السلام عليكم
ماني عارفا كيف ابدأ بس تقريبا هادا اللي صار
اولا سوري ع العنوان بس بجد اتكسف ولد يقرا دا الكلام
وسوري لو حقول تفاصيل بس والله مالي غير الله ثم انتو
انا مملكه من 4 شهور على ولد صاحب بابا طبعا هوا محترم و اهلو كمان والله طول ما انا بكلمو ماشفت الا كل خير منو مرا طيوب و دمو خفيف و مثقف و كلو ميه ميه بس هوا قبل سنتين نقل عملو للرياض بس ينزل جده يزور اهلو ويزورني كدا كل 3 اسابيع المهم اخر مرا نزل جده كانت يوم الثلاثاء اللي فات وقال انو يبغا يشوفني اتفقت معاه ع اساس يجي الخميس لانو ستو في المستشفى و يوم الاربعاء كل اهلي حيزوروها و طبعا انا ما استقبلو و البيت مافيه احد طبعا اكيد نقعد لوحدنا بس لازم يكون في احد كبير في البيت المهم جا يوم الاربعا و انا في البيت لوحدي و كدا ع المغرب دق الجرس اقوم ابغا افتح ولا خطيبي انا اترددت افتح ولا لأ اخر شي قلت عيب حفتح و فعلا فتحت و دخلتو المجلس و المهم انو مسك يدي وقال والله ماراح اطول نص ساعه و رايح بس انا ماكنت مرتاحه قلت لو طيب بجيب لك شي تشربو قالي مالو داعي البيت بيتي هوا في زياراتو الاولى ماكان يعمل حاجه يعني يدوبك يمسك ايدي و يبوسها ادا كترت المهم في البدايه كان يكلمني عادي انو كيفك و كيف الجامعه و من دا الكلام شويا قرب مني مرا يعني تقريبا وجهو فوجهي و يسألني عن الاختبارات و عن ستو حاولت ارجع على ورا قام قرب و باسني انا اول شي انبلهت ما اتوقعتو يتجرأ و يعملها حاولت ابعدو و هوا كلمالو يزود
>>>>>>>
شويا دقت الشغاله الباب لما سمعت صراخي قام وخر عني و لما دخلت الشغاله انفجعت و خرجت هوا هنا حس انا قمت ابغا اطلع من الغرفه قام لحقني ومسك يدي و قعد يتأسف و يقولي و الله اسف ماكان قصدي و انا ابغا افك يدي من يدو و ابكي و لما شافني كيف اتنافض خرج وراح انا طلعت غرفتي و قفلت على نفسي جلست ابكي و الى الان مااحد عارف اشبي قفلت جوالي من بعد ما حاول يتصل كذا مره ماني عارفا ايش اعمل انا صح اتعلقت فيه بس ماني قادرا انسا شكلو و هوا فوقي حاسا نفسي كرهتو
تتوقعو لو ماكانت الشغاله دخلت كان كمل
ايش اعمل اسيبو و لا اقول لأهلي
بس مااقدر اقولهم استحي يقولو لي اكيد
انتي سمحتي لو
بليز المساعده الله يفك كربكم يارب



ارجو الابتعاد عن الوصف التفصيلي
تم تغيير العنوان//الاشراف