والله زعلت >>> والله انهابدلع
زعععععععععععععععععععععععععععععععل وعصصصصصصصصصصصصصصصصصصصب
وقال انا ظروفي وظروفي انا قمت اتنافض قلت امزح امزح يوووماه
تخيلو .... هو ان زعل يسوي كذا
على طول راح اقرب محل جوالات وشرا احسن جهاز وارسله لي بالفيدكس
ودقو الفيدكس فجاه وقالو فيه اغراض لمدام سحاب وجيت وفتحت الكيس ونا مستغربه وانه كيس جوالات وفيه جوال كذا بدون تغليف ولا شي قسم بالله قعدت ابككككي لهالدرجه الاهانه
يرسلي اياه بالطريقه ذي ونا من ولدت والنفوس صافيه ماتذكرني ويقول ظروف اجل ليش شرالي بالطريقه ذي لييييش جرحني ليييييييييييييش
وكلمته ونا ابكككككككككككي وهو يسكتني ويراضيني قال وش تبيني اسوي انتي تعاتبيني
قلت لاعاد تسوي كذااااااااااااا انا منيب ميته على الهدايا ولا ناقصني شي اصلن يوم ولدت ابوي عطاني
سته الاف اقدر اشتري جوالات الدنيااااااااااااا وهو داري والله ان ابوي عطاني ست الاف وجيت حطيتها في يده
من كثر مايقول ظروفي ...
قلت خذها لك والله ما اقولك شي عنها ولا اذكرك فيها بس انا منيب محتاجتها وعيا هووووووووووو ... وبغيت اشتري فيها جوال وعيا علي قال لا تشترين جوال ........
وبعدين هو طبعه كذا اذا كان راضي علي مايسويلي شي حلو وان كان زعلان يجيب لي الارض تحت رجولي
ليش هو اهانه ولا وشوووو ......
الموهيم هذا العيد اول عيد فطر اعيد معه وبنفسي قلتله نفسي اعيد معك انا وبنتك وفعلا هو استانس مرررره .... يوم زعل مني وراح محل ذهب ونا معه وقعد يخيرني بتعليقات ونا ساكته اصلن كنت زعلانه يوم
راح يحاسب ... طلعت انا من المحل قلت جايب لي هديه ماودي احرجه اول مره في الحياااااااااااااه
ونا بنفس الوقت ظروفي كانت صعبه شوي مصروفي خلص وبقى حق الاكسسوارات والجزمة
قلت ياخزياه يجيب لي هديه ونا ما اجيب له خلاص... باجيله موب لازم اكسسوارت وجزمة
رحت ليلة العيد وجبتله هذاك الطقم عطور وكريم وغلفته في سله وكرت يفتح النفس وحطيت له عالتسريحه عقب مارجع من صلاة العيد ..........
وناظرها وقال رووووعه واستانس وانتظر يجيب لي هديتي ولا جاب !!!
سكتتت ماقلت شي قلت كييييييييييفه
اهم شي انا اسوي اللي اشوفه صح
ويوم جا قال تصدقين احرجتيني بهديتك والله !! انا رحت باشتريلك هديه بس ما صرفت البطاقه وعيت تسحب >>> وهو ترى صادق مايكذب
قال وغير كذا الظروف وما الظروف قلت والله انت ماقصرررت وووووووو
ونا كنت صادقه بكلامي
قلت عااااااااااااادي ياعمري والله عادي ونا صادقه !!
يوم رحت لخالتي ام زوجي وانها تمدح بزوجب تقول جاني الصبح وعايدني بــ 1000 ريال والله ان خنقتني العبره
ونزلت دموعي يوم وصلت البيت ليييييييييييييش انا مايسوي معي كذا اوكي امه ماقلنا شي
بس لييييش يقولي ظروووووووووووووووووف وجيت عاتبته قال : انتي شريتلك لبس العيد يكفي
وشهالذوق باللله
الجزء الثاني باكتبلكم المشكله اللي زعلتني اليوم واللخ اني قاعده ابككي وهو نايم
على فكره هو راتبه 10 الاف وبيت ملك مايدفع ايجار بس عليه قسسسط بنك ماخذ قرض ويقسط 1500
__________________
وتبقى ... الحيـ ـ ـاه .. بــلا لــون ...
حتـى يــ ـــ ــورق ... زهر الايمــــان ...
لا اله الا الله رضيت بالله ربا وبالاسلام دينا وبمحمد صلى الله عليه وسلم نبيا رسولا
التعديل الأخير تم بواسطة ملاك الغربة ; 08-10-2008 الساعة 03:17 AM
08-10-2008, 01:21 AM
ضوابط المشاركة
العرض الشجري