الله يعين يا اختي ويتمم لك على خير ويريحك

أنا في حملي الثاني وخايفة تتكرر مأساة الخياطة والجرح والقرف حق الحمل الأول

التهب عندي الجرح وصار فيه صديد والتئم على غير سنع

أنا عكسك الطبيبة ما عطتني ولا أي شيء للجرح ولا قالت لي أستخدم عليه شيء ما يحتاج

وبعد الولادة بأربع أيام أو خمس حسيت بتغير الرائحة وراجعت بعد اسبوع قالوا لي التهاب

وعطوني كريم أدهن عليه

رحت لغيرها وقالت لا عشان الغرز ما انفكت وفكتها بعد 3 أسابيع

ولا فاد وزاد الالتهاب وصار فيه صديد

واضطروا يفتحون في الجرح عشان يعصرونه وينظفونه وكان هذا في نهاية الأربعين

وحالتي حالة كان المكان لسه يعور لا أقدر أجلس ولا اتحرك

وصار ملتئم بطريقة غير صحيحة والخياطة تعبانة وفيها مشاكل

سويت عملية تصحيح بعد شهرين ونص

لأن الخياطة الأولى تبع الولادة حتى مأثرة على العلاقة الزوجية من كثر ما هي فاشلة

هذا الحمل سألت طبيبتي اللي أراجع عندها هي صح ماراح تولدني لكن بغيت أسمع طريقتها في الاعتناء بالجرح

قالت لي على حسب حالتك واللي تقرره الطبيبة اللي تولدك هل تحتاجين لمضادات ولا كريمات معينة

لكن بشكل عام ابتعدي عن المغاطس

وتتشطفين بالبيتادين خارجي وممكن دهن كريم ميبو مره الصبح ومره الليل

فالله يسهل ونولد بالسلامة وإن شاء الله ما نحتاج شق وغرز

مع انه وارد بشكل كبير في حالتي

فعلا اختي كل دكتوره لها طريقتها انا راجعت دكتورتين حتى اتاكد من مدى الخطوره وكل وحده اعطتني نصائح تختلف وطبعا كل من زارني من الحريم تعطيني وصفه وعشت بدوامه الله لايعيدها انا ودي احد يفيدنا بتجربه حقيقيه نستفيد منها

وشكرآ لك على المشاركه والله لا يعيد الشر

__________________