السلام عليكم ورحمة الله وبركاته

اخواتي العزيزات انا حامل الحمل الثاني ولله الحمد بس عندي مشكله تؤرقني وافكر دائما فيها وهي الجرح والخياطه لا تستغربون لاني في حملي الاول انفكت الغرز عاشر يوم مع اني كنت جدآ حريصه واعقم واهتم الا انها سبحان الله انفكت وسببت لي تعب نفسي ومعاناه والحمدلله الاربعين صارت ستين
المهم انا الحين خايفه ابغى تساعدوني بتجاربكم يمكن انا من زود العنايه خربتها قولو لي كيف اعتني فيها وكيف اعقمها ايش احط عليها ريحوني من الهم الله يوفقكم ويخلي لكم عيالكم

ادعو لي ان يتمم الله حملي ويسهل ولادتي ويرزقني الطفل السليم.....امين

__________________

انتي نفسي
بس الحمدلله انا ما فكت معايا لكن اتالمت منها الم رهيييييييييب
خصوصا بالليل توجعني كانت كثير

واستمر الالم فتره يمكن 21 يوم ما اعرف اتحرك ولا اجلس ولا ارضع زي العالم والناس
لدرجة كنت وانا نايمه لما ابغى اقلب من اليمين لليسار احتاج احد يساعدني من قوة الالم..


فعلا نحتاج نصايح تخفف علينا المها.

__________________

الله يعين يا اختي ويتمم لك على خير ويريحك

أنا في حملي الثاني وخايفة تتكرر مأساة الخياطة والجرح والقرف حق الحمل الأول

التهب عندي الجرح وصار فيه صديد والتئم على غير سنع

أنا عكسك الطبيبة ما عطتني ولا أي شيء للجرح ولا قالت لي أستخدم عليه شيء ما يحتاج

وبعد الولادة بأربع أيام أو خمس حسيت بتغير الرائحة وراجعت بعد اسبوع قالوا لي التهاب

وعطوني كريم أدهن عليه

رحت لغيرها وقالت لا عشان الغرز ما انفكت وفكتها بعد 3 أسابيع

ولا فاد وزاد الالتهاب وصار فيه صديد

واضطروا يفتحون في الجرح عشان يعصرونه وينظفونه وكان هذا في نهاية الأربعين

وحالتي حالة كان المكان لسه يعور لا أقدر أجلس ولا اتحرك

وصار ملتئم بطريقة غير صحيحة والخياطة تعبانة وفيها مشاكل

سويت عملية تصحيح بعد شهرين ونص

لأن الخياطة الأولى تبع الولادة حتى مأثرة على العلاقة الزوجية من كثر ما هي فاشلة

هذا الحمل سألت طبيبتي اللي أراجع عندها هي صح ماراح تولدني لكن بغيت أسمع طريقتها في الاعتناء بالجرح

قالت لي على حسب حالتك واللي تقرره الطبيبة اللي تولدك هل تحتاجين لمضادات ولا كريمات معينة

لكن بشكل عام ابتعدي عن المغاطس

وتتشطفين بالبيتادين خارجي وممكن دهن كريم ميبو مره الصبح ومره الليل

فالله يسهل ونولد بالسلامة وإن شاء الله ما نحتاج شق وغرز

مع انه وارد بشكل كبير في حالتي

كولورز

في مدرستين المدرسه البريطانيه والمدرسه الامريكيه

المدرسه البريطانيه ما تحبذ اعطاء اي كريمات او تشطيفات للغرز ويخلو الجرح يلتأم نفسه بنفسه

اماالمدرسه الامريكيه
فتعطي كريماات وادويه للمساعده على الالتئام


قصتك صراحه تخوف الله لا يعيدها عليك ولا على اي مسلمه
ربي يجعل امرك سهاله المره هذي واولدي عند دكتوره لها خبره وفاهمه وان شاء الله خير.

__________________

شكرا على المعلومة اللي توضح الفرق بين الطريقة المتبعة في بريطانيا والاخرى المتبعة في امريكا

لأن مثل ما ذكرت بعد الولادة ما عطتني الدكتورة شيء

والدكتورة اللي سوت لي الخياطة التصحيحية هلكتني أدوية لدرجة تحسس المهبل منها ،،

كل هذا عشان يلتئم ولا يلتهب

وبالنسبة للولادة هذه المرة المشكلة كثير مستشفيات على المناوبات انتِ وحظك مو شرط تطلع دكتورتك

وكلما أقول ودي بدكتورة زينة يقولون كلها تساهيل من الله وين ما رحتي اللي ربي كاتبه يصير

مع إني متخوفة والمنطقة اللي بولد فيها محد مدح دكتورة معينة

بس يمدحون المستشفى وقسم الولادة فيها ولكن حظي طلع بذيك الدكتورة وقت ولادتي السابقة

الله يسهلها من عنده

والله يجزاك خير على دعواتك

يارب ارزق كيكة فراولة بالطفل السليم الكامل المعافى وتمم حملها على خير ويسر امورها وارفع عنها واصلح لها شأنها كله يارب

عموما اختي الام لابد منه لانه دليل على صلاح الخياطه

انا انفك الجزء الخارجي منها وما صرت احس باي الم

ياليت نلقى من يفيدنا ويكسب اجرنا

__________________

فعلا اختي كل دكتوره لها طريقتها انا راجعت دكتورتين حتى اتاكد من مدى الخطوره وكل وحده اعطتني نصائح تختلف وطبعا كل من زارني من الحريم تعطيني وصفه وعشت بدوامه الله لايعيدها انا ودي احد يفيدنا بتجربه حقيقيه نستفيد منها

وشكرآ لك على المشاركه والله لا يعيد الشر

__________________

جزاك الله عني كل خير ويسر لك كل صعب

__________________

عزيزتي انا ولدت وكنت بكرية ماحسيت فيها والحمدلله من خلطة سوتها لي قربية واذا تبينها اعطيكي طريقتها بصراحة كل خواتي استخدموها ماشاءالله ماحسو فيها

__________________